جربي بوكينق وشوفي الغرف وموقع الفندق براحتك
وبوكينق ترا حلو للي يبي يشوف السكن قبل الحجز

اعطيني التاريخ من 20-6 الى ؟؟
وهل معاكم سياره ولالا
وكم شخص انتوا واذا معاكم اطفال اعطيني اعمارهم

هلا اختي دموع الوجد وجزاك الله خير
نحن إن شاء الله نوصل 20-6-على مطار ميونخ 12 الظهر وعلى طول على زيلامسي
يعني من 20 26 - 6 - 2011 زيلامسي نريد شقه سعرها مناسب
ومن 26 30 - 6 - 2011 ميونخ فندق سعره مناسب بعد
نحن 2 كبار و2طفل 6 , 3 سنوات
فإذا حجزت من بوكينج أحجز بالعربي أو بالأنجليزي هل التأكيد يجي على طول وإلا يطول وإذا وصل التأكيد أسويله برنت خلاص يعني حجزنا صح مافي أي مشاكل يوم بنوصل الفندق أو الشقق؟
وما معنا سيارة لأن أبو العيال مارضى يأجر لأنها أول سفرة لنا ومتخوف وقال نأجر تكسي من المطار إلى زيلامسي
بس مااعرف هل بنحصل التكاسي عند باب المطار .
مع العلم اتصلنا على على أحد السواقين إلي أسمائهم في المنتدى وقال 320 يورو هل السعر مناسب .

شوفي يا اختي اذا ماراح تستاجرون سياره رغم انها الافضل والاسهل لكم ماعندكم غير القطار اما التاكسي غالي جدا وشوفي سعره 1760 ريال من ميونخ الى زيلامسي
وغير الاماكن اللي بتروحون لها من زيلامسي والى سالزبورغ بتجلسون كل شوي تدفعون هالمبالغ
خليكم على القطار والباصات احسن بس صدقني نص المتعه بالسياره
وخيارات السكن القريبه من السنتر في زيلامسي للاسف اغلبها فل
من بوكنج مالقيت شي مناسب بس اذا تبغين من موقع غير بوكنج
http://www.alpen-apartments.com/Search-Accommodation.30.0.html?L=1&tx_cnflatmgr_pi1%5Bfrom%5D=20.06.2011&tx_cnflatmgr_pi1%5Bto%5D=26.06.2011&tx_cnflatmgr_pi1%5Bregion%5D=1&tx_cnflatmgr_pi1%5Bpers%5D=&tx_cnflatmgr_pi1%5Bsubmit%5D=start+search
شوفي الشقه اللي اسمها Apartment "Zell City"
سعر الليله 70 يوروGästehaus Lederer - Top 1
هذي سعرها 50 يورو بالليله بس ترى ششوي يبغى لها مشياما ميونخ
https://www.booking.com/hotel/de/senefelder.html?aid=1300939
اطفالك مجانا بس بدون سرير
يبعد عن السنتر 500 متر وجنبكم محطه للمترو والترام تقدرون تستخدمونها

مشكورة أختي دموع الوجد الصراحة الشقة الأولى وايد عجبتني بس الموقع كله بالانجليزي وانا مش كثير بلأنجليزي بس هل طريقة الحجز نفس بوكينج يعني الدفع عند الوصول للشقق ؟
اما فندق ميونخ مناسب إن شاء الله بحجزه من بوكينج.

لاطبعا الحجز الحين وتحويل المبلغ
خلي زوجك يشوف الموقع ويراسلهم ويتفق معاهم عن طريقه الدفع بس غالبا مقدما بالتحويل
بس ترى مافي تنظيف يومي انتوا تدفعون مبلغ بالاخير للتنظيف النهائي
اصلا بوكنج لازم معاكم فيزا لانهم يشيكون على المبلغ هل متوفر ولالا وهذا لوحجزتوا اللي مكتوب عنده الغاء مجاني لكن لو كان مكتوب عنده غير مسترد يعني من يوم ماتحجزون يسحبون المبلغ مباشره
وفيه شي مكتوب عنده شروط خاصه وهو يكون فيه مبلغ يدفع مقدما

خلاص إختي رسلت البيانات كامله للشقة بس انتظر الرد وإن شاء الله يوافقون ونحول المبلغ .
ومشكورة حبيبتي على على تعبج وياي.