عليكم السلام ورحمه الله وبركاته
ياهلا ومرحبا اختي
بخصوص ترتيب سفرتج
الجدول حلو مرتب بس مشكلتج الوحيده الطريق من انتر لاكن الى زيلامسي
والشي الثاني ان بكل منطقه فقط ليلتين يمكن يكون تعب عليكم وماتشوفون المكان الي انتو فيه كله
على العموم انا بحاول بقدر المستطاع اجاوب على اسئلتج
داخل ميلانو انتي مب محتاجه سياره ولا اي وسيه مواصلات
لان ميلانو با الاخير اهم مكان في الدومو
يعني سكني قريب الدومو وامورج طيبه
ويبدأ ايجار السياره من يوم السفر الى لوغانو
طبعا استأجري السياره سابقا
القياده في اوروبا جدا سهله والسبب انهم يحترمون الشارع كثير ويحترمون الناس الي بالشارع
اهم شي تنتبهين على اماكن عبور المشاه لانه مقدس عندهم يعني الاولويه للمشاه
وايضا التركيز على الترام في خط سيره
فقط هذا كلشي السواقه في اوروبا ممتعه جدا
طبعا الذهاب من انترلاكن الى زيلامسي بالسياره افضل بكثير بدون مقارنه
لان القطار اقل شي تبديل قطارين وتنقلين اغراضج من مكان لين مكان عشان تركبين القطار الي ياخذج الى المنطقه الي بعدها
يمكن باليوم رحلتين فقط يوفق في محطتين والباقي كلها اربع وخمس محطات
ثاني شي بالقطار اقل مسافه لين توصلين يبغيلج 8 ساعات
اما بالسياره 6 ساعات ونص ويمكن اقل بعد
واذا 6 ساعات ونص تعب عليج
ممكن توقفين ترتاحين في مدينه ماينفيلد ( قريه هايدي )
او مدينه انسبروك النمساويه
اخير بالنسبه للاجواء
طبعا شهر مايو بدايه شهر الربيع
والجو حلو وجميل مايل للبروده اكثر
بس انصحج لاتروحين في بدايه شهر مايو
يعني خلي بدايه السفر من تاريخ 15 مايو ومابعده
والسبب لان معظم النشاطات في هالمناطق مغلقه وتبدأ بعد تاريخ 15 مايو
اي اسفسار انا حاضر

الله يعطيك العافيه يارب
بالنسبه زيلامسي من ناحيه البعد بجدولي لو الغيها هل هي نفس انترلاكن واحول الرحله الي جنيف وايفيان لان الخطوط السعوديه فقط من ميلان وجنيف وباريس ومونيخ لايوجد بها رحله للخطوط السعودية

بالنسبة لسيارة هل من ميلان نستاجرها ام من لوقانو وشكرا بحجم السماء لا تكفي وكل عام وانتم بخير

الافضل تلغون زيلامسي وتضيفون ايامها لانترلاكن
ومطار الرجوع خلوه من جنيف
وممكن ايضا اول 3 ايام تسكنون في لوجانو بحيث تنتقلون من مطار ميلان الى لوجانو بالباص (وهو افضل وسيلة مواصلات من مطار ميلان الى لوجانو ومدته تقريبا ساعه )
وفي لوجانو تستأجرون سيارة وتزورون ميلان منها لمدة نهار كامل
وبالتوفيق

اقتراحك حلو هل ممكن تكمل الجدول ثلاثه ايام في لوقانو ثم انترلاكن وبعدها ي

الجدول يعتمد على الاماكن اللي تفضلون زيارتها لان الاذواق تختلف
في لوجانو اليوم الاول بيكون يوم الوصول والتمشي في لوجانو خصوصا على البحيرة ووسط لوجانو
اليوم الثاني زيارة ميلان واهم مافيها ساحة الدومو وشوارع التسوق القريبة من الساحة
واليوم الثالث فيه عدة اماكن مقترحة مثل حديقة سويسرا المصغرة ومصنع الشوكلاته واوت لت الفوكس تاون وقمة بري
ووادي فيرساسكا الجميل وهذا انصحكم بزيارته وممكن تزورونه الفترة المسائية الى ماقبل غروب الشمس
وهذي تقارير ممكن تفيدكم عن لوجانو
https://artravelers.com/p/re/118105">https://artravelers.com/p/re/118105
والاحداثيات مع بعض الاماكن السياحية تلقونها في هذا التقرير في الجزء السادس
احداثيات ومواقع المدن و الاماكن السياحية في سويسرا وما حولها https://artravelers.com
انترلاكن
في الطريق لها ممكن تزورون لوزيرن والتلفريك المكشوف وممكن بدل التلفريك المكشوف تزورون قمة تتلس الثلجية
وفي انترلاكن
هذي بعض التقارير واختاروا اللي يناسبكم من اماكن سياحية فيها وممكن بعد ما تختارون الاماكن نساعدكم في ترتيبها
https://artravelers.com/p/re/61679
المحطة الاخيرة جنيف او لوزان او القرى الفرنسية اللي حول جنيف
في الطريق لهم من انترلاكن ممكن تمرون على مصنع الشوكلاته نستله ومنتزه جبل ميلسون وقلعة جريير
وفي جنيف هذا تقرير بيفيدكم
جنيف ,, اين تذهب فيها ,, واين تذهب منها https://artravelers.com/p/re/902765
وبالتوفيق