--------------------------------------------------------------------------------
الأخوة اعضاء المنتدى الرائع
بتعبكم معاي شوي لكن مااستغني عنكم
خصوصا بعد ماسافرت الصيف لاوروبا وبفضل الله ثم فضلكم
كانت سفرة اكثر من رائعة
يا اخوان انشالله زواجي راح يكون في 11 ديسمبر من عام 2008 م
ومثل ما انتو خابرين ديسمبر في اوروبا راح يكون شتاء
وانا والله محتار وخايف يكون شهر العسل كئيب بسبب برودة الجو
لكن ان شالله معاكم ماراح اتعب
عموما انا بعطيكم معلومات وابيكم تخططون لي انتو
يعني فصلوا وانا البس
1- المدة راح تكون بين 22 - 25 يوم
2- راح يكون فترة راس السنة وانتو عارفين الاحتفالات في اوروبا فابغى افضل مكان للاحتفال .
3- من المهم عدم وجود ثلووج بالمدينة .
4- الميزانية راح يكون حدي فيها 60 الف ريال .
5- افضل خطوط نسافر عليها وياليت خط السير .
6- ابغى احصر شهر العسل في ثلاث مدن اوروبية فقط .
7- اقترح الدول ماراح تطلع عن ( فرنسا - ايطاليا - اسبانيا - النمسا ) ونرحب بمقترحاتكم
وأخيرا داري بتقولون طرار ويتشرط بس عاد شسوي والله محتاج مساعدتكم وودي أرتب حجوزاتي من بدري
لصعوبة الحجز في فترات راس السنة الميلادية
شاكر لكم مقدما