- من قبل حطيت موضوع شلون احجز وأحضر, ولكل شخص حاب انه يحضر دشوا هني..
- http://www.cbs.com/late_night/late_show/
السلام عليكم..
من قبل حطيت موضوع شلون احجز وأحضر, ولكل شخص حاب انه يحضر دشوا هني..
http://www.cbs.com/late_night/late_show/
قبلها باسبوعين تقريبا دزيت لهم ايميل وقلت ابي ثلاث تذاكر, وهالشي يتطلب موافقتهم بس على حسب التاريخ الي يحطونك فيه يعني هذي نقطه مو جيده بالنسبه للي بيسافر وحاب يحجز على موعد سفرته unless انكم تذكرون بالايميل انكم جايين سياحه وتبون موعد خلال الايام الي انتوا فيها
المهم دزوا لنا التذاكر عن طريق الأيميل وسوينا لهم برينت.. هالموضوع كان سهل
ورحنا للعرض.. طبعا اول ماندخل كل واحد يمر بجهاز عادي الي نشوفه بكل المطارات جهاز التفتيش.. وبعدين لمسرح العرض على طول
قابل فيه نيك الي من فرقه جونسون بروذرز ووحده ممثله حامل بصراحه ما اعرفها مع اني متابع جيد للساحه الفنيه الامريكيه..
بختصرها لكم وبقول..
الي ما يتابع قضايا النجوم والمشاهير بامريكا والامور الي تمر فيها بأمريكا بشكل عام لايروح, لان راح يحس انه كأنه اطرش بالزفه وماراح يحس بشي
حسيت ان العرض سلبياته أكثر من ايجابياته.. الجمهور عبيط وينرفز, ويضحك على كل كلمه يقولها. كأنهم جايين تأديه واجب
تطنز عالنيجيري الي كان بيفجر بالطياره ,و على فضيحه تايقر وود الجنسيه وعلى بن لادن وربعه لول تكلم عن مشاهير واشياء صارت لهم واشياء فرعيه نفس الروبوت الي دخلوه داخل الطياره علشان يكتشف الالغام وجذي..
في وايد أشياء صارت, ماني ذاكرها.. بس عموما العرض أعطيه مجملا : 710 .. و شخصيا اعتبره احسن late show بأمريكا..
الي حاب يحضر والي عنده أي أستفسار انا حاضر وبالخدمه..
معلومات جميلة