طموح ولكن..
20-10-2022 - 09:52 am
سلام عليكم ورحمة الله وبركاته
مقابلتي في القنصليه الامريكيه با الظهران ..
اسمحو لي بتكلم معاكم با العاميه ^_^
طبعآ انا واحد مربووش وكل شوي ناقل هم القنصليه وموعد مقابلتي فيها ..
طبعآ بدايتي كانت موقع السفاره .. شريت معرف لدخول الى الموقع
وسجلت بياناتي بسهول وحجزت موعد المقابله وسويت برنت لموعد المقابله لانه اهم شيي
وجاء الحين وقت النماذج المطلوبه لدراسه 156 و157 و158 .. وطبعآ رابط النماذج موجوده في موقع السفاره
ولازم تعبونها كامله ولا تتركون مكان فاضي اا واذا جاكم سوال وما عندكم له جواب اكتبو none
طبعآ النماذج عاديه واهم ناموذج بنسبه لي كان ناموذج 156 لانه اون لاين ابدو فيه على طول وادخلو بياناتكم
وقبل لا تسوي كنتنيو تاكدو من بياناتكم هي صحيحه ولا لا .. وبعدها تفتح لكم صفحه ثانيه عشان تطبعها ..
اذا عندك طابعه ابدى في طباعتها وذا لا احفضها في جهازك الين ما تجيب طابعه وتطبع الناموذج ..
والنماذج 157 و158 عاديه سجل بياناتك فيها وطبعهاا ..
نجي موعد المقابله ..
طبعآ بعد ما يفتشونك السكرتيه وموظفي السفاره تدخل داخل عندهم ويعطونك رقم ..
وتنتظر على الكراسي الين ما يطلع رقمك على شاشه تكون با الخلف ..
وراح يكون قدامك اربع شبابيك اول شباك بيكون فيه لبنانيه تخذ بياناتك والاوراق المطلوبه
وبعدها تنتظر الين ما يقول رقمك الموظف با المكرفون وتجي عنده ويسالك اساله ..طبعآ الاساله كانت عاديه جدآ
اهم شي ابعدو الخوف عنكم اعتبرو انفسكم كانكم تسولفون مع صديقك مو موظف في القنصليه ..
انا سالني اربع اساله .. اول سوال : ليش رايح لأمريكا ؟
ثاني سوال : وش الدول العالم الي زرتها ؟
ثالث سوال : سالني عن درجاتي في المدرسه ؟ < طبعآ كان يقز الشهاده وسالني السوال هذا
واخر شي ركز عليه كان تعريف من الشركه الي كنت اشتغل فيها ؟
كان تعريف العمل عندي بتاريخ قديم وانا ترجمته قالت يمكن يسالني عنه وما راح يركز على التاريخ ..
كنت متعاجز اروح لشركه واخذ تعريف جديد وهذي غلطتي ..
هذي كانت اول غلطه لي .. وثاني غلطه كانت رسوم السيفس ..
ما سدتها !! في ناس قالو لي تسدييها عن طريق بنك سامبا وهذي غلط بنك سامبا لتسديد رسوم الفيزا فقط ..
والسيفس عن طريق الموقع ..
نرجع للمقابله عطاني ورقتين ورقه لونها زهري اعتقد فيها الاوراق الي ما كملتها ..وكتب فيها بقلم لازم اجيب
ورقه تعريف من العمل بتاريخ جديد + وصل تسديد رسوم السيفس ..وهذي تخذها من موقع السيفس ..
والورقه الصغيره كان فيها معلومات القنصليه ايميلهم ورقم الفاكس وصندوق البريد ..
وحدد لي ايميلهم بلون الاصفر قالي ارسل الاورق باسرع وقت على الايميل هذا ..
وبعدها قالي روح للفدكس وسجل بياناتك .. الفدكس موجود دخل غرفة المقابله وعطهم فلوسهم 130 ريال
طبعآ ارسلت المطلوبه على الايميل بعد اربع ايام من المقابله .. وجتني الفيزا بعد 10 ايام ..
وهذا كل شي .. والي عنده اي اساله انا حاظر ..
شلون كانت المقابلة يعني في مسافة كبيرة بينك وبين الراجل يلي عم يقابلك
ولا شلون احكيلنا اكثر عن الاجواء المحيطة بالمقابلة