مرحبتين ولد عمي
انا مالي خص في السالفه بس قريت انت بتروح انترلاكن متى بضبط بتكون اهناك اي تاريخ
وياريت اقدر اساعدك في شي مثل ماساعتني بس انشالله ملحوقه الايام جايه انشالله
انشالله انا باكون في انترلاكن بتاريخ 29-7-2008 وثاني شي القارمن الي عندك شنو نوعه
وبيك تنصحني اي نوع من القارمن زين وسهل وكلشي فيه . . .
وسمحلي اني تدخلت في موضوعك
وتحياتي لك . . .

استفساراتك التسوقيه مفيده لي ..
بنتظر معاك الاجابات ..
و ان شاء الله رحله سعيده

1. وبالمره تاخذ كوب اسبريسو من قوتشي كافيه ؟!


2. لمزيد من التفاصيل اتمنى الرجوع لتقريري المتواضعين

يسعد مساك أخوي القطري
بالصدفة "البحتة" شفت موضوعك
وقلت ممكن أفيد بشيء
القطري
حقائبكم (شناطكم) وين راح تحطونها؟
لأن الفان 9 راكب من نوع مرسيديس فينو مثلا لا توجد به شنطة
الكرسي الأخير لاصق تقريبا في الزجاج الخلفي؟؟؟
اقترح وضع شبك علوي وتطلبه من شركة التأجير
او تغيير السيارة برينو مثل اللي كانت معي (شوف تقريري)
أولا ميلانو : راح اسكن في فندق خارج الدومو لأن فنادق الدومو أغلبها ماعندهم مواقف للسيارات ..
خطأ
كل الفنادق اللي في الدومو عندها مواقف للسيارت
صحيح الموقف ليس تحت الفندق او امامه
ولكن فيه "كراجات" خاصة حول الدومو وقريبة جدا من الفنادق
كل اللي عليك تعمله انك ترمي المفتاح على الريسبشين وهو راح يتصل بالكراج ويجون هوا ياخذون السيارة
وتأكد عيني انك تاخذ كل أغراضك من السيارة
والعملية آمنه انا نسيت ربطه فيها كم xxxx يورو وثاني يوم الحمد لله حصلتها في مكانها في درج السيارة
السؤال الأول : هل فيه مواقف مجانية أو خاصة حوالين ساحة الدومو عشان اقدر أوقف السيارة فيها ؟
نعم
مجانية لا
وانما بفلوس واذا ماحسبها لك الفندق تدفع للريسبشين حدود 15 يور لليوم
في كل عام والسيارة من اول يوم نوصل آخر خبرنا لها هو يوم ماوقفناها امام الفندق
وباقي الأيام نركز على المهمة التسويقية اللي جاين لها
تقريري ممكن يفيدك اخوي حق ميلانو وخاصة السيارة اللي أخذتها كانت رائعة ونفس عدد عائلتك لكن كان الفان بشنطة
لأن الروحة سهلة (فاضيين) لكن العودة هي المشكلة (أكياس ومشتروات)
خاصة اذا النساء تسوقوا بكل "إخلاص"
السؤال الثاني : بما أن عندي سيارة فراح اسكن أشوي بعيد وراح أجي على الدومو والمحلات بشكل يومي..هل هذه الحركة صائبة ولا خاطئة ؟
خاطئة جدا
بما انكم عائلة كبيرة وخاصة فيها ليديز
فأكيد العودة للفندق لأي سبب من الأسباب وارد خلال اليوم
وقتها كون الفندق قريب بيكون شيء رائع
السؤال الرابع : هل استطيع أن اذهب إلى شارع Via Montenapoleone وشارع Via Sant'Andrea وشارع Via della Spiga وشارع بيونس ايرس مشياً على الأقدام ؟؟
وهل أستطيع أن انتهي منها كلها في يوم واحد ؟؟
نعم
يعتمد على اللياقة
السؤال الخامس : هل هناك شوارع أخرى للتسوق تنصحون بها غير المذكورة أعلاه ؟؟
نعم
عندك الرينا شينتي (بليسمو) جدا جميل ورائع وتحت الدودو على طول- La Rinascente
الشوارع حوالين الدومو مثل:
Via Sant'Andrea
Via della Spiga
Via Torino
Via Torino and Corso di Porta
Corso Vittorio Emanuele
Corso Buenos Aires
ديزني ستور صحيح انه صغير لكن بضاعته جدا جدا متنوعة وجديدة وتتحدث أول بأول
تقريبا عمري مادخلته وماشفت العاملين يفرغون من الكراتين بضايع جديدة
واذا صادف جيتكم السبت لا يفوتك سوق Fiera di Senigallia
واهم شيء التمتع بزيارة بوتيكات خاصة جدا مث بوتيك فيراري
وبوتيك مرسيديس والأخير موجود في «غاليريا فيتوريو ايمانويلي» - "Galleria vittorio Emanuele"

وبالمره تاخذ كوب اسبريسو من قوتشي كافيه ؟!

لمزيد من التفاصيل اتمنى الرجوع لتقريري المتواضعين

http://artravelers.com/c/98725">http://artravelers.com/c/98725" target="_blank"> ميلانو.......رحلة الأربع والعشرين ساعة
و
http://artravelers.com" target="_blank">يومياتAboaziz 2007 الحلقة (10) ميلانو - Milano
تحياتي لك ولأكل أهل قطر
صراحة الحق يقال
كنت في الدوحة قبل كم يوم وماقصرتوا
وأشكر كل من قابلته هناك ......بدون إستثناء
وانبهرت بجمال الدوحة النابع من جمال أهلها وطيبهم وكرمهم
وكتبت وصورت الكثير هناك خلال اليومين اللي كنت فيها
ونشرت بعض اللقطات في موقعي الشخصي
تحياتي

qatar3333
هلا وغلا ولد عمي
انا بروح انترلاكن متأخر أشوي ( بعد العيد ) ..وماأتقصر جعلك ذخر وخيرك سابق ياولد العم
والقارمن الي عندي نوفا 660 ..خذته من محل اللنجاوي الي في سوق الديره ..النوع هذا عجبني واجد وسهل الأستعمال وسلس ..كله بلمس بأستثناء تخزين الأماكن ..
وأبركها من ساعه يوم دخلت ..
واي وقت أحنا تحت أمرك

mzoon
هلا وغلا مزوون
وكلنا بالانتظار لأن التيم الي معاي قاعد يتهدد من الحين
وتسلمين على كلامج الطيب

1. وماأتقصر وخيرك سابق على الإجابات الطيبه الي اشفيت غليلي فيها ..

هلا وغلا بالغالي بوعزيز ( يشهد الله اني احبك في الله ) ..
وبعدين انا شرهان وعتبان عليك ..ومانشره إلا على الغالي ..
كيف أتجي قطر ولاأتخلينا انقوم بالواجب !!
ومتى جيت؟؟ ومت رحت ؟؟
على الأقل خلنا انكحل عيونا فيك لأن الي مثلك يتشرف الواحد بمعرفته ..
كان على الأقل حطيتنا في الأجنده عندك ..
خساره لنا ..

• _____

قاعد اكتب الموضوع ومتكدر ان احنا ماشفناط ولا قمنا بالواجب معك ..
وهل تتوقع اني افكر ازور ميلانو من غير ماتفقد مواضيعك
الحلو في مواضيعك وأسلوبك أنك سلس في الشرح وادعم الموضوع بالصور وفوق هذا أتقول لنا أيش الأفضل ..

وماأتقصر وخيرك سابق على الإجابات الطيبه الي اشفيت غليلي فيها ..

بالنسبه لميلانو ..موضوعك حللته تحلل وماأتصدق لوا أقولك اني خزنته عندي لأني قاعد استفيد منه بشكل غير طبيعي وحتى موضوعك الي عن روما يوم رحت مع ام العيال الله لاأيفرقكم قريته وراح انزل موضوع استفسارات عن روما ولكن لما اخلص من ميلانو وأشفي غليلي منها ..

• بالنسبه للسياره والعفش ..السياره الي حجزتها نفس الي ذكرتها ( ماشاءالله عليك وعيني عليك بارده ) والموقع كاتب ان السياره اتشل 3 شنط فأعطيت المحاربات الي معاي اوامر بان كل 3 في شنطه(هذا بالنسبه للذهاب أما العوده فراح انخلي الخال ايروح مطار روما ومعاه تقريباً أغلب الشناط )

السياره الي كانت عندك حلوه ومريحه ولكنها ال 7 راكب حسب ماعطاني الموقع

• بالنسبه للفنادق الي في الدومو ..انا كنت أشيك على تسهيلات الفنادق الي في الدومو وتفاجئت انهم ماعندهم مواقف ..وكنت دائماً أدخل موقع بوكينق وقبل ماأختار الفندق اشيك في البدايه على التسهيلات الي في الفندق إذا كان عنده مواقف ولا لا ..وكان خاطري في فندق Sir Edward الي سكنته انت لأنك حسب ماذكرت كان 40 او 50 متر من الدومو ..
• ___

بوعزيز ..جمايلك وخيرك امغطيني من العام ..وكل سنه خيرك يغطينا أحنا الأعضاء أكثر وأكثر ..
وموقعك الشخصي هل تقصد منتدى العرب المسافرون ولا غيره
وأحياناً عليك نعليقات أتخلي الواحد يضحك بصوت عالي في الدوام من عير ماأيحس
بالله عليك ..حريم رايحين ميلانو وماتبيهم يتسوقون بأخلاص
صدقني راح يخلصون لميلانو أكثر من خلاصهم حق رجاجيلهم
تسلم يمينك الغالي ..
وخلك متأكد ..ان أحد أكثر الأسباب زيارتي لميلانو هو انت ورجل شرقي
ومن حظي الحلو أنك شفت الموضوع بالصدفه ويامحلاها من صدفه .. لأنك في كل مكان لك بصمات ماشاءالله ..
ياليت كل الصدف في حياتي كذا كان توفقت في حياتي كلها

تسلم و الله يا بو عزيز

هلا بك أخوي والله أكيد ما تقصر
انا كنت موجود الأسبوع الماضي
وكنت جاي في رحلة عمل
ولكن لم يمنعني من زيارة سوق واقف وفلاجيو
مع جولة سريعة على الدوحة
وباقي وقتي بين ردهات الشرق
و في السكس سينسس الخرافي
موقعي الشخصي هو اسمي دوت نيت
وبالنسبة لفندق سير ادوارد اكيد ما انصحك فيه
ليه ماتحاول في واحد من ذولا الأثنين
اذا تبي شيء على ذوقي
اختر واحد من هذولي:
http://www.hoteldeicavalieri.com/
تراهم عليهم ختم الجودة من Aboaziz
تحياتي

مازلت غير مستوعب كيف جيت قطر وماشفناك ولاقمنا بالواجب
تسلم يمينك الغالي وماأتقصر ..
والفنادق الي اتفضلت فيها عرفتهم من خلال البحث في موقع بوكينق وقول أيرث وراح أتصل فيهم وبأكد عليهم مسألة السياره ..وراح اسوي مقارنه بينهم في الأسعار والخدمات وأتمنى الاقي عندهم غرف عائليه ..
خبرك كل المصاريف على عاتق أخوك المسكين