طبعا انا مقرره اروح مع زوجي واخواتي المانيا والنمسا وماراد الله نروح بالصيف لانه ماعندنا اجازه
بدينا نخطط من شهر 6 وحجزنا التذاكر وكانو 2100 درهم طيران الاتحاد
والسكن خذنا شقه بزالزبورغ ب 250 يورو ليومين ل 5اشخاص
وزلامسي خذنا شاليه بكابرون ب 400 يورو
وميونخ طبعا والعه نا ار مع انها ارخص شي وحصلنا الغرفتين ليومين ب 220يورو
والسياره حجزت من افيس وحصلت تاكيد للحجز مع الجارمن وطبعا بالانجلش
ف رحنا وحجزنا التذاكر وطلعنا كل حاجه
وطبعا بعدها اكتشفت اني حامل وربي رزقني بهالحمل بعد سنتين بدون انجاب
وضلينا كل يوم مابنروح الي عقبه بنروح
وحسنا بدوامه كبيره عريضه وطبعا لو كنسلنا كنا بنخسر السكن لانه مب قابل للرد
بعدها زوجي قال فدوة راسج وقررنا انا مانروح بس زعلت وايد
لاني كنت ارتب واسوي كل حاجه بنفسي
والاسبوع الماضي بعد مااستشرنا الطبيبه قالت مافي خطر باذن الله
المهم رحنا السفاره الالمانيه وطردونا خ لان لازم نطلع من البلد الاكثر اقامه
ورحنا للنمساويه وبهدلونا عشان الصور لان الالمانيه يبون صوره بحجم الجواز اما النمساويه رجعولنا الصور
وخلونا نطرش مرتين الحجز
المهم كان ذا يوم الثلاثا الماضي ولله الحمد اليوم اتصلو وقالو تعالو استلموها يعني خذو اقل من 3ايام
فالحمدلله ترتبت الامور وربنا سهل
سؤالي انا بكون بنص الشهر الثالث فهل في خطوره لو ركبت تلفريك؟
ووين ممكن نروح بزالزبورغ وزيلامسي؟؟
مراعاه لوضعي يعني تكون اماكن حلوة ومافي تعب وايد لي