لا والله مافيها شي و من تركبين الطياره ان شاء الله بتحسين ان كل الخوف و المحاتات مالها داعي ..
بتركبين الطياره من ديرتج و لي وصلتي بتنزلين من الطياره و تمشين و را اللي نزلو معاج
جوازج معاج توقفين بطابور الجوازات الخاص بغير البريطانيين او اصحاب جوازات الاتحاد الاوربي
يعني اوقفي مع العرب
لي ييتي بتعطين جوازج بيسالج بكل رحاابه الصدر و ابتسامه والله ليش ياييه؟ وين بتسكنين .. عندج احد اهني او احد ينطرج .. و بس خلي الاجابات سهله و عامه
سياحه
اسبوع
الفندق الفلاني
اي زوجي سبقني و ناطرني
يعني لا تييبين طاري شغل و شركه و اي شي ماله داعي و السالفه سهالات ان شاء الله

aLKuwaitia
هلا فيج ياعيوني وأشكرج على ردج
أنزين الأسئله يقولها بالعربي وأنجليزي لأني ثقافتي عربيه بحت ههه
ماعرف الا لتل من E

الامور كلها طيبه ولكن
لا تسافر امرأة إلا مع ذي محرم
والله اعلم

موادع1
أهلا فيك مشرفنا
وعساك على القوه .........صحيح كلامك
المشكله ان زوجي عنده شغلتين .....بلجيكه وبريطانيا وأنا ابي بس برطانيا
عندي ولدي يدرس هناك ...........والسفر في ايام الدرسه يعني محد متفرغ لي
الله يعطيك العافيه

سؤالي الحين أشلون مع اللغه في المطار يعني اقدر امشي حالي بلغتي العربيه ؟؟؟؟؟؟؟؟؟؟

هلا بأختي الفاضله لا تحاتين بالنسبه اللغه الوضع عادي والاسئله بسيطه جدا

المزعج
أهلين مشرفنا (المزعج)
أشكرك على ردك .........بس لو توضح لي يعني أشلون الوضع عادي
وشنوعيت الاسئله بس علشان اذاكرها ههه
الله يعطيك العافيه

الامور طيبة
1- ليش جاية
2- وين ساكنة
3- كم بتجلسين
قولي ما اعرف انجليزي

حفظي الكلام اللي بتقولينه بالانجليزي عشان ما تتوهقين