Verona
20-11-2022 - 03:58 am
السلام عليكم :
كيفكم ؟ يا رب تكونوا جميعا بخير و في أحسن حال يا رب
ممكن أبدا معاكم .. بسلسلة تقارير عن القاهرة ...حبيبتي الغالية ...
حتكون عبارة عن جولات بسيطة ..كل جولة في موضوع منفصل ...التعليق و الترتيب مني تماما ...و الصور منقولة و مرتبه لتناسب التقرير ....
انهارده حنروح لجمهورية العتبة و الموسكي على سن ورمح
أوعدكم رغم الزحمة إنها حتكون رحلة ممتعة جدا
طبعا للي ميعرفوش المنطقة دي خلينا نقولهم رحلتنا انهاردة حتكون لفين في العتبة ....
ميدان العتبة
سور الأزبكية- ( أكبر مكتبة كتب في قلب القاهرة )
الموسكي
درب البرابرة -( مركز بيع النجف و أدوات الإضاءه )
حمام الثلاثاء .(مركز بيع أدوات المنزل )
المناصرة .( مركز بيع الأثاث)
شارع الأزهر و ميدان الأوبرا .
أتمنى أن جولتنا إنهارده تعجبكم ...و تنول رضاكم
يتبع ...
أحد أهم مناطق القاهرة على الإطلاق، زمان كان اسمها العتبة الخضراء ..و طبعا مبقاش في أي خضار فيها دلوقتي .. فبقى اسمعها العتبة ...
حنروحها إزاي ... مينفعشي نروح بالعربية و لا الباص عشان الزحمة ... الحل الأسهل دلوقتي هو مترو الأنفاق ......
و حنطلع من المحطة ....
طبعا أول ما حنطلع حنلاقي سور الأزبكية قدامنا بس مش حنتكلم عنه هو الأول .. لا حنبتدي من العتبة نفسها و بعدين نتكلم عن سور الأزبكية و باقي المعالم
زي ما قلنا قبل كده نظرا لان العتبة تعتبر من أهم المراكز التجارية لكل طوائق الشعب و رخص أسعارها الكبير عن باقي أسواق مصر الأخرى تعتبر من أزحم مناطق مصر .....
المصريين بيجولها من كل مكان ، مش ممكن تكون عايز حاجة و متلاقهاش هنا .. ومع أن غالبية زبائنها من الطبقات المتوسطةو الأقل ، لأسعارها الرخيصة ، فإن الأغنياء برضو بييجوا هنا , و ده طبعا للي عارفين المكان كويس و زحمته و الطرق ...
لبس خروج و عبايات و لبس بيت و أحذية و شنط و كول حاجة بإرخص أسعار في مصر على الإطلاق - مش حتلاقي أرخص من كدة في مصر أبدا ..
بس طبعا في فصال و بالذات مع الباعة اللي فارشين في كل مكان في العتبة ...و انتو و شطارتكم .....
و طبعا .... فرق كبير في الأسعار عن بره .....
بس مش هو ده بس سر جاذبية العتبة .....
يتبع ....