بسم الله الرحمن الرحيم
.
.
يا عيني عليكم يا مسافرين امريكا
انتم كلكم اصحابي >> بس اللي بياخذي معاه >> حلمي اروح امريكا
..
.
بس عندي تسآولات ؟؟
/
- اللغة الانجليزيه ضرورية بامريكا >> بالرغم اني ميح ؟
- بحكم اني عزوبي وعلى وشك الزواج .. ودي اصطحب المدام لامريكا في رحلة سياحية لمدة يوم تقريبا ..
وهل امريكا تنفع لنص شهر عسل ؟؟
الحين نجي للتقديم على الفيزا .. طبعا لو نفترض اني بسافر في نهاية شهر شوال >> بامكاني ان اطلع الفيزا قبل هالموعد .. وهل اقدر اطلعها من جدة
والشيء الثاني كم تقريبا التكلفة لمدة يوم من تذاكر وفنادق والالعاب وتمشيه واكل
طبعا التكلفة بشكل متوسط يعني (ادفع مافي الجيب ياتيك ما في الغيب) بدون تحفظ ع البوك
الحجاب فيه مشاكل بامريكا >> ؟
طبعا لو بزور امريكا .. بيكون
واشنطن . نيويورك . فلوريدا
..
وبعض التوجيهات منكم بخصوص السياحة بامريكا
..
شوف أخوي أنا كرأي شخصي ماانصح الواحد يروح شهر عسل لأمريكا لانها بعيدة
وفيها نشاطات كثيرة بتاخذ كل وقتكم وجهدكم وبتكون انت والمدام مو ماخذين على بعض
فانصحك تروح لأوربا أو آسيا وخلي سفرة أمريكا بذكرى زواجكم الأول
وبالنسبة لأسئلتك مده 15 يوم تعتبر كافية
بس خليها بين ولايتين : نيويورك 6 ايام واورلاندو 9 ايام مثلاً
والفيزا ان شاء الله تطلع بنهاية شوال بس لاتحجز اي شي لحد ماتصدر فيزتكم
وتقدر تطلعها طبعاً من قنصلية جدة
اما بخصوص التكلفة
انت اختار الخطوط اللي تبيها وادخل موقعهم على النت وحدد التاريخ وشف الاسعار
ونفس الشي بالنسبة للفنادق وموقع البوكنج يوضح لك كم السعر اذا اخترت الفندق ومدة الاقامة
اما التكلفة اليومية فتختلف من شخص لآخر
وانا اشوف 250 - 300 $ باليوم مناسب جداً
وبالنسبة للغة فعادي تقدر تمشي امورك ومعظمهم هناك سياح زيك وكل شي واضح وسهل
وبالتوفيق لك ان شاء الله