انا حابه ازور الكويت لمدة يومين ممكن تدلوني على الاماكن الحلوة فيها؟
حياج الله و اذا معاج جهال روحي قرية المسيلة المائية و الاكوابارك المائية و المركز العلمي و حديقة الحيوان و مجمع الافنيوز و مجمع 360 و مارينا مول و سوق شرق و المهلب و سوق السالمية و مجمع الراية
ابغي افصل دراعات خفيفه ؟ في محل اللهام فضاله ؟ وين مكانه؟
ما ادله و لا سمعت فيه
وشو الفنادق الحلوة في الكويت واسعارها تكون معقوله؟
فنادق ام تقدرين تدخلين موقع الفنادق و شوفيهم و شوفي اسعارهم
و هلا بج

ولد خمس نجوم
مشكور اخوي يزاك الله خير على المساعده ؟
انا حابة اسكن في فندق يكون قريب على محلات اقدر افصل فيهم دراعات حلوة ؟

ممكن تروحين الفندق الدولي بالسالمية ومن هناك انتي قريبة على كل المجمعات والأسواق والمطاعم والسينمات واهو فندق رخيص ونظيف وفي كل الخدمات انا سكنت فيه قبل مرتين

برأي إن السكن المناسب هو ميراج سويت إذا كنتو 2 شخصين وطفل صغير ، عندهم غرفة الديلوكس سعرها لليلة مع الإفطار الجميل 60 دينار تقريباً وموقعه جميل على البحر في منطقة الشعب وهو عبارة عن غرفة كبيرة وحمام كبير فيه جاكوزي ، والإطلاله روعة والفطور أروع ،
وتلفونهم / 22663131 00965
وبالتوفيق إن شاء الله

محل الهام الفضاله في مجمع العربيد
على العموم مجمع العربيد في دراعات رخيصه اسعارها من 10 إلى 30 بس هو تفصال إذا لقيتي جاهز وقياسج انتي وحظك
وتقدرين تغيرين الوان دراعه وتضيفين شغل زياده على الدراعه مثل إذا تحبين تضيفين تطريز زياده اوتشيلين التطريز انتي وذوقج مجمع العربيد الزين والشين
تقلينه بالفروانيه ورى جمعية الفروانيه

السلام عليكم
حياج الله بالكويت دائما .. أنا بالنسبه لأهلي فهم يفضلون يفصلون الدراريع او الدراعات على قولتج بمجمع العربيد
هذا بمنطقة الفروانيه خلف الجمعيه التعاونيه .. سوق قديم لكن كل شي فيه و أسعاره زينه و أعتقد محل ألهام هناك حسب ما سمعت ..
و أقرب فندق للمجمع هذا فندق كراون بلازا بنفس المنطقه ( الفروانيه) ولو اني بصراحه أرشح فندق ميريديان اللي على البحر لأنه نظيف و مرتب و سعره جدا مناسب .. و لا تشيلين هم .. الكويت صغيره و ممكن تسكنين بأي مكان و توصلين لأي مكان تحبينه
بالنسبه للأطفال ... أكواربارك - أكواريوم - شاطئ المسيله - حديقة الشعب (بكسر الشين و ليس فتحها )
ماجيبك بلانيت ( هذا داخل مجمع الأفنيوز ) - قرية الطفل - يوم البحار ... الخ في أماكن كثيره و مناسبه للأطفال
و حياج الله مره ثانيه و نتمنى لج زياره سعيده

اختى الكريمه بخصوص الدراريع الى تبينها بمنطقة الفروانية مجمع العربيد فى محل اللهام الفضالة ويجد فندق فايف ستار
قريب جدا من المجمع وايضا يوجد شقق فندقية ايضا بالفروانية اذا تبين فندق الفايف مسوى عروض 45 دينار باليوم
لشخصين الافطار ويوجد شقق فندقية ايضا اسعارة رخيصة باليوم 40 دينارمع الافطار لاربع اشخاص اذا تبين ارقامهم
ارسليلى رسالة راح اعطيج ارقامهم اى شى انا حاضر ونتشرف فيج

بالنسبه للأسواق ...مجمع الافنيوز و مجمع مارينا مول و سوق شرق و السالمية... وعموما شرق هو الأرخص على الإطلاق.. وشعبي بعد... السكن أتمنى تشوفين لكم شقة نظام ستديو او غرفه نظام سويت اعتقد سعرها يتراوح بين 350 ريال سعودي إلى 450 لليله... وفيها مطبخ وصاله وغرفه ماستر ... أنا بثقه تروق لكم وتعجبكم..
التمشيات .. اقولك شارع الخليج العربي لايطوفك... والأهم القريه الشعبيه وخصوا بالليل... لا والإجازات... ياسلام..... أخيرا وليس أخراً عندهم أكله إسمها درابيل ... ذوقيها.... وبخصوص الأكل جربي الأكل بمطعم الأبراج وكذلك مكعم ميس الغانم والأخير رخيص نسبيا أما الأول فهو غاليه على الأسرة المتوسطه... والكويت ديرة أكيد تحبينها

بسم الله الرحمن الرحيم
اختي شوفي هني واختاري الفندق الي يناسبج https://www.booking.com/searchresults.html?aid=1300939
وحاظرين لاي استفسار