هلا اختي, الفنادق القريبه في قطر هي 1- الرتز كارلتون2- الفورسيزن 3- ابراج الموفنبيك (الخيلج الغربي).
ألمجمعات: مجمع السيتي سنتر وايد قريب من الفنادق اللي ذكرتها, مجمع الاندمارك , مجمع فيلاجيو(يستاهل انج تروحين له وتشوفينه).
الاسواق كلها فاتحه بالعيد والدينار يساوي 13.5 ريال.
أذا عندج اي استفساراو خدمه انا حاضره.

ياهلا ومرحبا بكم
وتنور قطر فيكم
ويزيدنا شرف يالغلا
طبعا هذا الرابط بيفيدك كثير
https://artravelers.com/p/re/178232
وان كنت انصحك بفندق الفور سيزن ( واجد احبة)
https://artravelers.com/p/re/119058
وعلى فكرى فدق رتاج الريان عندة عرض حلو للعيد ممكن تشوفينه
وعناوينهم طبعا في الرابط المرفق لك
بخصوص 7 ايام حلوة جدا ....
هذا الرابط بفيدك
https://artravelers.com/p/re/180170
انصحك طبعا بزيارة سوق واقف وعلى فكرة فيه فندق بعد
اذا ودك تقسمين المدة على فندقين
Souq Waqif Boutique Hotel
P.O. Box 32442
Doha, Qatar
Tel: +974 4433030
+974 4432288
Fax: +974 4419292
Mob: +974 6058452
طبعا وبجولة سريعة في البوابة بتلقين صور واشياء واجد عن سوق واقف روعة
من مطاعم وقعدات وتسوق والجو يهبل الان ...
https://artravelers.com/p/re/193672
انصحك بزيارة مدينة الخور رائعة
وفيها منتجع فندق السلطان ممكن تتغدون فية وترجعون نفس اليوم والمسافة قريبة
هذا الرابط بفيدك
https://artravelers.com/p/re/183838
انصحك بفيلاجيو روعة وخصوصا قسم الماركات فية تجنن
هذا الرابط بفيدك
https://artravelers.com/p/re/165200
طبعا اللاند مارك واجد حلو سينمات ومطاعم ومقاهي
ومجمع المول والرويال بلازا وحياة بلازا الاصمخ مول السنتر والاسواق عاد حدث ولاحرج
هذا رابط عن الرويال بلازا
https://artravelers.com/p/re/175875
هذا عن الاصمخ مول
https://artravelers.com/p/re/174452
طبعا لازم تزورون منتجع فريق شرق يهبل والجلسات فيه على البحر خطيرة
https://artravelers.com/p/re/105531
عندك كورنيش الدوحة رائع وفيه مراكب تاخذ لكم لفة على الكورنيش
طبعا حديقة البدع على الكورنيش متمييزة وهي للعائلات
انصحك بمطعم شبستان الايراني في شارع السد
وانصحك تمرين مقاهي مجمع العمادي بشارع سلوى عند اشارات فندق راماد
وعلى فكرة في مطعم هندي عجيب في فندق رامادا وكذلك بفندق الماريوت
وعندك مطاعم مجمع التنس والاسكواش حلوة وخفيفة
طبعا في طريقكم لفيلاجيو لازم توقفون عن اسباير المدينة الرياضية وتتمشون وتصورون عند شعلة اسياد الدوحة
وسعر الصرف الدينار يساوي تقريبا 13.54354
هذا على السريع واذا في خاطرك استفسار معين ابشري به

هلا خواتي جزاكم الجنة يارب ماقصرتو على الافادة وان شاءالله بميزانكم
بشوف الروابط وابلغكم باي استفسارات أخرى ...
بس ماقلتولي شلون الجو عندكم ...وابي اجابة لهالسؤال اذا تكرمتو
2- هل التكاسي متوفرة بكثرة مثل دبي والا لا؟؟ واذا لا ياليت اذا تعرفون سواق ثقة ترسلون لي رقمه

• هل المولات مفتوحة بالعيد ؟

بارك الله فيكم

الجو عجيب وحلو ....وان شاء الله على الشهر الجاي بيكون ابرد
التاكسي ...والله البعض يعاني منها
واسلم لك تاجرين سيارة من الفندق
او تتفقين مع التاكسي اللي يوصلك اول مرة
وفي المولات التاكسي متوفرة
وطبعا يوم العيد المولات كلها مفتوحة بس مش اغلب المحلات
انما السينمات والمطاعم والمقاهي

لموية العسولة
ياهلا اختي العزيزة
الله يحييكم ان شاء الله
بتنورون الدوحه
وأعتقد أنها مفاجئة جميلة للوالده الله يحفظها
وأن شاء الله يبرون فيج عيالج
وأن شاء الله أختيار موفق
والأخوات ماقصروا يعطيهم العافية
وبالنسبة للطقس
فالدوحة من الان جوها راائع
حاليا براد وعلى العيد أن شاء الله بيكون الطقس بارد بعض الشئ
وخصوصاً بالليل
والمجمعات التجارية بتكون مفتوحة بالعيد ان شاء الله
وبالنسبة للتكاسي في الحقيقة ليست متوفرة كما دبي
وممكن عن طريق أحد مكاتب الأيجار بمطار الدوحه عند الخروج
أسعارهم مقبولة بعض الشئ
سواء بالسائق او بدون
وأعتقد مدة سبعة أيام بتكون كافية بأذن الله
وهناك منتجع جميل اذا حبيتوا تخصصون يوم للسكن به
ماراح تندمون وأنا لي موضوع عنها
https://artravelers.com/p/re/183331
وأيضاً
زيارة مجمع اسباير الرياضي (بجانب مجمع فيلاجيو التجاري)
طبعا هو مجمع رياضي وصرح كبير وممتع لأخذ جولة مشياً
https://artravelers.com/p/re/177227
موضوعي عن اسباير ممكن تتطلعي عليه
وأي خدمة أخرى لايردج الا الكيبورد
فالج طيب

ياهلا وغلا فيج وبأمج الغالية في قطر الخير
بتنورين الدوحة يالغالية
والله ماقصروا / كفوا ووفوا
بخصوص التكاسي بتلقين مشكلة لهذا اسلم واحسن تأجرين سيارة بسائق وفي عروض وايد وممكن اعطيج احد الاسماء الثقة
على الاقل تتعاونين معاه حق بعض الاماكن او الايام او طول الرحلة
لي عودة