لو قدمتها من القنصليه السويسريه بجده تاخذ 10 ايام وتطلع ان شاء الله
,,,
ان شاءا لله احد يفيدك

أخي العزيز أنا طلعت الفيزا من السفارة الفرنسية عن طريق مكتب أريكسون بجدة وسافرت من جدة على جنيف في
9/4/2011 يعني قبل شهر تقريبا ومريت النمسا والمانيا وفرنسا ولم يكن هناك أي مشكلة بل كانت إجراءات الدخول أسهل مما تتصور ولله الحمد أرجو أن أكون أفدتك وتقبل تحياتي

الله يطمنك يابو لينا .. ياخي عجزت كلن يعطيني من عنده وانا ان جيت للحق قدمت للاسبانيه لانها كانت الاسهل اجراءات وصديقي بعد قدم على اليونانيه ..طيب يابو لينا ماسألوك ليه دخلت سويسرا اول ولا طلبوا منك خط السير او التذاكر او الفنادق لان يمكن مشوك لان عندك خط سير للدوله اللي طلعت منها التأشيره او عندك حجوزات فنادق فيها
الاخت بنت ابوها ماعتقد اذا طلعت شنغن من سفاره اقدر اطلع ثانيه والاولي ساريه المفعول

متفائل لك
بتوصلون واموركم بخير ،، باذن الله
وللعلم انا دخلت سويسرا من فرنسا بتاشيرة فرنسية
بس علمونا اذا وصلتوا جنيف

lord155
متى كان سفرك بتأشيره فرنسيه يالورد ؟
والله ماتدري يمكن اطيح لي بضابط قافلتن معه ويستقعد لي ثم عاد تقفل معي واضطر احجز منها لاسبانيا بتكلفه اضافيه وبدون اي ترتيبات وتنحاس اموري .. الله يعين
ياليت من كان له تجربه سفر قريبه ونفس الحاله يفيدنا فيها لتعم الفائده للجميع ..

أقسم بالله يأخي العزيز ما عندي أي حجز لأي فندق لأني كنت مخلي الرحلة حره أي وقت يدخل علينا الليل نستأجر ولا سألوا ولا طلبوا أي ورقة نزلنا مطار جنيف طبعا أنا ومعي أحد الأصدقاء فقط
أول ما تدخل مطار جنيف يجيك مكاتب الجوازات حدود 8 كباين كل كبينه فيها شرطي أو شرطية أنت وحضك في شرطي ينظم السرى جاء سرانا طلب منا الجوازات فقط مررها على جهاز الحاسب عنده وختم الجواز ولا حتى سأل أي سؤال يمكن أقل من دقيقة وعلى فكرة حتى اللغة الإنجليزية عندي مش ولا بد ولا خويي وأول مرة أنزل جنيف وبعدها دخلنا صالة الأمتعة بس انتبه لرقم ولوحة الرحلة لأن هناك سيور كثيرة للعفش أخذنا حقائبنا وبعدها استلمنا سيارتنا من شركة يوروب كار بنزين طبعا لأنا طلبنا ديزل قالوا مافيه وتعبئتها بحدود 200 ريال تقريبا جلسنا في سيويسرا 3 أيام دخلنا النمسا ولا طلبوا أي ورقة وجلسنا في النمسا يومين دخلنا ألمانيا ولا ندري إلا برسائل الجوال مرحبا بك في ألمانيا مرينا ميونخ مرور ثم اتجهنا نحو فرنسا ولم يطلبوا أي ورقة 0 فيه سيارة أمامي طلبوا جوازهم ودققوا على الفيزا هذا في دخول فرنسا فقط أما أنا فمشوني على طول وبعدها اليوم الأخير دخلنا جنيف واتجهنا إلى المطار وسلمنا السيارة البنزين لازم يكون فل عيبهم الوحيد تعبي البنزين بنفسك بس فيه قفازات حاطينها وأحيانا ما فيه أحد عند المحطة فيه مكينة مثل الصراف إذا معاك كاش دخل 50 فرنك أو 20 يورو وتفتح لك شيشة البنزين أو الديزل وتعبي على قد الفلوس وبعدها تقفل وإذا بطاقة صراف دخل البطاقة ثم سجل المبلغ 50 فرنك أو 20 يورو وموافق وبعدها خذ بطاقتك وعب بنزين
أنا كنت متخوف مثلك لأني أول مرة أسافر أوروبا والأنقلش ماش لكن أقسم بالله الأمور أسهل ثم اسهل ثم أسهل مما تتوقع وخلك في حالك ما حد درى عنك وانتبه للسرعة في النمسا خلك متبع إشارات السرعة الإشارة 100 خلك 100 والسواقة والله أسهل من عندنا بكثير لأن النظام هناك ماشاء الله تبارك الله أول ما تبدأ السواقة خاصة في جنيف تلخبط شوي بس اتبع الرسومات على الشارع والأسهم والإشارات وربع ساعة راح تكون أوروبي في القيادة أما خارج جنيف فخذ راحتك بس انتبه للدوارات الأفضلية لمن داخل الدوار
بالتوفيق إن شاء الله وأي استفسار أنا في الخدمة

متى كان سفرك بتأشيره فرنسيه يالورد ؟
سفرتي كانت 12 يوم ووصلت ولله الحمد للسعودية يوم الجمعة قبل ثلاثة ايام تقريبا

أبو ألينا
يابو ألينا عسى والدينك ومن يقرا بالجنه قل آمين ..
اتفق معك في تشديد الفرنسيين وسببها كان اللاجئين من شمال افريقيا بعد الاحداث في تونس وليبيا لدرجه ان فرنسا علقت التعامل بالتشنغن ( وان كان القصد ليسوا السياح العاديين وانما المهاجرين ) وهم اولا واخيرا يدورون الدراهم وانت جاي تدفع ماجيت تشتغل او تاخذ ..
السويسرين كنت سويت فيزا قبل كم سنه وكانت لها تأشيره خاصه ( رغم وجود التشنغن في دول الاتحاد ) ولكن كانت سويسرا لها تأشيره خاصه وبنفس الوقت من يحمل التشنغن يدخلها عادي ( فيزة سويسرا الخاصه فيها اتذكر اقدمها اليوم بالرياض وتطلع ثاني يوم )
كلامك جدا ريحني اخوي وبارك الله فيك اخوي .. بالنسبه للسياره هل هي اوفر في التنقلات من القطارات وش تنصح به ؟
وهل لابد من الرخصه الدوليه ولا الرخصه المحليه تكفي ..

lord155
اخي لورد طبيعي بحكم انك دخلتها من فرنسا وتأشيرتك فرنسيه يعني محطتك الاولى كانت نفس الدوله اللي طلعت منها التأشيره