نشر في بريطانيا

حيرونا السفارة هل حد جرب الفيزا الجديده اون لاين evw الي جربها ولا ايهون ايفيدنا

القطري

13-12-2022 - 11:48 am

السلام عليكم ورحمة الله وبركاته
هلا وغلا الغالين
كيف الحال ان شاءالله بخير ..
قدمت على الفيزا الجديدة اون لاين الاسبوع الي راح وقبلها كلمت السفارة البريطانية في الدوحة استفسر عن نظام الفيزا وقالوا انك بعد ماأتقدم لازم تنتظر حوالي 48 ساعة لين ايجيك ايميل بالموافقة ..
تفاجئت اليوم بأتصال من السفارة البريطانية في ابوظبي ونفس الوقت كانوا امطرشين ايميل وايقولون ان واحد من الطلبات فيه غلط في تاريخ الميلاد فقالي ادخل الطلب نفسه وعدل التاريخ ..
فقلت فرصه اسأله متى بتردون علي لان لحد الحين محد رد علي بأي ايميل ..
المفاجئة قالي احنا ما انرد عليك ..اطبع الطلب وخله وياك وهناك في المطار عطهم الطلب وراح ايبين على الكمبيوتر عنده ..
الحين احترت ..سفارة البريطانيا الي في ابوظبي اتقول ما أنرد عليك والطلب يعتبر اوكي ..
والسفارة البريطانية الي في الدوحة ايقولون لازم تنتظر لين انرد عليك !
هل فيه حد جرب النظام الجديد .؟ اتمنى ايوضح لنا الموضوع من خلال تجربته ..
في حفظ الله ورعايته ..

التعليقات (9)

أبــوعبدالله

13-12-2022 - 03:05 pm

ياهلا وغلا فيك السمي الله يعينك احنا بالكويت ماعندنا
هذا النظام 48 ساعه تدخل وتحجز موعد وتروح السفاره
وتبصم وتنتظر عشر ايام على ماتطلع الفيزا

القطري

13-12-2022 - 04:06 pm

هلا وغلا السمي
هذا النظام مازال موجود ولكن الفيزا هذي نظام أون لاين وبدون رسوم ومسموح لك مره وحده تدخل فيها ..
الي أتكلم عنه شي ثاني

.. مــــتــواضــــع ..

13-12-2022 - 05:07 pm

أتمنى الإفادة ، انا قدمتها عن طريق مكتب خدمات لآني حسيتها معقده شوي ، طبعلي ورقة من الموقع في بياناتي فقط وقال هذه الورقة تقدمها للمطار فقط ، وهم بالأساس ما يردون عليك إيميل ، يتم الرد بالايميل الا اذا كان في شي خطأ ، كل التوفيق لك

.. مــــتــواضــــع ..

13-12-2022 - 06:08 pm

ممكن تستفسر اكثر في سفريات ريجنسي الي في شارع سحيم بن حمد عندهم قسم خاص للفيزا ، هم بيوضحون لك اكثر ، واسمحلي على الإطالة

القطري

13-12-2022 - 07:09 pm

هلا وغلا الغالي
لاهنت جعلك تسلم
أبشرك كلموني السفارة البريطانية الي في ابوظبي اول امس وقلت فرصة اسألهم وفعلا قالوا احنا ماانرد عليك وكل الي عليك اطبع الطلب وروح المطار..
سفرتنا في العيد وبنشوف عساها اتعدي على خير

القطري

13-12-2022 - 08:10 pm

وبيني وبينك ..
أحب أسوي كل شي بنفسي عشان أتعلم واوفر على الي حولي الوقت والمال
عشان كذا كل الفيز الي قدمتها انا امسويها

.. مــــتــواضــــع ..

13-12-2022 - 09:11 pm

موفق ياخوي
الله الحافظ اخوك سفرته تاريخ 2
والله يستر

iman_alsulaimi

13-12-2022 - 10:12 pm

هلا اخوي
احنا عندنا هالنظام .. بحكم اني رح اسافر بعد العيد لبريطانيا ف قدمت عالفيزا اونلاين بعد اسفسارات من الي مجربينها
ومثل ما ذكرت .. تقدم وتطبع الورقه وتاخذها معك للمطار .. بدون انتظار ايميل الموافقه .. بس يوصلك ايميل السبمشن

اثوري

13-12-2022 - 11:13 pm

انا حاليا سويت هالفيزا ومثل ماقلتوا يتصلون في حالة وجود خطأ قصدي يطرشون ايميل
الحين انا ابي اعرف من اسأل في المطار شلون اقدر اشيك عليها في المطار بصراحه مابي اتوهق انا معاي كبار سن يعني مابي اتعبهم واحطهم في مشكلة
واخسر تذاكري يعني يبين في سيستم المطار انه في غلط او شيء انا الورقة الي عندها راجعتها الف مرة وتأكدت منها ومن صحة البيانات

بريطانيا المسافرون العرب

حيرونا السفارة هل حد جرب الفيزا الجديده اون لاين evw الي جربها ولا ايهون ايفيدنا