vanilla_4039
04-10-2022 - 11:50 pm
السلام عليكم انا سويت جدول سياحي بس ابغى اضيف عليه شغلات وطبعاً بحكم انو ماعندي خبره
في لندن فحابه تساعدوني بتنسيق الجدول ومراعاة انو تكون الأماكن قريبه من بعض
جدولي هو كالتالي :::
اليوم الأول:
استكشاف المنطقه + جولة في الباص الأحمر ( مع مراعاة اننا حنوصل لندن الساعه 11 صباحاً بتوقيت لندن ) يعني لو ينفع اضيف اماكن ماحاقول لأ
اليوم الثاني:
hms belfast+ The London Dungeon + British Museum + جسر لندن + لندن تور
اليوم الثالث:
England Parliament & Big Bin + Sea Life London Aquarium + الهايد بارك
اليوم الرابع:
Madam Tussade +London Zoo+ الريجنت بارك+ الكوفنت قاردن
اليوم الخامس:
التون تاورز ( وحيكون يوم سبت)
اليوم السادس:
Museum Believe it or not + BT TOWER + ميدان البيكاديللي
اليوم السابع:
هارودز + باكنجهام بالاس + جرين بارك + national history museum + science museum
اليوم الثامن:
يوم مفتوح
اليوم التاسع:
bicester village outlet
اليوم العاشر:
العودة للوطن
اللي تشوفوه غلط عدلوه .. وياليت تضيفوا متحف شارلوك هولمز + متحف فكتوريا اند البرت + قلعة وندسور+ سمعت عن عرض قرع الطبول او شي زي كذا + لو فيه مسرحيات غنائية + سيرك
وسينمات تكون قريبه من شارع اكسفورد .. ولو فيه شي تحسوه مهم وفاتني اضيفوه
و ع فكره انا قاصدة انو يكون الجدول مزحوم لانو انا وزوجي لوحدنا وخفيفين ..
ملاحظة :: فندقنا هو ثيستل ماربل ارش ماادري يمكن يهمكم تعرفوا الموقع
وكل عام وانتو بخير وعيدكم مبارك يارب
واعذروني ع طول استفساراتي ^_^
يوجد جدول في المواضيع المثبتة بيفيدكم
وعيدكم مبارك