ياليت تتاكد اخوي من هالكلام هل هو طالع من صالح آل الشيخ نفسه لان ترا صالح آل الشيخ مسؤول عن البعثات الامريكيه وماظنتي قالها كتصريف لانه متعاون جدا
احتمال انه يقصد التقديم للبعثات لانه فعلا توقف وبيرجعونها بعد رمضان يمكن
تحياتي

يادي النيلة المنيلة بستين نيلة

صلي على النبي يابو بعد هذي كل الهجولة والجنان ومراسلة الجامعات والحصول على I_20 والذهاب الى الوزارة في الرياض والانتظار سته ساعات عشان يكتبو مقبول من جامعه موصى بها وفرحة خطاب السفارة ورحة السفارة من الساعه السادسة الى الساعه الثامنة والنصف في الشموس الي اثرها الى الان في راسي والصبر على الفيزا الين ماطلعتلي قرون والى الان ماطلعت تقولي صالح ال الشيخ يقول احتمال تلحق ولاماتلحق راح يصير كلام ثاني لاتحمد عقباه

بلا هوية تأكد قبل لاتكتب اي شيء

انا يا اخواني الكرام والله ما خش مزاجي ذا الكلام وانا مثلي مثلكم يخليني اوسوس ذا الكلام
يمكن خوينا ذا فاهم غلط وانا ما كتبت ذا الشي الا ابغاكم تطمنوني لاني والله اكثر واحد شايل هم ذا البعثة
اتمنى يكون اخونا في الله فاهم غلط
بلا هوية

بلا هوية
ياخي العزيز لا تكتب اي شي الا وأنت متأكد منه (((( لان فيه ناس كثير تعتمد على المعلومات الموجودة في المنتدى))))
انا كنت عند صالح ال الشيخ يوم الاحد وقلتله" لوجبت i-20 والفيزا مع العلم اني ماراح اخلصهن الا بعد رمضان متى يطلع قرار الابتعاث
قال بالحرف الواحد(((( يوم او يومين بالكثير)))
يعني لو فيه اي حاجه كان قال لي
"""وبالتوفيق للجميع"""

هلا فيك اخوي
لا لا الكلام هذا مو صدق
انا وأعوذ بالله من كلمه انا
تأخرت في اجراءت قبول الجامعه وعادي
وعرف مسئول في وزاره التعليم وقال عادي شهر شهرين
يعني تلحق على الترم الجاي او الي بعده
وبس هذي المعلومات الي عندي
لك كل الود

هوى البال لاهنت وتسلم على هالكلام الي اراحني شوي
وبالنسبة للاخوة الاعزاء اعضاء منتدى العرب المسافرون ارجو منهم ان يطروحو المواضيع التي لها ادلة وبراهين موو كلام عابر او اشاعات او كلام فاضي :112: ....
ارجو منكم الا تتضايقو من كلامي لاني انا واحد من الاعضاء الذين استفدو من هذا المنتدى الكثير والكثير فلا اريد اشخاص يعكروون مزاجنا .........................................

أخوي فيه مثل عندنا .. يقول حط عقلك براسك تعرف مخلاصك .
أخوي خلني أقولك شئ :
1- الوزارة وضحت قبل فترة انها راح تتوقف لفترة مؤقتة لاصدار الضمانات المالية.. وبعدين رايح ترجع . يعني البعثات لسا ماخلصت .
2- الوزارة حدثت الموقع يوم الثلاثاء الماضي وقالت انه خلال شهر رمضان راح يكون استقبال الطلبات من الساعة 9 - 12 .. يعني بالعقل لو كانت البعثات وقفت هل راح توقف بين يوم وليلة !!
3- كثير من الأخوة سأل الوزارة بخصوص أن الفيزا راح تتأخر وربما ماراح تصدر إلا بعد رمضان .. هل راح يتأخر صدور قرار الابتعاث .. فجوابهم كان " لا كلها يوم أو يومين " .
4- الوزارة لم تنشر أي خبر بموقعها عن ايقاف البعثات .
5- بين الوزارة و السفارة تنسيق مسبق على أن تصدر السفارة 5000 فيزة طالب .. فهل يعقل ان الوزارة تصدر أكثر من ذلك !! فالمسألة تتعلق بالسياسة .
6- لتعلم أخي أن هناك من الناس من قلوبهم سوداء .. لايريدون الخير إلا لأنفسهم فلهذا بثوا هذه الاشاعات كما بثت من قبل الكثير منها ! .ابتسم تبتسم لك الحياة