معليش نسيت اكتب اي احسن وارخص الهند او سريلانكا

سريلانكا احسن وارخص من الهند

هلا اختي عهوده
بالنسبه لسريلانكا أنا ما رحتها لكن الهند امبلا وهي صراحه وايد حلوه
وأنا سايره مومباي كذا مره وسوقهم وايد روعه وسرتكيرلا
وأنت ما حددتي وين بتروحين بالضبط تبين سوق أو استجمام
وبالنسبه لي أنصحج بمومباي وكيرلا وبتحصلين وايد فنادق اسعارها معقوله
وخبريني وين تبين وبرتب أنا معاج
والله يوفقج

عزيزتي بالنسبه للعوائل الكبيره الله يحفظهم ولاية كيرلا افضل من كل النواحي وممكن تاخذين يومين اوثلاثه في مومبي لتسوق حيث التسوق في كيرلا غالي بعض الشي ومدينة بومبي مدينه تجاريه فاممكن سياحه وتسوق وبالتوفيق
ملحوضه لاتوفتي تجربة مدن كيرلا

بليز الاسطوره انا ابي برنامج 10 ايام غرفتين 4 اشخاص
ابي طبيعه بكر حوالين الفندق ابي منتجعات طبيعه مو بحر وجو براد ومطر مو برد ولا حر
تكفين من الخطوط الى الفنادق الى السائق كل شي تكفين
بشهر 8 ميلادي 2009

إن شاء الله يا المطر والهباهيب
الخطوط الإماراتيه هي المفضله عندي
يومين كالكوت سكنا بمنتجع صراحه وايد حلو وراقي يطل على نهر وطبيعه خلابه
ويومين تكدي وهذي المنتجع عباره عن شاليهات متفرقه بس روعه
وأنت وسط اشجار الجوز السناجب على الشجر وفيه ايضاً شجر فواكه غريب
أول مره اشوفه ومره كنا يالسين عند حوض السباحه ونسمع صوت الأذان
تحس براحه نفسيه
وبعدها مونار ثلاث أيام صراحه منطقه خياليه فندق Tea County
هذا الفندق الوحيد اللي أذكر اسمه لان اللي حاجز لنا كان واحد اسمه بشير
وهو الدليل السياحي لنا ويايب لنا السواق وايد طيبه ودانا بيته عرفنا على حرمته وبنته
إذا الإداره ما تمانع حط لك رقمه
ويوم واحد ألبي الهاوس بوت
ويومين كوتشين
والسموحه طولت وايد عليك

الأسطوره s
السموحه والله منك اللي كثرت عليك
بس والله لادعيلك
والاهم من هذا كله كيف طريقة استخراج الفيزا؟؟
كم التكلفه لغرفتين؟؟؟
وكم تكلف الرحله تقريا لاربع اشخاص مع الفطور
البكج
التذاكر؟؟
هل يوجد مطاعم مقبوله ونظيفه؟؟ والا اخلي الاكل كله بالفنادق؟؟
الله يعينك بس علي ههه
الله يعطيك الف عافيه
واللي عنده اجابه اضافه لا يبخل علي

الاسطوره .. ممكن رقم بشير .. انا ان شاءالله رايحه الهند اول خمسه من تاريخ 4 لين 7 .. واريد حد يرتبلي الجدول ..
انا رايحه لمدة 4 اياام .. واريد اماكن اتسوق فيها واشتري منها العود ودهن العود .. تقدر اتسويلي الجدول ؟

السلام عليكم
بالنسبه لمدينة الوصول احنا نزلنا في مومباي يومين وبعدها اخذنا طيران داخلي لكالكوت
سعر التذكره 300 درهم تقريباً واحنا طالبين من مكتب الحجوزات تذكره لكوتشين وما ادري كيف
خربطوا وخلونا ننزل بكالكوت واحنا ولا ندري على بالنا نازلين بكوتشين ونتصل لبشير أنت وين يقول أنا عند المطار
قلنا له لا احنا بره وما نشوفك احنا نص ساعه لين ما رفعت أنا راسي فوق واشوف مكتوب مطار كالكوت وبشير بمطار كوتشين اربع ساعات من بينهم فخذينا تاكسي وخلينا بشير يكلمه وصلنا المنتجع اللي حاجزين فيه والصبح الساعه ثمان بشير والسواق ويانا وخلال كل الأيم اللي قضيناها في كيرلا السواق معانا هو اللي يودينا وييبنا من منطقه لأخرى هذا بالنسبه لإستفسارك عن التنقل كل منطقه تبعد عن الثانيه على ما ذكر فيه ثلاث ساعات واربع
وأكلنا صراحه كله من الفنادق ما أكلنا ابد برع للاسف الفنادق ما ذاكره اسمها موليه
بس بشير يعرفها وبعطيك الرقم إن شاء الله وهو مسلم ويتكلم اللغه الإنجليزيه وما يعرف عربي
والهاوس بوت مب بمونار بمنطقة ألبي وتبعد عن مونار ثلاث ساعات
وبالنسبه للتكلفه ما ادري بالضبط احنا كلفتنا من رحلات وفنادق سواق وأكل كله تقريبا عشرة آلاف درهم
ما ادري يمكن في ناس بيقولون السعر عالي بس تستاهل كيرلا صراحه
والله يوفقكم