بتأجرون سياره ؟ في سويسرا . ؟
للعلم تقدرون تضيفون اي بلد ثاني .. بأستخدام طيران ايزي جيت
بسعر رخيص

هلا اخوي
ام ... صراحه ريلي عمره ماجرب ايسوق فاوروبا .. واقترح علي الموضوع .. بس بيني وبينك انا خايفه
مابي ايضيع الوقت واحنا ضايعين
فغالبا بالقطار .. وماعندي مشكله بسعر الطيران .. بس انا اخترت القطار عشان نستمتع بالطبيعه
اي دولة تقترح بليز ... بس على شرط اني اشوف اغلب مناطق سويسرا اول
يعني مابي اروح منطقه منطقتين وخلاص .. لا ابي اشوف البلد عدل
وشكرا اخوي وايد على ردك

1. هلا اختي


2. انترلاكن عندك فيكتوريا جانغفرو يخقق

هلا اختي

كنت بقترح عليك سويسرا والنمسا بس دامك قلتي تبين تفصفصين سويسرا عدل كنسلتها
انا ياقلبي رحت قريب لاغلب المدن السويسرية وبعطيك برنامجي اذا اعجبك تطبقينه وانا زيك كانت تقريبا نفس المده جلستي بسويسرا .. انا سكنت 4 ليالي ديفون ارجع لها بس للنوم وباقي الوقت كان موزع بين جنيف / انسي / فيفي / مونترو / ايفيان.. بعدها طلعت انترلاكن
1 / استكشاف مدينة انترلاكن / المطل الخاص بها / شلالات جس باخ
2 / انترلاكن / ثون / بيرن / غرير / والعودة لانترلاكن عن طريق قتساد
3 / قمة توب اوف يوروب / شلالات التروميل باخ/ وادي ليتربون / قرية لونجرن
4 / يوروب بارك / العودة لانترلاكن
5 / بلو سي / زيرمات
6 / شلالات الراين / قمة تتلس / لوزرين
ملاحظة :
قرية قتساد هذي اقترحلك تلغينها لانها مافيها شي ابدا
شلالات الراين وقمة تتلس مارحنا لها رحنا قمة جانغفرو وشامونيه وكان ودنا نجلس اكثر بانترلاكن ونحللها فكنسلنا المخطط
والاوتيلات
جنيف مقدر افيدك لاني ماسكنت فيها

انترلاكن عندك فيكتوريا جانغفرو يخقق

وباقي المدن ماتستاهل تسكنين فيها حلاتها تتنقلين فيها بالسيارة وبخصوص السواقة باوروبا انا زوجي ماعمره ساق هناك
واخذ القارمن وضبط كل الاحداثيات عليه والحمدلله ماعانينا مشكلة اللهم مثلا تاخير شوي او خربطة لكن ماتوصل لدرجة انك تتوهين .. وجزء من الاستمتاع بالطبية هي السيارة وماخفيك الطرق بعضها شوي يخوف خاصة لاجاك الخط كبر اصبعي وكله منحنيات .. لكن بالنهار باذن الله ماعندك خوف اهم شي الليل صراحة ماحب نمشي فيه ابد ..
ان شاء الله تنبسطون بالرحلة ..

انترلاكن تغني عن الجميع

اخوي بيبسي كولا ... مازلت فالانتظار
اختي ريانة نجد .. مشكورة وماقصرتي وكلج ذوق والله
بس انا عندي استفسار عن الاماكن الي ذكرتيها لي ... وين بالضبط؟؟
الي اعرفه ان يوروب بارك بألمانيا مو سويسرا ؟ وممكن اتقوليلي شنو القارمن بالضبط
مشكورة مرة ثانيه كلي عشم فيج
اخوي Swissri ... مشكور ماقصرت
اخواني خواتي ... ناطره مشاركاتكم بليز

ام ... صراحه ريلي عمره ماجرب ايسوق فاوروبا .. واقترح علي الموضوع .. بس بيني وبينك انا خايفه
المتعه في هل الدوله بسياره
مابي ايضيع الوقت واحنا ضايعين
ماراح تضيعون وقت لانه في جهاز قارمن تحطون فيه الاحداثيات ويوديكم المكان الي تبونه على طول
القارمن عباره عن جهاز ملاحه
تشترونه من دولتكم
او تطلبونه من السياره بسعر رخيص
وتاخذون معاكم احداثيات لاماكن انتم تبونها ويوديكم لها

اما المانيا - سويسرا - فرنسا هذي من بالسياره تضم المانيا والنمسا وسويسرا وفرنسا حلوه اقترح هذي
او سويسرا - فرنسا - لندن

اخوي بيبسي كولا مشكور وايد ماقصرت
اعتقد انك من الكويت ... وانا بعد
ممكن اتقولي من وين اشتريه ؟ وبجم سعره بليز ؟
وممكن اتحطلي جدول 10 ايام بسويسرا
وجدول 10 ايام بفرنسا اذا مافيها كلافه عليك
وايد شكرا اخوي ونخدمك بالأفراح ان شالله

مجمع المنشر بالفحيحيل في كشك لشركة قارمن والفرع الرئيسي بالشويخ يبيعونه هناك في من 40 دينار الى 170 دينار حسب النوعيه والميزه
انصحج بسويسرا وراح نضبط لكم جدول يحبه قلبج بس عزمو عليها انتم اول
القياده بالسياره نص السفره قمة المتعه وناسه لاطوفونها نصيحه
انتم عزمو وحجزو ونعطيكم خط السير بعدين الأحداثيات بسطه
على فكره السياره فيها جهاز نفقيشن بس اغلب الناس ياخذون واحد من دولتهم عربي واسهل لهم بالتعامل مع الجهاز
ارشح المدن السويسريه ( لوزان- مونترو- انتر لاكن- لوقانو- زيورخ- بادرقاز- لوسيرن- زيورخ-) طبعاً مع الريف الفرنسي والألماني مو شرط كلهم تزورونهم راح نفصلهم ونحطهم بجدول حلوه مع خط سير احلى وحلى بس عطونا الأوكيه اول ... تحياتي وبالتوفيق