Honey
29-09-2022 - 08:18 pm
يعطيكم العافيه
بصراحه محتار مادري اي فندق اقيم فيه في هولندا 5 ايام
مدحولي فندق SWISSOTEL يقولون بالدام سكوير بالظبط ويمه كل شي
وهم مدحولي فندق Tulip garden
بس مادري في احد جربهم ولا لا وبنفس الوقت انا اهم شي عندي يكون الفندق شرح وراقي ويحسسني اني مسافر ومكان نظيف
وفي فندق NH GRAND بس جنه بالصور قديم
شنو تنصحكون من بين هالفنادق وتكونون مجربينهم او في فندق احسن او حتى ارقى منهم وقريب بالظبط يم كل شي
وبالتوفيج
هلا وغلا الغالي ..
بعدني فريش على هولندا ولكن انا نفسك رايح 5 ايام وحجزت في فندق امستردام امريكان هوتيل ..
وسبب أختياري هذا الفندق أنه مقابل لفندق الماريوت الي فيه الكورس الي رايح عشانه ..
والفندق الي اخترته نفس عدد نجوم الماريوت ( 4 نجوم ) والمسافه بينهم 200 متر بس ..ولكن الماريوت لقيته ب 280 دولار أمريكي والفندق هذا لقيته ب 170 دولار امريكي ..ولما شيكت على أراء الأعضاء عن طريق موقع بوكينق لقيتهم يمدحونه واجد ..فحجزت فيه
ممكن أساعدك في البحث إذا لك خاطر وأقولك اراء الأعضاء او تقدر تدخل على موقع بوكينق https://www.booking.com ومن خلال الموقع اتشوف الفنادق وأتشيك على أراء الأعضاء الي اسكنوا فيه ..
انا عن نفسي أهتم واجد باراء الأعضاء لأنهم هم الي اسكنوا في هذا المكان وقالوا ارائهم هم مش اراء غيرهم ..
في حفظ الله الغالي ورحله سعيده ان شاءالله ..