الكويت المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..

نشر في الكويت

حلويات هيل وزعفران

لوحة غريبة

31-05-2022 - 12:38 pm

السلام عليكم الله يعافيكم من يعرف محل حلويات هيل وزعفران في أي منطقة بالكويت لان لي زيارة للكويتان شاء الله وابي اعرف عنوانه بالضبط لله يعافيكم والي عندها صور لمنتجاته ياليت تحط لنا صور ----واذا فيه محل عندة نفس والف هيل وزعفران يايت تحطون اسمه وعنوانه
والله يعطيكم العافية-----

التعليقات (6)

Hambka Q8

31-05-2022 - 03:25 pm

هيل و زعفران
ما مر علي والله
بس احس شكله يبيع رهش و هالسوالف لول

فهد الأحمد

31-05-2022 - 04:26 pm

هيل وزعفران له كشك بالمطار
وأظن له فرع إما بالسرة او الجابرية ( نسيت) واسعاره شوي مرتفعة لكن حلو
وهو يقدم الحلويات الكويتية القديمة ( جربوا عنده الدرابيل روعة)

resli

31-05-2022 - 05:27 pm

حياكم الله في الكويت
محل هيل وزعفران موجود في مطار الكويت في قاعة المغادرون بالقرب من السلم الكهربائي اللي على اليسار اذا كان باب الخروج خلفكم
واذا رغبتم بالمحل الاساسي باستطاعتكم سؤالهم هناك
تقبلوا تحياتي

لوحة غريبة

31-05-2022 - 06:28 pm

تسلمون والله يجزاكم الف خير
بس ياليت الي يعرف محلهم في غير المطار لاني رايحه بالسيارة صعبة اروح المطار
الله يجزاكم خير

المرتاح

31-05-2022 - 07:29 pm

هيل وزعفران في الجابرية خلف مرور المخالفات وهذا رقمه
2وفتح الكويت للاتصال من خارج الكويت 00965
وله فرع ثاني في الفحيحيل وفرع ثالث في المطار زي ماقالوا الأخوان وله فرع رابع بدولة قطر في السيتي سنتر بس باسم ثاني وهو ( قرص عقيلي )

لوحة غريبة

31-05-2022 - 08:30 pm

يعطيك الف عافية اخوي ومشكور
سلام