السلام عليكم ورحمة الله وبركاتة
ان شاء الله معزمين على السفر ومحطتنا الأولى ( باريس ) والمحطة الأخيرة ( فرانكفورت ) .
ودي نروح ميونخ وزلمسي وان شاء الله راح نأجر سيارة من باريس . المشكلة اني مب عارفة ارتب المدن من حيث المسافة لأني لاحظت من زلمسي الى فرانكفورت 6 ساعات تقريبا .
ياليت احد يساعدني بعمل جدول للمدن والأيام اللي نقضيها فيها. للعلم احنا 2 كبار و 4 يهال الله يحفظهم والمدة تقريبا 3 اسابيع.
لا احد يقولي رجعي من ميونخ لأن للأسف طيران الخليج ما تروح الا فرانكفورت وأحنا الصراحة نبي خطوط دايركت من البحرين لأن سالفة تبديل الطيران وآنة عندي يهال صعب شوي.
أتمنى أن محد يطنشني ,,, آدري أني قاعدة اخطط في الوقت الضايع بس يالله تو الله رايد.