نشر في دبي

حجزت عن طريق موقع بوكنج

febaa

12-07-2022 - 10:07 am

السلام عليكم
ياشباب انا حجزت مع اهلي يوم 2/4/2010 عن طريق النت على طيران فلاي دبي
ثم حجزت فندق عن طريق موقع بوكنج وكان الفندق روز ريحان روتانا وهو اطول فندق بالعالم
المهم انا اول مره بحياتي احجز فندق من النت ومتخوف كثير وعطوني رقم الحجز
السؤال شنو المطلوب اسوي ، بس اخذ رقم الحجز او فيه شي ثاني؟
والسؤال الثاني هل راح ادفع مبلغ غير المبلغ اللي دفعته عن طريق الفيزا ؟ يعني في ضرائب وكم راح تكون؟
السؤال الاخير شرايكم في الفندق بكل صراحة وكم يبعد عن محطة المترو مشي من الفندق؟
وسلامتكم
تكفون ابي اجابه طويلة ومفصله

التعليقات (9)

advocatez

12-07-2022 - 01:49 pm

بالنسبة للفندق اتوقع فندق ممتاز وهو فندق حديث اقل من اربعة شهور وصراحة لا اعرف موقعه بالتحديد ولكن اتوقع في شارع الشيخ زايد وموقعه ممتاز
بالنسبة لموقع بوكنغ هو موثوق ولكن يجب أن تتأكد من الفاوتشر هل شملو الضرائب لانهم في غالب الاحيان يعطونك السعر بدون الضرائب وهي 20 بالمائة من المبلغ
وحيث انهم ارسلو لك الفاوتشر قم بطباعته والاحتفاظ به ولغايات التأكد اتصل في الفندق واعطيهم رقم الحجز وتأكد من وجود حجزك واسالهم عن اي مبالغ قد تترتب عليك
وموفق

febaa

12-07-2022 - 02:50 pm

advocatez
اخوي انا اول مره احجز وماعرف الفاوتشر شنو بضبط
ممكن تشرحلي الفاوتشر اكثر ومكن توضحلي معنى الكلام اللي راح اكتبه تحت لانه مذكور لي مع الحجز
وجبات الطعام:
Breakfast costs AED 89.00 per person per night.
الضرائب:
VAT is not applicable.
0% service charge per stay is not included.
0% city/tourist tax per stay is not included
ممكن توضحلي شنو يقصدون!!!

الذهب الخالص

12-07-2022 - 03:51 pm

وجبات الطعام ما عليك منها ... هم بس يقولون لك ان هذا سعر الوجبه في مطعم الفندق ...
الضرائب ما حسبوها ... اللي عليك انك تجيب المبلغ اللي عطوك اياه الموقع وتضربه في ( 0.2) بعدين ترجع تجمع الرقم اللي يطلع لك مع المبلغ الموجود في بوكينج
على كل حال اللي اعرفه واللي فاهمه ان بوكينج ما يسحب شيء من الفيزا إلا في حالة انك حجزت وما رحت سكنت ... يعني اتوقع لما توصل للفندق راح يقولون لك تبي تدفع كاش ولا نسحب من الفيزا
بالتوفيق لكم اخوي

heshamacct

12-07-2022 - 04:52 pm

febaa
قبل يومين كنت في دبي وشفت الفندق من برا مكانه ممتاز دقيقه او دقيقتين مشي من الفندق

febaa

12-07-2022 - 05:53 pm

الذهب الخالص
قصدك اخوي اني راح ادفع زياده 20 بلأمية عن المبلغ اللي انحجز عليه؟

سرجوفته

12-07-2022 - 06:54 pm

اخوي تطمن حجزك دام انه اوكى اخذ معاك فقط رقم الحجز سجله
فى ورقه واخذ معك الفيزا ألى حجزت منها وكل ماعليك انك تتصل على
الفندق وتعطيهم رقم الحجز ويعطونك المبلغ كامل مع الضريبه عشان أتكون حاسب أحسابك
وما أتوهق لأن موقع بوكينج الحجز فيه من غير الضريبه ياخذونها منك لاوصلت انا تونى راجعه
من دبى وحجزت عن طريق الموقع وطلع حجزى اوكى الموقع مضمون لا تحاتى
والفندق حلو وراقى
وسلامتك

د.فارس

12-07-2022 - 07:55 pm

اخوي قيبا...
انا حجزت عن طريق موقع بوكينج وترى مثل ماقال لك الاخزان مايحطون الضريبه عليك وهذا عيبهم وانا اعتبرها سرق غير واضح خلك على expedia والله انه افضل ..
انا حجزت فندق ب470 درهم وجتني مثل الرساله اللي جتك كلمت الفندق قالوا لي انك بتدفع 570 درهم يعني 20%زياده لكن مشي حالك..
د.فارس

ام مرايم

12-07-2022 - 08:56 pm

اخوي سوي برنت للايميل الي وصلك من موقع بوكينغ كتأكيد لحجزك
واحسب السعر كامل عن طريق حساب النسبة المطلوبة مقارنه بالسعر الكامل للغرفة
لك كامل الاحقيه للإلغاء الحجز قبل يومين او حسب نظام الفندق بالنفس
من تاريخ حجزك اتوقع من غير ما ياخذو عليك اي مبلغ
وهذا موضوع عن بوكنغ شامل المعلومات عنه
https://artravelers.com/p/re/230102
وان شاء الله يكون الفندق نظيف وموقعه ممتاز ويناسبكم
وان شاء الله رحلتكم بتكون حلوة
بس بحالة حجزت وما رحت اتوقع ينسحب من بطاقتك سعر اول ليلة فقط

الفارس-99

12-07-2022 - 09:57 pm

اضف 20 % علي القيمه اللي عندك 20% تدفع عند الاوتيل
بالاضافه الي انك راح تدفع المبلغ عند الاوتيل بالكامل يعني بوكنج ما خصمو المبلغ انت مطالب بالتسديد عند الاوتيل بالاضافه لل 20%
الاوتيل جديد ونضيف وموقعه ممتاز علي شارع الشيخ زايد وفيه محطه قريبه منه

دبي المسافرون العرب

حجزت عن طريق موقع بوكنج