1. الحل الاخر : طلبت ان يوفر لي سياره اتوماتيك

بسم الله الرحمن الرحيم
اخوان الاعزاء الكرام
ارجو مساعدتي في هالموضوع وبالذات الي قد استاجر سياره من مدينةض (freilassing)
انا توني جاي من المكتب الموجود في مدينه الرياض ,وجيت ابي احجز من عنده سياره وحصلت موتر
Bmw بس المشكله انها قير عادي وسعره لمدة 12 يوم ب 2000 ريال
طبعا مشكله القير العادي مايصلح لي بحكم اني في مدينه جديده علي وراح اكون مرتبك في قراءة اللوحات والنظر يمين وشمال وكامره بيدك وقارمن قدامك يعني بيصير الوضع قروشه هذه وجة نظري

الحل الاخر : طلبت ان يوفر لي سياره اتوماتيك

تم البحث وحصل نفس السياره (bmw) اتوماتيك بس الحجز هذا يقول انه عباره عن ( بكج ) حطين بجانب الصوره اسم السياره (bmw) وكذلك (فورد) قالي انه اذا لم يحصلون bmw يعطونك الفورد
(,,,,:112: وش ذا الكلام البايخ ) قهرني ,,,, قلت دق الان على المكتب واستفسار من هالكلام ,,, وماقصر دق وردت الموظفه وقالت ماقدر اقول لكم انه اكيد يحصل (bmw ) بس اذا كانت موجوده عطنه واذا لم تتوفر نعطيه سياره اخرى ..
لكن اكتب في الحجز ملاحظه ان المطلوب (bmw ) وراح ناخذ في عين الاعتبار!!
طبعا: قمت افكر واخطط وش اسوي : قلت للهندي الي في المكتب وش رايك احجز سياره قير عادي
ونطلب في الملاحظه بان الشخص يحتاج اتوماتيك لانه مايعرف يسوق عادي ,,,,, قام يضحك قال تبي تفصلني من العمل انت ,,, لانه لو سويت كذا بيقلون ليش ماخترت للزبون قير اتوماتيك !! كشفني!!
قال في حل اخر اختر قير عادي وراح نطلب في الملاحظه انك تحتاج اتوماتيك !
قلت ياحبيبي الحين انت تقول عادي 2000 ريال واتوماتيك 2600 هل معقول اذا حجزت قير عادي
ورحت هناك وقلت ابي توماتيك بيعطونيها بلاش !! سلامات تلعب علي!
المهم طلعت ودقيت على المكتب في المانيا وقلت لهم انا بحجز (bmw) !! هل راح تعطونيها اكيد
قالو لا مو اكيد حسب التوفر ...!! يمكن اذا مافيه نعطيك فورد !
عالعموم هذا ماصار لي اليوم :
اسئلتي : وش رايكم وش اختار قير عادي ولا اتوماتيك ؟ طبعا انا مو فارقه معي 600 ريال عادي
بس المشكله اني لو حجزت 2600 توماتيك , اخاف تجيني فورد ماتجيني (bmw )!! قهر
وش رايكم وش ازين؟؟؟ نصايحكم
وبعدين ايش الفرق بين (bmw ) والفور ؟ هل نفس المستوى
وشكرا ولكم مني فائق الاحترام والتقدير وبنتظاركم ياملوك