يهمني بالفنادق أنها فايف ستار راقيه ونظيفة وذات إطلالة مميزة ..
ويالت فندقين واحد نقعد فيه يومين والثالني 3 أيام ..
فندق المارينا يم مجمع المارينا
أبي أسعارها والأرقام ..
المولات ألي فيها ماركات مثل ( لويس فيتون و لوي و فندي و بلنسياقا و فالنتينو و ميوميو وكلوي و جيمي شو )
تحصلينهم بمجمع الصالحيه ومجمع الرايا وهم بتسويعه الجديده للافنيوز
أحنا ثلاث أفراد أنا وزوجي وأبني 8 سنوات
وياليت أقتراحاتكم لبرنامج الرحلة
زوري الابراج الكويت
وروحو صالحيه وبعدين الرايا تغدو في مطعم بتيك برقر في الرايا
روحو مجمع الافنيوز يبيله يوم كامل وفيه وايد مطاعم حلوه
وروحو المارينا ويمه الفنار وزورو مركز سلطان سوبر ماركت بشهور بالكويت
ويوم روحو سوق شرق وتغدو في ميس الغانم مطعم لبناني موجود على البحر وانتو ريحين سوق شرق راح تشوفونه صاير بالجه المقابله للبحر

حياج الله كتكوته في الكويت وتنورينا ان شاء الله
اما بخصوص الفنادق فأنا انصحج بفندق المنشر وفيه مجمع للماركات العالمية ويمه مجمع الكوت بتروحيله مشي
اما الفندق الثاني واهو فندق المارينا وكذلك فيه مجمع المارينا
ويوجد مجمع اخر واهو الافنيوز وهو مجمع ضخم يستاهل تمرينه
ومجمع الفنار واهو قريب من المارينا
ومجمع سوق شرق
واي استفسار اخر انا حاضر

عندج crowne plaza kuwait و le meridien kuwait اثنينهم حلوين ومكانهم على شارع الخليج وخدمتهم حلوه خاصة كراون

هلا بالكتكووته
منوره البوابة الكويتيه ..
وحياج الله بدولة الكويت..
بالنسبه لفنادق 5 نجوم انصح ب:
1- فندق روتانا المنشر في منطقة الفحيحيل راقي جدا وهو عباره عن فندق ومركز تسوق وبه كل الماركات اللي ذكرتيها وبجانبه سوق ومطاعم متنوعه ..
2- فندق ومنتجع الهيلتون .. في منطقة ابو حليفه .. راقي وبه نظام غرف ونظام شاليهات مطله عالبحر وبجانبه سوق ومجموعة مطاعم..
3- فندق المارينا .. فندق راقي وبه نظام غرف وسويتات وجميع الغرف مطله عالبحر .. وبجانبه المارينا مول يعنى تتمشون وتوصلون له عبر الجسر الموجود .. ومجموعه كبيره من المطاعم والكافيهات ..
4- فندق الرايه .. هو عباره عن فندق ومول راقي جدا ولكن المول يخلو من السينمات وموجود في مدينة الكويت ( قلبها )بخصوص المولات ..
1- مول الافنيوز .. راقي جدا وبه كل ما تحتاجينه من ماركات وبه كافيهات ومطاعم عالميه راقيه وبه سينما
2- مول المارينا .. به كل ما تحتاجينه ولكن يقتصر لوجود جميع الماركات وبه مطاعم وسينما
3- مجمع الصالحيه .. به جميه الماركات العالميه التي ذكرتيها ولكن به قليل من الكافيهات
4- سوق شرق - الثريا - مجمع 360 جديد - الكوت - كويت ماجيك ( هذه مجمع من المولات )
5- سوق المباركيه ( سوق تراثي ) كل ما يخص التراث الكويتي وبه محلات صيرفه ومحلات ذهبالاماكن السياحيه :
1- المركز العلمي والاكواريوم وسينما اي ماكس
2- حديقة الشعب الترفيهيه
3- المدينه الترفيهيه
4- صالة التزلج على الجليد
5- وللطفله في العاب تابع لشركة طفل المستقبل منتشره بكل انحاء الكويت
وان شاءالله تقضين وقت ممتع ..

ربي يسعدكم
شكرا قد السماء

تنورين لكويت
بالنسبه للمركات
عندج الصالحيه والرايه وتروحين لهم مع بعض لانهم بنفس لمكان وقريبين من بعض
بعدها فيلا مودا بالمنطقه الحره
عندج مجمعات حلوه
لمرينا مول
والفنار وليلى قلري والبستان و زهره وسوق لسالميه الجديد والقديم
كلهم في نفس المكان وقريبين من بعض
لافنيوز
مانصح في mall360 لان مافي محلات مفتوحه وايد ولكن اذا حبيتي تزورينه
وبالنسبه للفنادق
فندق المرينا جدا ممتاز وعلى البحر وبنفس الوقت ترفيهي
وقباله المرينا مول ومرينا كرسنت
ودايم في الصيف الاسعار تختلف
بس من فتره حجزة لصديقة لي
غرفه سرير مزدوج و سرير اضافي لولدها
ب 140 دينار كويتي
والاسعار تختلف
حياج الله

وانصحج بأحدى الايام
بغروب الشمس
تاكلون او تحلون في مكانين
1_ المرينا كريسنت في كفيهات ومطاعم حلوه ومطله على البحر ومرسى اليخوت
وفي قسم الضيافه على البحر قريب من ابراج الكويت
فيه 3 مطاعم
امريكي و فرنسي وايطالي
وانا انصح في الايطالي دون ماريوز
والفرنسي لتر دامور
والجلسات الخارجيه مقابله الابراج ولبحر والمنظر حلوو جدا