- في منطقة حولي
- قريب من مجمع المهلب ... و النقره الشمالي و الجنوبي ....
حصريا .. حولي بارك في أكثر من خمسين صوره
السلام عليكم و رحمة الله و بركاته
شلونكم
من زمان ما كتبت تقرير
اليوم جبت لكم مكان ترفيهي روعه ... كلكم راح تستانسون فيه
للكبار و الصغار ...
المكان هو ..... حولي بارك ...
في منطقة حولي
قريب من مجمع المهلب ... و النقره الشمالي و الجنوبي ....
كله ألعاب حلوه للكبار و الصغار ... و فيه مطعم قيصر و شرمبي و مطاعم وجبات سريعه كثيره و منوعه و مكتبة جرير روعه ... و تسجيلات و محلات بيع أشرطة فيديو و استديو تصوير و محل للزهور و محل بيع للحيوانات و كل شي ..
الصراحه احنا كل اسبوع هناك ... العيال يحبونه حيل
حتى بشار ذبحنا ... كل يوم يدق علي يقول .... تعالي وديني حوري بارك ...
اللام دايما راء
هالمره قلت لهم ترى هذي اخر مره ... يضحكون ... يدرون انها مو اخر مره
و أسعار الالعاب زينه مو غاليه ... يختلف السعر من لعبة للعبة ...
ملاحظه ... فيه داخل حولي بارك قبه فيها العاب كلها تناسب الصغار ... روعه للصغار ...
بعض الصور راح تشوفونها للقبه و بعضها برى القبة
أخليكم مع الصور و بانتظار ردودكم ...
لا تنسون أول ما تدخلون حولي بارك تشترون بطاقه تعبونها فلوس بالسعر اللي تبونه عشان عند كل لعبه يسحبون منها ...
ملاحظه .... كل ما اروح حولي اصور شوي ... عشان جذي تشوفون ملابس العيال متغيره ... و بعض الصور من تصويري و بعضها من اختي ... للاسف صورها مو واضحه ...
ان شاء الله يكون عجبكم التقرير ....
