من سنه ساافرت بريطانيا سيااحه وانا متعوده اروح واتسوق واشتري بس قبل ما اساافر هالمره خذت بطاقه كريدت جديده
المهم تسوقت وتسوقت وجيت لحظه الدفع وطلعت للكريدت ودفعت بعد ما انسحب المبلغ والبطاقه كانت بدون رقم سري جات الموظفه البريطانيه ولفت للكريدت عشان تشوف التوقيع شافتها مب موقعه طبعا المبلغ انسحب رااحت ونادت عالمديره الهنديه
اوف من المديره الهنديه كشرت وعصبت وقالت لي بتلغى المشتريات كلها او رويني البطاقه الشخصيه قلت بطاقتي الشخصيه مب معاي قالت طيب الليسن وقلت الليسن ليش اجيبه قالت طيب اي شي يثبت هويتج قلت عندي بطاقه كريدت ثانيه قالت لا وقامت وعملت كنسل للمشتريات يومها شوي وباابكي لاني عارفه ان السحب في الفيزا مايرجع للبطاقه مره ثانيه طلعت من المحل واتصلت عالبنك وقالوا لي المبلغ مسحوب ولم يعمل له كنسل رجعت لها قلت لها ماسويتي كنسل قالت سويت وبعد كم يوم بيرجع المبلغ لحسابج وحياتكم لين اليوم مارجع شي لحسابي وراسلتهم
عبر الايميل ورد عليي المدير وقالي مافي اي مشتريات بهذا اليوم او بهذا المبلغ او حتى برقم البطاقه وانكروا اي شي صار بذاك اليوم
العبره من الموضوع اي بطاقه كريدت وقوعوها من الخلف او خلوا عليها باسورد لاني ضاعت عليي المشتريات وانسحب المبلغ من حسابي وما اقول الا حسبي الله ونعم الوكيل عالهنديه