نشر في البحرين

جيتكم ياهل البحرين وابي الفزعه

اصدق المشاعر

20-10-2022 - 05:46 am

السلام عليكم ورحمة اله وبركاته
ناوين نمشي للبحرين الاسبوع الجاي ان شالله بس عندي كم سؤال بهالخصوص
اول شي انا بطاقتي تبع صراف الراجحي,, هل اقدر اسحب من هناك؟؟
هل الأفضل ابدل العمله من السعوديه او من البحرين؟؟ او كلها مثل بعض؟؟
توجد في البحرين مدن ترفيهيه كبيره غير الحديقة المائية؟؟
مجموعة اليت هل جميعها تصلح للسكن العائلي(يعني نظيفه ومافيها بارات)؟؟
و متى اكثر وقت يزدحم فيه الجسر؟؟

التعليقات (8)

ابو فيصل 99

20-10-2022 - 08:10 am

اصدق المشاعر
افضل وقت للسفر من السعودية هي الفترة الصباحية ويتطلب تحاشي فترة مابعد الظهر خاصة ايام الاربعاء والخميس او يمكنك اختيار الاوقات المتأخرة من الليل. اما من البحرين اقل حدة ولكن تحاشو مساء الخميس والجمعة.
تحياتي ... على فكرة مو بس اخوانا البحرينين يفيدونك .. حتى السعوديين بعد يقدرون :wink:

الغالـــية

20-10-2022 - 09:11 am

ابو فيصل 99
ما منكم قصور ياخوي ...... ونتشرف بكم والله ...

ابو فيصل 99

20-10-2022 - 10:12 am

الغالية
تسلمين مشرفتنا الغالية ... كان ردي مزاحاً للكاتب ... وكلنا اخوة بحرينين وسعوديين والله لايفرق بينا

فاررسه

20-10-2022 - 11:13 am

الاعضاء كفوا ووفوا وبالنسبه للصرف انا اسحب من الجسر وعادي مااحلو فلوسي بحرينيه لانهم ياخذون سعودي وكل فنادق اليت عائليه

حلاوه بالتوت

20-10-2022 - 12:14 pm

مراحب اخوي
بالنسبه للصراف الراجحي او غيره تقدر تصرف من صراف البحرين عادي بس كل عملية سحب ياخذ عليك على ما أظن 15 او 20 ريال
أحسن شي تسحب اللي تبيه من صراف الراجحي اللي بالجسر
سعودي وماله داعي تحول كل المطاعم والاسواق ياخذون سعودي
مادري متى بس يوحدون العمله ويفكونه صراحه البحرين محلاتهم مليانه فلوس سعوديه والعكس صحيح خلاص عاد خلوها عمله وحد وفكونا متى بيجي هالدينار الخليجي
المهم بالنسبه لأيليت عاائلي وحلو وزين ما أخترت

الـنـــايـف

20-10-2022 - 01:15 pm

ماقصرو اهل البحرين اما القريشات لاتنقل هما ادفع باللريال السعودي ماتلقى فندق او سوبر او صيدلية او الاعنده عمله
يعني مااذكر مره من المرات صرفت عمله وانت تشتري وتحاسب على شغله معينه يردون لك الباقي نصه سعودي ونصه بحريني
اما الراجحي مايحتاج انا مااخذ معي الافكه والسحب اسحب بصرافه الراجحي من الشامل او اي بنك
ولو نقص عليك قريشات ماعليك الاتتسوق عن طريق المراكز بالكاشير واذا رجعت للسعودية عند ايداع اي مبلغ راح يخصمون
المبلغ المقترض
تحياتي لك

اصـيـلــه

20-10-2022 - 02:16 pm

وعليكم السلام ورحمة الله وبركاته
اخوي ترا كلنا ديرة وحده ونصيحة الخميس من بعد الساعة 10 الصبح الجسر زحمة فاذا بتجي الخميس اقعد من الصباح يعني على 8 او 9
ومن اسالتك احس انك ماجيت البحرين كثير
في عندك منزة عين عذاري من جم شهر تجدد وفتحوة مرة ثانية
وايد حلوة الحديقة وبتعجبكم ان شاءالله
واليت زين بس نصيحة احجز قبل لان ماشاءالله اجازتكم بدات فالسعودية وكثار بيقضونها في البحرين
عندك اليت اللي في منقطة السيف واللي على جسر المحرق وفي مركيور اللي يم مجمع السيف
واي سؤال تفضل اخوي وان شاءالله تستانسون عندنا
تنورون

إحساس هاديء

20-10-2022 - 03:17 pm

الجسر في الويك إند جداً جداً مزدحم ..
حاولوا تمشوا في الصباح قبل فترة الظهر .. .
والله من تجربه شخصيه عني .. الخميس العصر كنا ع الجسر واقفين 5 ساعات من كثر الزحمه ..
ف حاولوا تبدروو كثر ماتقدرووا ..
وبالنسبه للعمله مافرقت من هنا ولا هناك ..
وموفقه ..

البحرين المسافرون العرب

جيتكم ياهل البحرين وابي الفزعه