بى توفيق ان شاء الله

غريبه ان محد رد علي

السلام عليكم ..
انا قبل امس وصلت ميونخ وكنت جاي من روما 4ايام ثم الى فلورنس ايضا 4 ايام ومن ثم الى ميونخ وكل المشوار بالسياره
انا مو اول مره اتنقل بالسياره في اوروبا او ايطاليا فعشان كذا انا رايي ان التنقل بالسياره سهل وممتع ويعيبه ببعض الاحيان عدم توفير مواقف مجانية بالفنادق
على فكره انا معي زوجتي وبنتي صغيره فقط
اهم شي يكون في السيارة نافيجيشن سيستم نظام ملاحه
ويالنسبه للجو صحيح الوقت اللي انا فيه مره برد وصادفنا في فلورنس سنو!! وكان شي غير معتاد في هالمدينه على كلامهم واكثر شي يزعج الهواء بس حسب مواقع الطقس متوسط الجو في التاريخ اللي انت تقوله في روما 21 - 9 ºc وقيس على كذا كل ماتطلع شمال نقص درجتين

mmk
مشكور ويعطيك العافية جد جد كنت محتارة من السيارة والجو

1-ان كان زيارتك داخل المدن الي ذكرتها فالسيارة مالها داعي لان كل شي قريب والمترو يغطي
2- مافهمت وش قصد شحن في ميلان ؟؟؟؟؟؟؟؟؟؟؟؟
3- انا جربت الباص يوديك الى المطار مباشرة بدون توقف سعرها ان ماخنتيني الذاكره يا 7 يورو او 15 يورو
4-الاجواء بتكون حلوة في ايطاليا وانصحك بالسفر في هذي الفترة وبيمر عليكم ايام باردة بس بارد موهو قارس يعتبر لطيف
تحياتي...........................

الليث الايطالي
مشكور و ماقصرت ..........
2- اقصد شركة اتعامل معها لشحن الملابس والاغراض الى الكويت بسعر اقل من الطيران
3 - ممكن تشرح لي اكثر عن الباص وين احصله و الي وين اوصلني و وين القاه وهذا الباص موجود في مطار ميلان ومطار روما ؟؟؟
وشكرا

بالنسبة للشحن مافيدك والله
بالنسبة للباصات الي في ميلان
موجود عند محطة القطار الرئيسية
بالنسبة لروما مادري وين مكانها بس اكيد عند محطة القطار اسم المحطة ترميني
اسأل حقين الفندق بيفيدونك فيها
تحياتي........................

الليث الايطالي
مشكور ... بس عندي استفسار اخير
عندك فكرة عن شركات التكاسي الي تنقل من المطار الى الهوتيل وبسعر معقول او اقل من التكاسي الخرى العمومية (مثل الشركات الي فب لندن و باريس )

سبحان ربك؟؟؟؟
انا الان في ميلان واحتجت اشحن فشيكت على اكثر من شركة وهذا اللي طلع معي بالنسبة لطرد من ميلان للرياض وزنه 25 كجم:
DHL : 336 euro - 3 days
Fedex: 408 euro - 3 days
TNT: 300 euro- a week
Ups: بعيد وماقدرت اشيك عليه
حاولت ادور على شركات غير مشهوره لعلها تكون ارخص لكن مالقيت
ارجوا اني اكون افدتك