33 دخلوا ولا واحد خبير

أبشر يالغالي بسعدك، وايطاليا خطيرة بهالوقت بالعكس هذا وقتها بس الله يعينك لأن اسعار الفنادق دبل ويعتبر الهاي
سيزون عندهم، انا ابساعدك ان شاء الله باللي اقدر عليهم وراح تكون سفرة شهر عسل تدعي لي بس علمني انتم
ايش مودكم: اثار ، طبيعة، تسوق، مولات ، سهر بالليل ، زحمات، هدوء،، بحر ،، تحبون المشي،، تحبون جلسات القهاوي
ولا بس مثل بعضهم حقين مولات ومطاعم ونوم ..
عطني مودك يالغالي ورغباتكم وابشر بعزك

انا متشوق للرد عشان ازبط السفر

السلام عليكم اخواني
الله يثيبك على هالموضوع
انا نفس الشيء ناوي اروح اول شهر 11 وكنت خايف من سوالف البرد والنشاطات الحلوة ممكن تكون غائبة ماأدري وش وضعهم هناك
بس انا على بالي ذيب ورايح باللو سيزون ارخص تذاكر وسكن
غريبة تقول فنادق دبل ... مو المفروض بالصيف تكون دبل ؟ ولماذا ؟
شكرا

ايطاليا لازم تروحون فنيسيا لانها من جد بلد الاحلام على كلام اختي في شهر العسل كان بأكتوبر السنه اللي فاتت وميلانو بعد حلوه جلسو في كل وحده 4 ايام الى 5 وتقول كانو يقولون لهم اليوم اول يوم يدخل البرد عندنا واخر الايام تقول صار برد وايد بس السفر بهالوقت لايطاليا بالذات روعه لان ايطاليا ماتنطب بالصيف انشالله الاخوان الخبراء يفيدونكم اكثر والف مبروك مقدما

حلو والله شجعتوني
انا بكون فيها 5 ايام في اكتوبر

فارس تميم
اعذرني اخي صاحب الموضوع خطمت عليك بس كلنا في قالب واحد
طيب ابغى اروح مع ايطاليا مكان ثاني
باريس وجنيف تنفع ؟؟
وشكراً

من واقع تجربتي لأوربا عامة أحسن وقت تروحون لأي بلد أوربي من شهر 10 إلى شهر5 وفترة الشتاء روعه سحر خاص خاصة من شهر 11 و12 تستانسون فيها أكثر منها بفترة الصيف في الصيف زحمة العرب السواح وحر لاكن من بعد شهر 10 تكثر عندهم السواح من الكوريا واليابان والصين ودول أوربيه والجو عامة له طابع خاص في فترة الشتاء أنا قعدت 3شهور في سلوفاكيابحكم الدراسه وكنت أتنقل بالويك إند للنمسا والشييك وميونخ وهنغاريا والمسافه بينهما بسيطه