أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
شنطة سفر ..... بدأت المنافسة
حان الوقت لتمسك لجام النمسا بعد القطوة وأومس
بداية جيدة وبالنسبة للخطوط القبرصية .... يا كثر المواقف رغم أني لم أسافر معهم إلا مرة واحدة !!
وعليكم السلام
هلا والله بالشنطة ... وراعي الشنطة ...
على سالفة القراءة .. مره جربت وأخذت معي كتاب على بالي بقراه طول المسافة بالطائرة وكانت حوالي 11 ساعه متواصلة ... رحت للبلد ورجعت ناسي اني مآخذ الكتاب ... مابروسنا قراءة ...
وعلى سالفة التشجيع ... أول مره اشوف ناس تشجع وتصفق كنا مسافرين بين دمشق - القاهره على الطيران السوري عام 95 م .. اول ماوصلنا القاهره خذ ياتصفيق وحنا ماندري وش السالفه واثاريها تشجيع وشكلها فرحه انهم وصلو بالسلامه ...
وعلى سالفة كل شي سهل و المرسيدس آخر موديل ... وين السهوله والفرح بعد مشورة مطارات " البحرين - قبرص - فينا " صراحةً الله يعين على مثل هالتوقفات .... وخاصة انه معك عائلة ...
وعلى سالفة المنافسة ... شكل المنافسة حامية والشغل على النمسا محتدم ... وننتظر جميلك عزيزي
تحياتي
قبل ما أبدأ أحب أقول لكم شي مهم وهو إن إحنا تعاقدنا مع شركة المسعود على أساس انها تحجز لنا الفنادق والسيارات اللي توصلنا من المطار إلى الفندق فقط لكن الرحلات السياحية كانت علينا عشان مانتقيد بأحد ونكيف على كيف كيفنا ..
عموما الرحلة ماكلفتنا أكثر من 60- 70 ألف درهم ..
أول يوم في فيينا :
طبعا في أول يوم في فيينا قمنا الصبح وفطرنا في البوفيه بعدين قررنا نطلع نتمشى عشان نتعرف على المنطقة اللي حولين الفندق ..
لبسنا ملابس ثقيله شوي والأطفال خذوا معاهم مظلاتهم الصغيرة لأن الجو كان بارد ومغيم ..:11ld::rain:
واحنا طالعين من باب الفندق مامدانا نمشي خطوتين حتى هبت ريح قويه شدت معاها المظلة اللي ماسكتها بنت اختي الصغيرة واللي عمرها 7 سنوات:rain: وبدت المظلة تتطاير في الهوا مع الريح وبنت اختي تركض وراها وكل ماقربت تمسكها تطير المظلة مره ثانية وعلى هالموال استمرت بنت اختي تركض ورا المظلة والمظلة تشرد عنها واحنا عاد مامسكنا نفسنا من الضحك كاكاكاكاكاكا كان المنظر يفطس من الضحك ..
ولد اختي الصغير واللي عمره ثلاث سنوات ماصدق شافنا نضحك على هالموقف قام يرمي مظلته عمدا ويركض وراها ومظلته اصلا مو راضية اطير وهو إلا يطيرها غصب ويسوي نفسه يحليله مسيكين يركض ورا المظله
الاخت شنطة سفر..
موضوعك جميل ومشوق.. واصلي ونحن معك..
لكن ترى الفندق الآن صار اسمه هيلتون!.. واعتقد انه من الآن فصاعدا ماله داعي الخطوط القبرصية بحكم ان الاماراتية بدأت تسير رحلات الى فينا
حان الوقت لتمسك لجام النمسا بعد القطوة وأومس
بداية جيدة وبالنسبة للخطوط القبرصية .... يا كثر المواقف رغم أني لم أسافر معهم إلا مرة واحدة !!