تحياتي لك يا أخي ميشوو
والله يوفقك ويسهل عليك
الفيلسوف15

جزاك الله خير ياميشو ( بس عساك منتاب ميشو اللي في المستقبل تراني اكرهه) ههه
صراحة فكرة موضوعك روعة وصدقني كنت مفكر فيها
على العموم الف شكر حبيبي :x1:

1. اخواني واخواتي الاعزاء

اخواني واخواتي الاعزاء

لقد ذهبت يوم الاثنين الماضي الى السفارة في جدة برفقة زوجتي المصون لاني من سكان جدة وطبعا انا عملت بنصائح الشباب في المنتدى هذا ومنتدى اخر ايضا وهو انني رحت من صباح رب العالمين السعة تقريبا 6:30 وعسكرت هناك طبعا بعد ما سجلت اسمي عند العسكري اللي جالس في الكشك في الشارع المقابل لباب السفارة لانو ممنوع انك تعدي الشارع وتقرب من البوابة والا ممكن يطخوك لا قدر الله حتى اذا اتيت بسيارة خلي السيارة تنزلك بعيد عن السفارة وسط الحي مو في شارع فلسطين مباشرة امام البوابة لانه ايضا ممكن يطخو السيارة باللي فيها المهم والساعة تقريبا 7:30 جا عسكري اخر وصار ينادي بالاسماء واحد واحد واللي يسمع اسمه يجي عنده عشان يفتشه وطبعا زوجتي ما فتشوها الا داخل القنصلية لان هناك وحدة في الاستقبال ممكن تفتشها . المهم وبعد ما يفتشك العسكري تقطع الشارع وتصف طابور بجانب سور القنصلية الا ان ياتي نفس العسكري ويشيك على الجوازات وبعدين تروح لمكتب الاستقبال من برة وتوريه الابليكيشن والصور تبعك والجوازات طبعا هو ياخد الجوازات ويلصق فيها ورقة صفراء ويعطيك الجزء الثاني منها عشان تحتفظ به وبعدين توقف امام بوابة القنصلية الى ان ينتهي اللي قبلك من دخول القنصلية بعدين يسمح لك بالدخول ويفتشوك مرة ثانية زي دخول المطار واذا الزوجة عندها شنطة ياخدوها والجوال كمان ويعطوك رقم حتى اذا خرجت يرجعولك الجوال وشنطة المدام المهم تدخل وتمشي كم متر وبعدين تدخل صالة تانية وتفتيش زي المطار برضو وبعدين تمسك سرا الى ان يتم فتح الشبابيك اللي تشبه تبع البنوك المهم اذا فتحو الشبابيك وجاك السرا تروح عند الموظفة اللي تشيك على اوراقك انها كاملة ومو ناقصة وانتبه لازم تكون كاملة والا ترجع وتمسك السرا من اوله . المهم تاخد اوراقك وتقول لك روح لشباك دفع الفلوس عشان تدفع لكل شخص تبغى تطلع تاشيرة له طبعا انا دفعت 1900 ريال حق اربعة اشخاص انا وزوجتي وطفلين بالاضافة الى السيفيس تبع الاي توني لي انا بس عن طريق النت . وبعدين اذا دفعت الفلوس تروح تجلس وطبعا معاك الورقة الصفراء لانهم ينادو بالارقام اللي فيها المهم وانتظر الى قرابة الساعة 11 الا ان نادوا رقمي ورقم زوجتي وعملو معي مقابلة صغيرة لي ولزوجتي طبعا من الاسئلة ليش اريح امريكا وليش الجامعة ذي بالتحديد واشوف كشف درجاتك وطبعا مع زوجتي انت رايحة مع زوجك ليش ومع اطفالك وكم اعمارهم وبعدين قالي خد الجوازات والاي توني تبعي بس واحتفظ بالاي توني تبع زوجتي واطفالي وقال ح نرسل اوراقك لواشنطن واذا جات ح نتصل عليك بس لا تجي قبل 3 اشهر من بداية دراستك وح نعمل معاك مقابلة زي هادي وبعدين تطلع تاشيرتك بعد يومين كمان ان شاء الله
هذه هي قصتي مع السفارة.

هلا اخوي طالب مبتعث وش دعوه لازم ننفع بعض ونساعد هذا واجب اخوي

هلا اخوي النمر اشكرك على تفاعلك معي وتعبك معنا والشرح الجميل وهذا يدل على كرم اخلاك وحب مساعدتك لأخوانك
(وانا متسغرب من اخواني الباقين الي ماشاركوا يعني معقوله انو مافيه الى واحد راح للسفاره ولا عجز او الواحد ينفاد ما يفيد لازم الواحد يشارك ويفيد لأنه راح يمر عليه يوم ويحتاج معلومه ويحتاج مشوره وفيه ناس محتاجين لهلمعلومات وقد مرينا فيها واحتجنا فارجو من الاعضاء المشاركة ولو باللقليل مما حدث معاهم لأنو جدا مهم لأنك راح تتعامل مع ناس مو من بلدك وانتو عارفين السفارة وعلعلتها) وشكرا...

السلام عليكم
أنا أقول ما في لازم كل واحد يحكي تجربته الا اذا فيه شي مختلف عن اللي قاله قبله أما اذا كانت نفس التجربة ماالفائدة من إعادتها وبالنسبة لي ساحكي عن تجربة احد اصدقائي حيث انه نسي احضار خطاب السفارة معه وتركه في منزله والحمد لله حسب كلامه مشى الحال بدونه واعطوه الفيزا ما ادري كم المدة ولكن اعتقد 10 أيام
مع الشكر الجزيل

أنا قدمت على الفيزا قبل شهر من بدأ دراستي بالتمام قدمت في 17/9 وراح استلمها اليوم ان شاء الله 27/9
وموعد بدأ دراستي 17/10 إنشاءالله0 وأزيدكم من الشعر بيت يوم المقابلة ارتبكت مره وقالوا راح نرسل أوراقك لواشنطن ونتصل عليك بعد أسبوعين ولكن اتصلوا بعد 3 أيام وطلبوا الجواز وبعد ماوديته لهم قالوا لي يومين وتعال خذ الفيزا0 علما أن مقابلتي بدون موعد لأني قدمت في جدة
فياإخواني لا أحد يتظايق لما مايتصلوا عليه لأنهم يراعون تاريخ السفر0 وأي استفسار أنا جاهز