حياكم الله
هل تريدون التكلفة شاملة الطيران والسكن

اختي على حسب السكن ,, مثلا في فنادق 500 ر.س ليله وفي فنادق 1000 ر.س ليله ...... الخ
وبالنسبة للاكل ممكن تحطو 35 باوند للغداء والعشاء والتحليه ( يوم/شخص )
التنقل بالقطارات والباص ( لندن + جرينيش ) >> بطاقة الاويستر 28.50 باوند ( اسبوع/شخص )
بالنسبة لتذاكر الطيران كل ما حجزتو قبل تكون التذاكر ارخص
يمكن سعر التذاكر الحين من 2500 ر.س الى 3000 ر.س

وحسب مشاويركم.. اذا كانت المدارس والمواقع الي بتزورونها محصورة على لندن لو خارج لندن ايضاً

الله يعطيكم العافية ومشكورين على الرد
بأزور لندن واكسفور وليدز فقط
ما عندي أي خبرة سابقة
اتمنى المساعدة

مها المحمد
تقارير لندن موجوده بكثره في قسم تقارير بريطانيا وايرلندا ,, تقدري تدخلي اي تقرير وتستفيدي منه

توجد في المنتدى اشياء كثيرة واذا ماحصلتو اللي تبونة نحن في الخدمه
اتمنى لكم رحلة سعيدة

السلام عليكم ورحمة الله وبركاته
هلا وغلا مها المحمد
وحياكم الله بين اخوانكم وخواتكم وان شاءالله اتفيدون وتستفيدون
ماقصروا الخبراء جعلهم ذخر ان شاءالله دوم ..
فيه طرق ممكن الواحد ايوفر منها الكثير ويستفيد منها واجد على سبيل المثال المواصلات ممكن تستفيدون من بطاقة الاويستر للباصات والاندرقراوند وراح اتوفر عليكم واجد في المواصلات ..
السكن لكم مطلق الحريه ..هل اتحبون الفنادق الفخمه او العمليه ! وكله موجمد في لندن ..
احنا دايم نسكن في فندق ب 74 باوند في اليوم واهم شي بالنسبه لنا النظافه والموقع ..
مصروفكم اليومي خلينا انقول من 100 الى 150 مع الأكل والشرب والكوفي شبات ..
واي خدمه احنا في الخدمه

الله يعطيكم العافية
ومشكورين على الاهتمام

فيه عرض على الخطوط السعوديه ( اذا حجزت عن طريق النت ) بس التذاكر غير مسترجعه ولايمكن تغييرها ( سعرها اجمالي 2018 ريال سعر أكثر من رائع )
بالنسبة للفنادق خذي جولة على مواقع الشهيرة ومتوسطها في لندن 700-1000 ريال