سلام عليكم مرحبا بك في بلدك الكويت
( ترا ماعندنا جسور على البحر - بس جسر طويل يمر فوق الصتاعية ) ههه
ردا على سؤالك مادورتلك في المنتدى على نفس الموضوع اكيد بتلقى وصراحة ماودي اردك بدون فايدة
شوف يا اخوي عندك منتجه هلتون المنقف ( شاليه على البحر 5 نجوم وراقي ) لكن صاد شوية من الزحمة واقربلك مجمع الكوت في منطقة الفحيحيل فيها محلات راقية وحلوة مسوين تنزيلات ( كما سمعت ) في المحلات الانجليزية والامريكية ( اعزك الله )
فيه فندق ماريوت في منطقة الصالحية - حلو جدا لكن اللوبي صغير نوعا ما وميزة الفندق في العاصمة وبجانبه ارقى محلات الكويت ( دوامي بجانبه خذلك قهوة عندي )
فيه الشيراتون حلو فيه القهوة الانجليزية في وقت الضحى الجلسة حلوة فيه مع اكل خفايف
وانت جاي يومين تبيي تفر الكويت مستحيل ولا تظلم الكويت في يومين ;)
والمحلات الشعبية كثيرة ( سوق المباركية - سوق واقف ( الحريم ) - مجمع منيرة في السالمية بالسرداب ) مقابل ماركس سبنسر
ادري كثرت عليك وهذي الاماكن قابله للتعديل لان خبري فيهم 6 سنوات

ياحبي لك ياحمد ماقصرت ...
تسلم والله

هلا وغلا فيك اخوي ويمرحبابك ببلد الثاني بين ربعك واخوانك
انا انصحك تسكن بالهليتون اللى بالمنقف هادئ جدا وبعيد عن الزحمه والازعاج
وانت ساكن تقدر تروح لكويت ماجيك فيها اسواق والعاب للاطفال ومطاعم وتقدر تروح للكوت بالفحيحيل وبعد بالفحيحيل تلاقي اسواق ششعبيه وايد واسعارها رخيصه ولاتنسى مجمع اجيال اللى بالفحيحيل روعه شوفه وعند الاسواق الشعبيه اللى بالفحيحيل وايد منها خان الخيليلي ومجمع سلمان الدبوس وبيت اولادنا والعنود وكذا سوق
عندك مطعم تنورين اللى بالفحيحيل حلو اكل لبنانى وشيشه وقعده حلوه وعندك قيصر اللى بالفحيحيل حلو وعندك بعد مغل محل بالفحيحيل حلو
ولاتنسى اللاسواق اللى بالفروانيه والسالميه والديره وسوق شرق
ويعطيك العافيه
اخوك الكويتي حاليا بلندن

حياك الله والدار دارك ونورت الكويت
باختصار حتى مانشوش عليك
الفندق
منتجع هلتون
المجمعات الكبار
1-الكوت (( وهو الاحدث)) والاقرب لمنتجع هلتون
2-مارينا مول
الاسواق الشعبيه
1-سوق المباركيه
2-اسوق الفحيحيل (وهي قريبه منتجع هلتون وفيها 4 او 5 بين شعبي مثل العنود وخان الخليلي ومجمع كبير وحديث وهو اجيال ))
اماكن ومعالم سياحيه
1-المركز العلمي
2-المدينه الترفيهيه
3-ابراج الكويت
المطاعم
1ميس الغانم
2-قصر النخيل
3 -شهريار
4-محل مغل

بارك الله فيكم يا اخواني

*ملاحظه:يومين ما تكفي..يا ليت تزيدهم شوي اذا تقدر
احسن فندق ... ولايهم السعر اهم شيء الخدمه والفخامه والموقع!!
في مواضيع كثيره بالقسم عن الفنادق وفيها الصور والعنوان وكل شي...
اهم المجمعات الاسواق وياليت يكون اثنين او ثلاث بالكثير لانه ماعندي وقت
المارينا مول + سوق شرق + مجمع المهلب + مجمع الفنار
اهم الاسواق الشعبيه كذلك 2 او 3
أسواق المباركيه
اهم الاماكن السياحيه التي لابد لي ان ازورها والا سأكون قصرت بحق الكويت وماشفت الكويت الحقيقيه والحلوه
ابراج الكويت+المدينة الترفيهية + حديقة الشعب الترفيهية + زيارة جزيرة فيلكا
اهم المطاعم والتي لابد ان اكل فيها
ميس الغانم:على شارع الخليج + مغل محل:له افرع واجد +قيصر له افرع واجد + يوجد مطاعم كثيره على شارع الخليج اختار منها اللي يعجبك
ويا هلا فيك بالكويت

السلام عليكم ورحمة الله وبركاتة
عريس استراليا
حياك الله في بلدك ونتمني لك زيارة سعيدة
الاخوان ماقصروا لكن الظاهر كلهم من سكان الاحمدي

انا اقترح عليك:
فندق المارينا
موجود بالسالميه فخم جدا وراقي وعلى البحر
به جسر للمشاة متصل بمجمع المارينا مول وفيه الكثير من المطاعم
وارقى محلات الكافي شوب
وبنفس الشارع هناك الكثير من المجمعات التجاريه
مثل مارك سبنسر وبه مطعم مغل محل ( مكولات هنديه ) مميز
وكذلك مجمع الثريا به محلات راقيه واكثرها ماركات وبه ايضا مطعم ريتز ( مأكولات لبنانيه ) رائع
وبامتداد الشارع مجمعات كثيره جدا( مجمع الفنار ، مجمع البستان ، مجمع زهره ، مجمع ليلى جاليري ،لاند مارك ، مذركير وبي أتش اس ، مركز سلطان)
مجمع الرايه مجمع تجاري راقي جدا
ويوجد فيه فندق خمس نجوم ما اذكر اسمه ويعتبر من أحدث الفنادق بالكويت
وفي شقق عائليه أكثر من رائعه في السالميه بشارع المطاعم
أسمها ( بودل )
هذا رقمهم : 009655757999
وبالسالميه أيضا سوق السالميه الجديد ويحتوي على مدينة العاب للأطفال
وسوبرماركت كبيره سني سنتر
والكثير من المطاعم
ومحلات تجاريه
واسواق شعبيه
من المطاعم المميزه برج الحمام على شارع الخليج العربي قعدته مميزه خصوصا بالنهار
الاماكن السياحيه على شارع الخليج
الابراج
النادي العلمي
المسجد الكبير
قرية يوم البحار( مقابل مجلس الامه )
الاسواق الشعبيه
سوق المباركيه بالعاصمه ( الكويت )
وبجانبه سوق البشوت والزل والحريم والسلاح
وأي استفسار حاضرين

ياهلا فيك اخوي تنورنا لا شك بزيارتك:
الفنادق:
فندق المارينا
المجمعات:
سوق شرق المارينا مول الفنار المهلب الكوت البستان ليلى جاليري كويت ماجيك واجيال ....... الخ ( اختار عاد انت اللي تبي)
الاسواق الشعبية:
سوق المباركية
الأماكن السياحية:
الابراج - المركز العلمي - الجزيرة الخضرة - المدينة الترفيهية - حديقة الشعب
المطاعم:
برج الحمام - ميس الغانم - قصر البردوني وفي مطاعم كثيرة على البحر
وحياك الله

فيه فندق الكويت يارد ماريوت فندق حلو جدا وسعره مناسب 39 دينار وبجانب سوق الرايه.....وفى منطقه شرق........متميز..........