عليكم السلام ورحمة الله وبركاتة ...
اهلاً اختي الدبدوبه ..
نعم اختي مثل ما تفضلتي قد يكون عدم كتابة رقم جواز السفر هو السبب ؟؟
لكن ما وضحتي لنا الصورة ؟؟
يعني جتك رسالة تقول نعتذر عن ترشيحك ؟
انا اذكر واحد من الشباب في البعثات الماضية ما كتب رقم الجواز بسبب ان ماعنده جواز سفر
وكاتبين له في الصفحة الخاصة بمتابعة الطلب ..
الرجاء اكمال النواقص (( رقم جواز سفر ))
ما ادري اذا طبق في هذا العام اولا !!
معدلك عالي انتي احق بالابتعاث ...
راجعي الوزارة يوم الاثنين القادم مثل ماهو مكتوب في موقع الوزارة وبيكون خير ان شاء الله

1. السلام عليكم و رحمة الله و بركاته ..


2. عزيزي مقدم طلب الإبتعاث (( اسمي رباعي ))

_
حياك الله أخوي .. أبو فيصل ..
ياساتر معقوله عشان جواز سفر يتخربط مستقبلي كله ..!!!!
يعني وش المطلوب مني الحين ..؟
اذا انا ماقدر اروح الوزاره ولا عندي احد ممكن يروح خصوصا هاليومين لظرف حادث حرج أصاب ولد عمتي و يرقد بالمستشفى والكل معه ..
يعني احس مو وقته انادي اخوي او ابوي و اقولهم تأكدوا من طلبي ..!!
وش يبوني اسوي اجلس واضرب بطموحي عرض الحائط ..!
أخوي ..
الرسال على الإيميل هي بهالشكل ..

السلام عليكم و رحمة الله و بركاته ..

عزيزي مقدم طلب الإبتعاث (( اسمي رباعي ))

تعتذر وزارة التعليم العالي عن قبول طلبك وذلك لأن البيانات المدخلة غير متوفرة في سجلات الجامعة وفي حالة تأكدك من إنطباق شروط الإبتعاث عليك , يمكنك مراجعه الوزارة مصطحباً أصول الشهادات و ذلك من 19/6/2006 إلى 23/6/2006 من الساعة الخامسة مساءاً إلى التاسعة مساءاً علماً أنه لن ينظر في صور الشهادات أو الشهادات المصدقة
وتمنياتنا لكم بالتوفيق في فرص أخرى
للإستفسار الاتصال على 4415555 تحويلة صفر
أما في متابعة الطلب فهو بهالشكل ..
تم إستلام طلبك و جاري مراجعته
1427/06/07
03/07/2006
تم مراجعة طلبك ولاتنطبق عليك شروط الابتعاث
البيانات المدخلة غير متوفرة في سجلات الجامعة
1427/06/19
15/07/2006
.
.
حسبي الله ونعم الوكيل .. اللهم أجرني في مصيبتي و أخلف لي خيرا منها ..
شاكره لك اخوي على حسن تجاوبك وسرعته ..
عالأقل عرفت ان الوزارة ماعندك احد .. وكله واحد عندها اللي بيروح يدرس و يرفع سمعتها والا اللي بيروح للأسف بس لمجرد شهاده من برا ..
الله المستعان ..!!
ياربِ تسهل أموري وترزقني من حيث لا أحتسب ..
شاكره لك مره ثانيه أخوي ..,

الدبدوبة الله يعطيك على قد نيتك ويوفقك لكل خير
لكن واضح ان الرفض كان بسبب (يمكن) اختلاف تخصص البكالوريوس عن التخصص اللي قدمتي علية
وصراحة اشوف ان دكتورتك اللي نصحتك ما عندة سالفة
المهم ولا يهمك انت تعتبرين من المميزات وينطبق عليك كل شروط البعثة الجديدة
افتحي جريدة الرياض حقت اليوم صفحة 25-28-29 تقريبا وانت تكونين مبسوطه ان شاء الله
وادعيلي
وبالتوفيق،،

لا يرتفع ظغطم ولا شئ فيه الناس معدلهم في الثانويه 94
وجاهم رفض لكنت السبب غلط في نظام في الموقع
وطلبو منهم مراجعه ماعليك الى تراجعين الوزاره قبل 28/6/1427
وتكلميهم عن السبب ولو معك جواز او تطلعين ترا افضل
والاحتمالين عندك يا اما لم تضعي رقم الجواز
يا اما غلط في الانظمه عندهم وراجعيهم قبل 28/6/1427
ومفقه ان شاء الله

_
حياك الله أخوي .. الشيب ..
جزاك الله خير على ردك .. و الجريده شفتها اليوم وبصراحه انبسطت بس يوم تذكرت خيبة أملي فيهم قلت غريبه أتفائل مره ثانيه اني اتعامل معاهم ..!!!
طيب يعني رأيك أقدم فيها وبنفس تخصصي ..؟؟!
أجل غريبه ليه قالت لي هالكلام .!
طيب والدوله أختار نفس الشيء أمريكا .؟
لأني محتاره بين أمريكا وبريطانيا ..؟!
بصراحه تعقدت من هالطلب هذا (( اللي هو امريكا )) وودي أغيره بالجاي ان شاء الله (( لبريطانيا ))..
وش رايك .؟ جامعاتهم زي ماسمعت مره قويه مثل امريكا ..!
الله يكتب لنا اللي فيه الخير ..
شاكره لك تعاونك معنا ..

حياك الله أخوي .. Mr.sa ..
طيب وش ذنب اللي ذبح نفسه وضيع حياته وعمره بين أربع جدران عشان هاللحظه و آخرتها كلمتين ورد غطاها .. تخليك تكره اللحظه اللي فكرت فيها تكمل دراستك ..!
حرام عليهم والله حرام ..
جزاك الجنه ووفقك لما تحبه وترضاه ..

أول شيء راجيعهم .. ناس كثير حسب ما شفت امس راجعوا عشان مثل هذا الخطأ
ثانيا وش تنتظرين طلعي جواز
غير كذا شوفي عدد امس جريدة الرياض في اعلان عن بعثات طيبة راح تنزل قريب
لا تحزني الخطأ يحدث في اي برنامج مثل ما هو حادث معك الان في هذا المنتدى
من عام 2005 و حاطين لك مشاركة واحدة مع انك شاركتِ مرتين في هذا الموضوع !

.. ضروري وعاجل جدا تراجعين الوزارة ... هذه الاخطاء مكررة و يطلبون من الطلاب مراجعتهم لتصحيحها .. لا تتكاسلي .. و الحمد لله على سلامة مريضكم و ماتشوفون شر .. ما ياقي الا اليوم وبكره ..

النظام مربوط بجامعات المملكة وكلياتها ومركز القياس
حينما راجعو طلبك لكي يتأكدون من صحة درجاتك لم يوجد لديك سجل بالجامعة
وبذالك تراجعينهم بوثيقة التخرج الاصلية
النظام عندهم شوي تعبان
يالله روحيلهم دبري عمرك

اقسم بربي شر البلية ما يضحك
تخصص تطبيقات حاسب ترغب الحصول على ماجستير محاسبه، لا أعلم هل هي مجرد رغبة بالسفر فقط والا استحلفكم بالله مالذي نرجوه من ابتعاث شخص لايحمل اي خلفيه ماليه أو ادارية، ماذا سيستفيد الوطن، والغريب أن الأخت تتسائل عن سبب رفض طلبها!!!!!!!!!!!!!!!!