asoony
كيف حالك يا أختي ؟
هلا فيك بجده أم الرخاء و الشده .....
بالنسبه لمقهى أو مطعم مفتوح 24 ساعه ؟ زمان كانت مطاعم كثير و أماكن تفتح طوال اليوم لكن حاليا أظن طبقوا نظام
الساعه 2 لازم كل المطاعم تقفل بس مو متأكده ...
بالنسبه للمقاهي و المطاعم على البحر غالبا تكون مفتوحه على ما أظن للفجر ....
بالنسبه لشارع التحليه كله مولات من اليمين لليسار ...
جده مول _ روشانا مول _ التحليه مول ......كثيره
بالنسبه لكورال ....
http://www.alnokhba.com/html/jed/10770.htm?lng=e&ticket=CmO25919
معليش اليوم مريضه فيمكن أكون أهلوس بس أي أستفسار أنا حاضره

أهلاً asoony فى جدة
بالنسبة للمطاعم منذ فترة وبعد حادثة ميدان النورش الشهيرة صدر قرار بإلزام جميع المطاعم بالإغلاق عن الساعة (2) أما قبل ذلك فكانت مطاعم الكورنيش بالذات عندها تصريح بالعمل للفجر ..
أما بالنسبة للمقاهى فأعتقد إن العديد من كافيهات المطاعم يعمل على مدار الساعة وإن كنت مش متأكد ..
أما بالنسبة لكورال مول فهو فعلا على صغره النسبى من أجمل المولات فى جدة تحسيه مرة لطيف ، وهو يقع فى شارع جانبى متفرع من شارع التحلية أمام فدركرز مباشرة ...
الرابط الذى وضعته أحلام مسافر هو لقرية كورال بيتش أما المول فهو على الرابط التالى :
http://www.coralmall.net/index.php
شارع التحلية كه مطاعم وكافيهات ومولات ويستحسن تمرى على كل مولاته ابتداءً من الصيرفى ميجا مول عند تقاطع التحلية مع الستين وحتى تياترو مول عند تقاطعه مع شارع الأمير سلطان ..
أجازة سعيدة فى جدة إن شاء الله

اعتقد اغلب المطاعم المشهورة تفتح لحد الفجر

مرحبا وشكرا على الردود والتعاون من الجميع
بس حبيت اسال وين مكان مرسى الاحلام ؟ وهل يعتبر مقهى او مطعم ؟
واحنا نازلين في موفنبيك وين مكانه بالنسبة للتحلية ولمرسى الاحلام والمقاهي المشهورة وكم يبعد عنهم
وفي جدة ايش هي افضل المقاهي ونوعيتها (انا مااحب المقاهي زي ستاربكس والنوعية هذي ) افضل المقاهي الجميلة اللي تقدم جميع انواع الاكلات ؟وايش اقربهم للموفنبيك ؟ ان من زمان رحت جافا وكان ممتاز الاكل والجلسة خصوصا اني رحت وقت الظهر وماكان زحمة ابدا فانا ابي نفس المستوى او مقارب له ؟
اسفة على الاطالة بس لاني فترة وجودي بجدة محدودة (يومين بس) وماابغى اروح اماكن واضيع وقتي ؟

بغيت اسأل ايش حادثة النورش او النورس اللي صارت ؟
سؤال فقط للفضول:icon_scra

- حادثة النورس حصل قبل سنوات تجمهر من بعض الشباب قرب الفجر فى دوار النورس فىوحصلت بعض المضايقات للعائلات ..الموضوع انتهى فى فترة وجيزة ، لكن تم على أثره التعميم بعدم استمرار المطاعم والكافيهات حتى الفجر ولم يتكرر الموضوع مرة أخرى بحمد الله

• مرسى الأحلام هو مطعم أكثر منه مقهى وإن كان يقدم المشروبات الساخة والباردة أيضاً.
• قصدك موفنبيك المنتجع ولا الفندق؟ بالنسبة للمنتجع طبعاً هو قريب جدا من مرسى الأحلام لأنه يقع عند دوار النورس مباشرة ، أما الفندق فيقع فى طريق المدينة الطالع أمام المساعدية مباشرةً ، ولكن طريق المدينة بدون إشارات حتى المطار فهو أيضاً يعتبر قريب جداً لشارع التحلية ، الملىء بالمقاهى الراقية مثل بوزار بجوار مركز الملينيوم والذى يقع فيه أيضاً جوفريز ، بوزار راقى ويقدم مأكولات بأسعار كويسة ، جافا طبعاً متميز وممكن تكررى زيارته

أجازة سعيدة إن شاء الله

شكرا للاخ شاعري بس احنا نازلين في الموفنبيك الفندق مو المنتجع .
وكم المدة من الفندق الا شارع التحلية بالسيارة في ازحم الاوقات وفي اخف الاوقات؟ وعادة متى يبدا عنكم الازدحام ؟
وكم المدة من مرسى الاحلام الا الفندق؟

إذا مافى زحمة خمس دقائق مش أكثر ، أمافى أوقات الزحمة بين (10-15) دقيقة ..
الزحمة فى الصيف عادة تبدأ فى حدود الساعة (6) يعنى قبل المغرب بساعة تقريباً ، لكن مش قاعدة ممكن فى أوقات تحصلى الطريق فاضى .
مرسى الأحلام بعيد عن الفندق فى حدود نصف ساعة ..