هلا فيك
اولا الوصول ميونخ والعوده من وين ..
وشنو حاب من اماكن .. ريف مدن ملاهي وغيرها .. شنو بخاطركم
حدد المطلوب وابشر
تحياتي

الذهاب والعودة كلها من ميونيخ
ودي تكون مدن وريف وملاهي ونفسي ازور اكثر من مدينة اوربية طبعا انا بختم زيارتي بميونيخ لمدة يومين قبل المغادرة
انتظر ردك يابو عمر

حلو شوف هذا المخطط المعتمد من قبلي جامع لكل شيئ .. طبعا بالسياره
من مطار ميونخ مباشره الى زيلامسي خصوصا لو كان الوصول اول النهار
زيلامسي 6 ايام ثم انسبروك 3 ايام ثم انترلاكن سويسرا 5 ايام ثم روشت المانيه مدينة ملاهي يوربا بارك 3 ايام وانزور ماحولها مثل بادن بادن المانيه وستراسبورخ الفرنسيه ... ثم الى ميونخ نهاية الرحله 3 ايام

الله يعطيك العافيه ابو عمر بس ممكن تعطيني المسافات بين المدن اللي ذكرتها ولو تقريبي كم تبعد عن بعض
طبعا انا ان شاء الله بستأجر سيارة لمدة 17 يوم آخر ايام بميونخ بخليها بدون سيارة وش رأيك ؟ وش الأفضل ؟

فكرة السياره اوكي .. لانه لو سكنا بانسبروك الجبليه الجميله . سوف انزور غارمش الساحره منها ... لهذا بميونخ ما تحتاجون سياره
المسافات
من ميونخ الى زيلامسي ساعتين ونصف .. الى انسبروك ساعتين .. الى انترلاكن 4 ساعات وثلث .. الى روشت ساعتين ونصف .. الى ميونخ 3 ساعات و45 دقيقه
تحياتي

طيب اخوي ابو عمر بسألك عن الفنادق والشقق وش الافضل لنا مع اننا اثنين شباب فقط
طبعا الافضل من ناحية السعر والمناظر الجميلة والنظافه وخاصه الافطار لازم يكون معهم ممكن تختار لي الفنادق او الشقق
يعني بالنسبة لميونيخ المحطه الاخيرة اتوقع لازم فندق بس زيلامسي والباقي اتمنى تساعدني لو اني بتعبك شوي معاي
وبطلب منك طلب يابو عمر هاليومين كل ماتدخل المنتدى شيك على موضوعي هذا لاني بحط كل طلبات المساعده هنا
تعرف المنتدى ملغي الرسايل الخاصه والايميلات

انا رأيي تسكنون كل بفنادق .. خصوصا تبحث عن الفنادق مع الافطار اريح لكم .. من نواحي مثل التنظيف ... والفطور .. والسعر .. والامان ...
اعتقد يناسبكم فنادق من فئة 3 نجوم .. ادخل التواريخ بكل مدينه وشوف المناسب لك وقبل لا تحجز حطلي رابط الفندق وانا اقولك جيد وله لا ..
عموما احب اتشوف هذا الرابط في فنادق زيلامسي .. وبنفس هذا الرابط موجود تقارير الريف النمساوي شوفه حتى تعرف الاقرب لك من زيلامسي وانسبروك
https://artravelers.com/p/re/379481
ولا تحاتي انا ادخل كل المواضيع ومن ضمنها موضوعك
تحياتي

1. 3 أيام ميونيخ

أبشرك يابوعمر قطعنا التذاكر ع الإماراتيه يوم 21 جولاي الى دبي 22 ميونيخ والعودة 11 اغسطس الى دبي الرياض
وحجزت سيارة لمدة 17 يوم 2700 ريال ب 592 يورو من شركة سيكست بالرياض مؤمنه تأمين شامل وش رايك بالسعر وترى المكتب ماخذو مني فلوس يقولون الفلوس هناك بالمطار بالبطاقة الإئتمانية !! انا نفسي اعطيهم هنا وافتك اخاف بعد شهر يرتفع اليورو وتطلع غاليه علينا
وعلى فكرة يابو عمر انا بمشي على خطتك ان شاء الله بس بناقشك فيها شوي لو سمحت ..
خطتك لي هي:
6 ايام في زيلامسي
3 أيام في انسبروك
5 أيام في انترلاكن سويسرا
3 أيام روشت ألمانيا مدينة ملاهي يوربا بارك 3 ايام وانزور ماحولها مثل بادن بادن المانيه وستراسبورخ الفرنسيه

3 أيام ميونيخ

ماتلاحظ ان اكثرها بألمانيا وانا ناوي اطلع الفيزا من السفارة النمساوية لانها يقولون اسهل والسفاره الألمانيه فيها مقابله بعكس النمساوية لايوجد بها
وفيه كم مدينة في النمسا ماجبت لها انت طاري مثل سالزبورج وفينا ومدينة هايدي نفسي اروح لها أبيك يابو عمر تركز لي على الطبيعه والمناظر وانا نفسي اعطي السفره حقها اذا فيه تغيير عطني خبر وبعدين بسألك وش رايك بشقق انجليكا اللي في كابرون هل اسكن فيها ولا ادور فندق افضل واهم شي تكون بالفندق المواقف مجانا وبالنسبة للفنادق اهم شي النظافه والأكل الطيب اللذيذ ...والهدوء طبعاً ياحبي لك يابو عمر والله انا اشغلناك لكن الله يجعل ماتقدمه في موازين حسناتك .. آمين يارب

قبل لا اجاوبك
شفت تقارير الريف النمساوي كله وله بعد ؟؟
تحياتي