مانويلا ابراهيم
02-07-2022 - 12:39 pm
السلام عليكم ورحمة الله وبركاتهبداية احب اثني على جهودكم , رحالة العرب المسافرون انتم رائعون واكثر
طلبي منكم ان تساعدونا في ترتيب رحلة اوربيه عائلية تبتدي من النمسا
ل 6 اشخاص ,
الميزانيه متوسطه >> يعني التنقل والسكن باسعار متوسطه ارقى من الرخيص بكثير وارخص من الغالي بشوي يعني
المده 25 يوم او شهر
الدول المرغوب فيها : النمسا , سويسرا , فرنسا , ألمانيا , هولندا , بلجيكا .. الخ
المهم ان الرحله تكون ماتقل عن 4 دول بمناطقها ..
وممكن تستبعد الدول المتشابهه بما هو أفضل .
اهتمامنا راح يكون : كفيهات , تسوق , تغيير جو عن الطعوس ونشوف شيء اخضر وبحيرات وبجعات حلوات , تيلفريك وقمم , ملاهي و ديزني .. >> وش بقى خ
ارجو من خبراء اوروبا ان يدلو بدلوهم
ولكم خالص الدعاء من جميع افراد العائله
بخصوص رحلتكم اول شي اختيار موفق جدا و دام انكم تبون طبيعه و خضرا و بحيرات و بط و بجعات حلوات ههه
فقد احسنت الاختيار
اول شي اقترح انك تشوف خريطة اوروبا و منها تقدر تحدد الدول الي تزورها و انا بوجهة نظري انك تزور كل دوله او مدينه و تعطيها حقها
ماتمر عليها مرور كريم بو يومين و تطلع بهدف انك بتشوف اكبر عدد من المدن
و هذا الرابط في خريطة اوروبا
بما انك انك اخترت النمسا و هي انا اسميها قلب اوروبا كونها تقريبا تصير بنص اوروبا
ومثل ماشايف انها محاطه ب7 دول بجميع اطرافها و كل دوله لها مايميزها و تقدر تشوف كل دوله شنو فيها و من انشطه و اماكن سياحية و تشوف شنو الي يناسبك و بناء عليه تختار الدول الي بتروحلها
و بخصوص الرحلات الاوروبيه اغلب المسافرين يكون خط سير الطيران
الوصول يكون بمطار فيينا و الاقلاع ميونخ
عشان تاخذها من الشرق لي الغرب
بعض الاقتراحات:
النمسا - سويسرا - المانيا
النمسا - التشيك - المانيا
النمسا - ايطاليا - سويسرا - المانيا ( كل دوله اسبوع )
النماسا - سلوفاكيا - التشيك - المانيا
طبعا كل دوله لها مناطقها الجذابة و السياحيه الي تميزها عن غيرها
هذي بعض الاقتراحات السريعه لخط سير الرحله و ان شاءالله الاخوان اخبر مني يفيدونك و مايقصرون معاك بعد
و رحله موفقه و سعيده باذن الله