مطعم سزلر هاوس اللي بشارع التحلية
مسوي عرض على الغداء بوفيه مفتوح الشخص ب 35 ريال غير شاملة المشروبات ..
قلت يا ولد خلنا نجربه ،،
بعد ما انتهى دوامي رحت اتغداء فيه وصلت لهم الساعة 2.45 دقيقة قبل أذان العصر ب 45 دقيقة
المهم تفاجأت زحمة بمعنى الكلمة ، من كثر الزحمة قعدت على طاولة ما بعد تنظفت وجو ينظفونها لنا
وخليت نظارتي ورحت اشوف البوفيه ،
والله ثم والله انه ما بقى شي كل شي مخلص ، واكلم مدير المطعم (مصري) قال استنا شوية كل حاجة حتيجي ، قلت طيب ،،،،،
انتظر عشر دقايق ربع ساعة ، قلت مهيب سالفة خلصونا وجابو لنا صحنين سلطة وحطوها على البوفية
وقال الباقي حيجي ، قلت طيب اخذنا شوية سلطة وقعدنا نحتري ، يا ولد ، ما فيه فايدة في الاخير قلت وين البوفية قال روح لقسم العوايل البوفية حق العزاب قفلناه خلاص ،
قلت وماله ، رحت لحق العوايل ، وشف هالحريم ، والله ما قدرت اخذ من البوفية ، وهم يجيبون بالقطارة كل شوي يجبون صنف ، المهم قال المسؤول اللي عند النساء انتظر شوي وانا راح اناديك ، والله العظيم انه اذن العصر ولا شفت بوفية ،
في الاخير تهاوشت معهم ،
استخفاف بعقول الناس يا ريت انه على شي يسوى ، بوفيه عبارة عن رز كله مويه ومشويات ما شفت منها شي ما غير بقايا
والله اللذي لا إله ألا هو انه مسخرة وقمة المسخرة :112:
فحذاري اخواني من الوقوع فيما وقعت فيه .:112: