1. السلام عليكم

السلام عليكم

بالنسبة للنقاب فهو عادي جداً في لندن ولا فيه اية مشاكل وعادي العباية والنقاب الاسود تشوفيه في كل مكان بلندن وتشوفين الحريم يروحون ويجون بروحهم بدون ايه مضايقات والامور سهالات ولا تشيلين ببالك مطلقاً ، بالنسبة للغة بالمحلات ما راح تحتاجين اللغة بس المطلوب الدفع ، المطاعم متروس مطاعم عربية ما يحتاج لغة ، المواصلات يحتاج تتعلمي طريقة استخدام الاندرقراوند والباصات على شوي لغة عشان تقري اسامي المناطق والمحطات ، بالنسبة لعشرة أيام كافية وزيادة (هذا اذا ما راح تروحين خارج لندن) ، بالنسبة للمصروف أنا ماني عارف كم شخص او معكم اطفال وشلون نظامكم لكن من البداية تكسي حجز مسبق من المطار للفندق حوالي 40 باوند و40 للعودة 80 باوند بالنسبة للمواصلات راح تحتاجون بطاقة اندرقراوند زون1 + زون2 سعرها 30.40 باوند أسبوعيا .... للشخصين 61 باوند وراح يبقى 3 أيام تضيفونا على الاندرقراوند 8.80 باوند × 3 ايام = 26.4 للشخص يعني المواصلات كاملة عشر ايام تقريباً 114 باوند بالنسبة للكافيهات فهي رخيصة جداً بلندن وتقدر تريح فيها بعد كل مشوار يعني سعر الشاي او القهوة ما بين 2 الى 3 باوند بستاربوكس وكوستا وغيرها .... نجي للمطاعم العربية فهي مكلفة بعض الشي لكن اذا شخصين يعني مش عايله كبيرة فالآمور سهالات (وعلى فكره اعرف بعض العوايل يفطرون الصبح بالبيت ويخرجون اليوم كله يقزرونها كافيهات وعصاير وسناك من السوبرماركت ويرجعو الشقة يطبخو بالبيت وبرا البيت سناكس ، بالنسبة لخط الجوال والنت 15 باوند تشتري خط من شركة 3 ستور فيه 300 دقيقة محلية +3000 رسالة + انترنت غير محدود صالح لشهر هذا اللي اتذكره من المصروفات ، طبعاً الهدايا والمشتريات هذي اللي تاكل الميزانية بحسب اعتقادي واعتقد ان التسوق بلندن غالي جداً خارج مواسم التنزيلات ، واللي عنده اي فكره او تصحيح على يا شباب يدلي بدلوه .

ياربي يسعدك ويوفقك ويحقق مطلبك يارب
كلامك كله ريحني
احنا شخصين ومتردده اخذ طفلي او لا

عندي سؤال زياده
ام يعني برايك اجلس 6 ايام بلند والباقي 4 ايام بالبحيرات
لان خاطري بطبيعه

نعم 10 واجد على لندن أول يوم ارتاحو بلندن بعدين اتمشى البحيرات او غيرها وآخر أيام خلوها بلندن

ما قصر الأخ أحلى واحد فالحارة ، وبخصوص النقاب أنا شفت كثير منقبات في لندن ولا حولهم أحد ولا يقولون لهم شي
وبخصوص المصروف اليومي ، انا اقترح تخلونه 100 باوند باليوم واذا حبيتو تفلونها شوي يكون 150 باليوم ، طبعا مصروف شخصي من غير السوق

الحجاب والنقاب في لندن عادي بس خليه ملون عشان مايستنكرونك الشعب

النقاب والعباية السوداء عادي جداا وهم معتادين عليه
بخصوص المصاريف حطوا الى 1200 ريال باليوم تشمل تنقل ومطاعم وتذاكر سياحية ان شاء الله كافيه .. بس حاولوا تختصرون بالوجبات ، مثلا فطور وعشاء والغداء يصير خفايف

الله يسعد قلوبكم ويوفقك
الله يكتب الي فيه الخير ويسهل سفرتي