كوني بمدينة الخبر وكامرتي بشنطتي وين مارحت اصور حبيت احط صور عن الخبر..طبعا مو كل شي بالخبر لكن الاماكن اللي انا يوميا تقريبا أمر عليها.
شاليهات هوليداي ان .. ما اخذنا لنا شاليه لاء لكن جينا نتمشى.. الشاليهات حلوه ومرتيه مااقدر اقول هاديه لانو كان مو موسم فطبيعي يكون هاديء.. شكلها ماخذ شكل U بس U كبيره وهو طبعا مطل على البحر مباشرةً. فيه دبابات وفيه جت سكي والكباين اذا صح التعبير او الشاليه كل شاليه جنب بعض يعني ما يفصلهم شي مثل جدار او نحوه وفيه مساحات خضراء واسعه مقابل كل شاليه تقدر تتمشى وتسوي باربكيو فيها..
فيه مسبح عام بس ماشفته.. داخل او عند الريسبشن فيه مطعم بوفيه كبير نوعا ما هو تقريبا عند اللوبي وفيه شقق وفيه ايضا غرفه صغيره جدا العاب اطفال تقريبا 3 × 3..(ماادري ليه حبيت اذكرها).
جزيرة الدغيثر تتكون من 3 مطاعم: مطعم السنبوك(بحري) و غالي وأكله حلو - مطعم إيطالي (اسمه صعب نسيته) بوفيه الجلسه فيه جدا حلوه وأسعاره جيده بس الاكل مو مره وفيه ايضا طلبات مينيو - المطعم الثالث مااعرفه صراحه عفوا..
صوره للجزيره والمطاعم
كشك داربي (كوفي)
هنا صور لشارع الكورنيش - احنا نسميه شارع الكورنيش بس مااعرف اسمه -.
الجهه اليمين من الشارع:-
المطاعم فيه يا كثرها وهي:
برغر كنغ. – د.كيف كوفي ومن وراه على طول مطعم داجن – ماكدونالدز.
ستاربوكس كافي (ماحبه كونه فعلا يهودي والله يفكنا منه):112: - التنور الصيني ( حلو) - فرايديز (يجنن) – بيتزا هت (عائلي) - تشيليز ( يهبل).
وورا ماك تلاقون الواجهه البحريه (الكورنيش) فيه ألعاب أطفال مراجيح وزحليقه وهذي الالعاب الخشبيه ..
وفيه داخل الواجهه مطعم كودو وقطار على الممشى.
عذراً إذا كانت بعض الصور مشوشه صورتها والسياره تمشي..
صور للواجهة البحرية:
فؤاد سنتر..فيه محل عبايات و شيلات مد نايت (حلو) ومحلات ذهب مو كثير واسعارها حلوه ومحل إرم للاحجار الكريمه و محلات ملابس عاديه جينز وغيره.... و توي تاون ألعاب أطفال وفوق فيه محلات ومطاعم.
اذا تبغون تكملون على طول تلقون ورا فؤاد سنتر مطعم المنتزه مطعم لبناني العرايس حقته حلوه وفيه العاب اطفال بس اللي يمنعنا انو مانروحله القطاوه كونه جنب البحر حيل فكل مانكون قاعدين على طاوله تجي القطاوه من تحت الكرسي .. لكن فيه مكان كله زجاج مسكر للي يدخنون او يشربون شيشه وبنفس الوقت ياكلون.. مطعم حلو ومريح وأكله لذيذ..
بعدين اذا كملتو بشارع الكورنيش كله جلسات ومساحات خضراء وتقعدون فيها وهو يسمى الكورنيش القديم.
ونكمل إن شاء الله قريباً