وعليكم السلام ورحمة الله وبركاته
هلا وغلا
لي عوده بأذن الله ..

السلام عليكم اشلونك اخوى الغالي بالنسبه حق الرحلات المتحف قريب مدام توسو بجانب مستشفى لندن كلنك ولندن اى تركب باص رقم 10 او 12 قريبه اما عن الرحلات الثانيه انصحك تروح مع مكتب الزين طبعا صاحب المكتب اسمه انور الزين بو يوسف مصرى الجنسيه المحل بشارع اجور رود واذا بغيت رقمه الجوال عندى تدلل انا بالخدمه

حديقة الحيوانات ) و(لندن آي)و (مدام توسو) و( حديقة الفواكه
انتم قاعدين 10 أيام بس اللي ذكرتيه تخلصينه في يوم ونص
بس عالعموم لا تنسون هارودز وهامليز والتراكاديرو وغيرها
بالتوفيق،،

5 ايام مناسبه جدا في لندن
والباقي تقضونها في منطقة البحيرات وراح تنبسطون نصيحه لاتفوتك

اخوي المختلف..وينها منطقة البحيرات..وكم تبعد عن لندن..وهل ممكن اسكن في لندن واروح للبحيرات وارجع نفس اليوم؟
مدة اقامتي في لندن ان شاء اللة 9 ايام. وجزاك اللة خير..

Pioneer Lady
السلام عليكم ورحمة الله وبركاته
بعد أذن اخوي الغالي المختلف ..

السلام عليكم اشلونكم اخوانى واخواتى الاعزاء بالنسبه لبحيرات اسمها بلاك بول خوش منطقه طبعا تطلع مع مكتب الزين السياحى يفتح المكتب السياحى فقط بالصيف

بكادلى
وعليكم السلام ورحمة الله وبركاته
اخوي بكادلي
فكره حلوه اننا نسير مدام توسو ولندن آي نفس اليوم بس شو احسن وقت للمتحف ولندن آي وكم يستغرق؟؟
وبالنسبه للباص أنا الصراحه اخاف وأفضل اننا نركب تاكسي ثقه
والرحلات الثانيه ان شاء الله تعالى بسير مكتب الزين
واذا تقدر اتطرش لي رقمهم اكون شاكره لك
أشكرك اخوي
ويزاك الله خير
دمت في حفظ الرحمن

DUDE911
اخوي دودي911
لاتنسى ان هاي هي الرحله الاولى لي مع اختي وولدي الله يحفظهم وفاء لوعدي لهم اني اكون معاهم هالسنه في لندن
في السنوات السابقه كنت أقعد في لندن بالشهور لاني كنت أسافر مع الاسره الحاكمه الله يحفظها
وطلعاتنا بس كانت لهارودز وسيليفرجز واحيانا ماركس اند اسبنسر وصيدليات بوتز
ما اكتشفت الاماكن الجميله والرائعه الا في منتدى العرب المسافرون
وحتى لندن آي كنا انشوفه ونحن في الليموزين
أشكرك ع المرور والاضافه
دمت في حفظ الرحمن