سفرة موفقة إن شاء الله
كل ما عليك هو طباعة التذاكر والاحتفاظ بها لحين تقديمها لكاونتر التشييك في المطار
ويتبقى عليك عمل ال check in أون لاين قبل السفر ب 24 ساعة فقط
وعندما تذهب للمطار سيكون عليك فقط تسليمهم العفش والدخول للجوازات والتختييم
تحياتي

بارك الله فيك يا اختي
بس مافهمت ويش تقصدين ب check in كيف اسويه؟

اخوي معنى التشيك ان هو التسجيل المبكر ، تحجز مقعدك وتاخذ البوردنق ،،
لكن بالامكان تجاهل هذا الامر ..
المهم هو انك تدخل على موقع القطريه وتكتب رقم الحجز اللي وصلك على الايميل وتختار تحديث البيانات
تكتب اسمك بالكامل في الخيارات وباللغه الانجليزيه ومطابق للجواز
والمعلومات الاخرى اللي يطلبونها
هذي اهم خطوه
وبعدها اختار رمز الطباعه عشان تطبعها ،،
اذا ضعت وماعرفت شتسوي ، روح لمكتب القطريه او اي مكتب وكيل لها في مدينتك خله يطبعها لك عشان ترتاح

الله يعطيك العافيه يالغالي
انا دخلت الموقع وحدثت البيانات وحجزت المقعد وكتبتي اسمي ورقم الجواز
بس فيه خانه مو متأكد منها وهي بيانات الاتصال ومكتوب فيها اسم المدينه والدوله ورقم الشارع هل اكتب عنواني الحالي او عنوان السكن في امريكا؟

شدني الموضوع وحبيت استفسر انا حاجزه لأمريكا عن طريق التلفون وارسلوها لي ايميل وطبعتها
ورجعت اتصلت عليهم وحجزولي المقاعد
باقي البوردنق من المطار صح ؟
في اجراء بعد اسويه ولا خلاص

يالغالين لما تحجزون عن طريق النت وتدخلون بياناتكم ورقم الجواز الخ من معلومات عن المسافر بإمكانك حجز المقعد للذهاب والإياب وبعدها تسدد رسوم التذاكر هذا كل ما في الامر ببساطة
واذا ما حجزت المقاعد ما فيه مشكلة لما تطبع التذكر اللي توصلك على ايميلك عند موظف الاستقبال في المطار هو يحجز لك مقعد ويعطيك البوردنق لكن حجز المقعد قبل افضل من موظف الاستقبال عشانك تقدر تختار المكان المناسب واللي يريحك ولا يحطك هو وممكن يكون المكان مايناسبك وايضا تشحن الشنط من عند موظف الاستقبال وهذي العملية تسمى تشيك ان
تقدر ايضا ما تطبع التذكرة بس تاخذ رقم الحجز ولما توصل عند موظف الاستقبال تعطيه رقم الحجز او اسمك وهو يلقى بياناتك ليش سموها الكترونية يغتنون عن الورق لكن الورق اظمن لك تقدمه في حالة الشركة اللي انت حاجز عنها سيئة وراعية مقالب ههه