- مانبي الواحد ينضحك عليه او يحس انه مضحوك عليه كل شي بقناعك يصير.
- زي ما انت اللحين تسمع عنهم.
عدنا اليكم ياشباب وكلي شكر للردود الجميلة
قبل ما انوه عن سفرتي الثانية وقصتها حبيت اني اعطي معلومات تفيد الشباب المسافرين
وخاصة بالمال لانك اذا كنت طفران حتى شغالتكم بالبيت تنفخ عليك وهذي الدنيا ؟؟؟؟
ولا يمنع ان نضيف عليها ارشادات اخرى للتذكير:المادة الاولى قسم الحسابات وتوزيع الثروات:الموضوع كبير ليش لانك هناك راح تتعامل مع ملا يين يعني رح مع موظف بنك اصرفلك
لكن الضعيف اللي ماله خوي بالبنك يستخدم اللي حنا نبي نقوله:1 حتى تعرف حساباتك وتكون معادل للريال السعودي الريال يساوي تقريبا 2600 روبية
يصل الى بعض الاحيان 2700 روبيةاو تنقص الى2500 لكن الواحد ما تفرق معه النسبة هذي البسيطة بس
الشغلة استيعاب للشباب اللي مسافرين اول مرة واللي بسافرون مرة ثانية لان الواحد والله ينسى
الطريقة. طولت عليكم معليش لكن للتوضيح لان الشغلة فلوس ماهي لعب
راح نعطي مثال انت اللحين معك 500000 خمسمية الف ودك تعرف وش قيمتها بالريال السعودي لو بالتقريب علشان انت تعرف وش انت دافع شي يستاهل ولا خشاش نرجع للمثال
العملية كالتالي500000 تقسيم 2600 =192 الى 193 ريال تقريبا والاسعار تختلف بالمواسم طبعا
يعني اسئل عن الريال اول ماتوصل وخلك على هاالشغلة لان فلوسهم لحسه والله ياشباب
مانبي الواحد ينضحك عليه او يحس انه مضحوك عليه كل شي بقناعك يصير.
2 الصرف فرق بين 10000العشر آلاف و100000 المية الف العشرة عنابي احمر غامق والمية لونها قريب من الزهري يعني فاتح شوي
3 الفيزا غير مفعله بالجبل وانصحك ان تاخذ معك دولارات الى اندونيسيا افضل والمال اذا وصلت الجبل فيه محل اسمه مركز الامانه على ما اعتقد اللي فيه حضارم ياليت الشباب اللي يعرف اسمه يعلمني اسمه كذا ولا لأ لاني ما تعاملت معه لكن يذكرولي الشباب القدامى انهم تعاملو معهم وياخذ عليك رسوم بسيطة عشرة الاف روبية لليوم على ما اعتقد ماني متاكد لكن الكلام ثقة من ناس ثقة والشغلة فيها وصل والناس تحط جوازاتهم عنده من وجهة نظري الجواز خله معك افضل وانت دبرة بمعرفتك.
المادة الثانية قسم الالتزامات والسلوك
1 في التأني السلامة وفي العجلة الندامة شعار شعب اندونيسيا ( يعني باردين ) يعني اذا صار احد من الشلة حار اشرو شنطة للاكل وشنطة شطرطونات تلزقون فمه .
2 الشعب مبتسم دائما رجالهم ونسائهم ولا يريدون الا ان تسبقهم بالأبتسامة فترد عليك ابتسامه
اعرض واجمل لكن لا يعني انك تعتقد ان هذه الابتسامه التي ابتسمتها لاتنسى ولن تمر بالتاريخ
مثل ابتسامتك الجميلة ( حاسب نفسك ولاتفسد علينا هذه الابتسامات ) علشان يقولون والله ناس طيبين
زي ما انت اللحين تسمع عنهم.
3 حاول اخي الكريم ان تكون ( كريما بخيل ) يعني بزارين البقالة لاتعطيهم وجه وتعطيهم فلوس علشان يقولولك ياطيبة في طريقة افضل اذا كنت حبيب ذاك اليوم خذلك حلاو مصاص وزعه على بزارين
المدارس اللي بالسكة يمرون من عندك اوجذبتك حاله بدون تصنع يعني مو يوم شافك بدى ابو الشباب يتحرول عموما انا ما ابغى احبس الاجر عن الضعوف هذولا لكن الشغلة زادت عن حدها وكثرو البزارين عند البقالة وصارت الشغلة مزعجه يعني تبي تشري شي تنسى وانا من الناس والله اضحك معهم
لا تحسبوني نفسية والله فيهم بزر هبلت فيه ما غير اعضه اذا شفته وبدا الباقين يفركون مني صرت انا اللي الحقهم وهم اللي يهجون وبعدها اروح للفلة واصير ناسي نص الاغراض.
ارجو اني كتبت مايخدم الجميع
حلوه هاذي من جد شعب بارد وهادي جدا والى حار مايصلح معهم
مشكور اخي هيلقي وابي اعرف معني اسمك تحياتي لك