انا كويتي اريد السفر لأول مرة الى بلغاريا لوحدي من الكويت فهل من مرافق؟

السلام عليكم
شكرا على المعلومات المفيده
بس ممكن تفيدوني يا اصحاب الخبره
انا مسافر في شهر سبتمبر اما بلغاريا او اليونان او قبرص
رجاء افيدوني اي منهم افضل وجزاكم الله خير , اخوكم خليفه من السعودية

Up
up
شنو سالفة الفيزا ؟

الفيزا من السفاره البلغاريه بالكويت
او عن طريق مكتب سفريات الدبوس يطلعون الفيزا لك
والاوراق المطلوبه صوره الجواز وصورتين شخصيه وتعطيهم الاوراق وبعد اربع ايام تسلمهم الجواز مايطول يومين ويعطونك الفيزا
والاخوان السعودين يا انهم يحضرون الكويت والذهاب للسفاره او يراسلون مكتب الدبوس لانه مكتب الدبوس هو الوكيل للطيران البلغارى والمعتمد من السفاره البلغاريه
ول انك تروح مباشره للسفاره راح يطلبون عليك امور كثيره مثل حجز تذكره وسكن لاكن من المكتب ماتحتاج شي لانه هم يتكفلون بالطلبات
وانا دفعت 17 دينار كويتي للرسوم ومدتها شهر

ماحد عنده معلومات عن بلغاريا
أفضل المدن 00 وكيفية تعامل الشعب للسائح الخليجي 00 وهل هي دولة رخيصة او غالية 00 ؟؟

السلام يا شباب ساعدوني انا ابي بلغاريا وابي كل التفاصيل عنها وابي اعرف السكن وكم اخذ معاي وانا ودي اقعد 14 فيها وهل رخيصة او غالية ومشكورين

الدماسي كل التفاصيل مره وحده صعبه حدد شنو الى تبى تعرفه وانا اجاوبك على الى اعرفه
اول شي بلغاريا بلد جميل من ناحيه البحر والطبيعه والجو
وبخصوص الغلا اذى انا اشوف انها بلد ليست رخيصه ولا غاليه معقوله طبعا الغالا من ناحيه دول مثل فرنسا والمانيا واسبانيا تعتبر رخيصه بالنسبه لهم وتعتبر نفس التشيك والمجر ورومانيا ولو كانت اغلى منهم شوي او نفسهم (انا اقارن بالجولدن ساند الى يعتبر اغلى مكان بلغاريا)
وبلغاريا اذى رحتلها لاتروح الا فارنا
وفارنا فيها منتجعات مثل الجولدن ساند افضل منتجع فى فارنا هذا اذى ماكان الافضل فى بلغاريا
والسكن عندك يا تسكن بالجولدن ساند او خارجه فى فارنا
والجولدن ساند مافيه الا فنادق اما خارجه يوجد شقق واكثر الخليجين يسكنون فيهم
هذا الى عندى اذى عندك شي محدد قولى وانا اجاوبك بالى اعرفه

حبيب قلبي يا خي افهم انا ابي اعرف اهم شي المافيا شلونها اهناك اجارم عينك عين او فيهم شويت حيا يعني بس بالليل انا من السعودية بس ازور باستمرار واعرف ان الدبوس وكيل لبلغاريا وعندهم عروض علي هاللبلد وش رايك اخذ عروضهم او اشلع بروحي وبعدين يالغالي الشقة كم اجارها وهل بطاقات البنوك مثل بيت التمويل والراجحي يصرفون اهناك او لا وهل الدولار ماشي عندهم وهل وسائل النقل رخيصة او غالية ولك كل الشكر ياخي افهم اوكي فهمنا هههاي.