بسم الله الرحمن الرحيم ..
على صغر حجم البحرين .. إلا انها تتميز بكثرة وتنوع مطاعمها ..
كل انواع الاكلات من مختلف دول العالم تلاقيها في مطاعم البحرين المختلفه بجميع المستويات ..
كل فندق فالبحرين يتميز بعدد من المطاعم ..
ابتدائا من الريتز مطعم ترادر فيكس , نيرفانا الهندي , لا ميديتيرين .. غالبا بوفيه ......
مرورا بالمطاعم الراقيه الاخرى .. مثل مونسون , مراي , نينو .........
وصولاً .. الى الكافتريات والمطاعم السريعه مثل جاسميز , جان برجر , شوارما اكسبرس ......
أسبوعيا باذن الله راح انزل لكم تقرير كامل عن احد المطاعم ..
كل ماأزور مطعم يستحق الذكر ..
بستعرضه لكم فهالموضوع ..
او ببتدي معاكم .. بمطعم Fish Market ..
انا شخصياً اصنفه من أحسن مطاعم SeaFood اللي اكلت فيها في حياتي ..
غالي نسبياً .. لكنه يستحق الزياره ولو لمره وحده ..
يميزه موقعه .. المطل على بحيرة صغيره وشاليهات البندر ..
مطعم SeaFood بكل المعايير ..
اول شي نبتدي مع موقعه فهالخريطه المتواضعه اللي خذيتها لكم من قوقل ..
المنتجع ممنوع يدخله غير المشتركين والساكنين فيه لذا على الباب لازم تحددون لهم انكم يايين فش ماركت ..

بيدلكم الموظف على الطريج ..
عرضهم بهالطريقه .. تختار من السمج والمأكولات البحريه اللي تحبه او يساعدك الشيف في اختيار طريقة الطبخ ..
اول ماترجع عالطاوله تلاقي هالصحن ..

خبز مع سوس بالثوم والطحينيه لكن وايد حلو ..
او هذي جزء من الطعم

المهم بعدين طلبنا سلطة السيفود بالافوكادو ..
لذيذه وايد ..

او هذي صوره صورتها في يوم قبل بس اوضح السلطة

او بعدها وصل الاكل .. يحطونه على صخانات صخار عشان يتم حار ويشرف الويتر على توزيع الاكل فالصحون عشان جذي تلاقون فالفاتوره مبلغ كبير للخدمه :112: مع انه محد طلب منهم!!!!

أكلهم وايد لذيذ لكن الاشهر والاغلى والألذ اللوبستر

• عند البطون تعمى العيون- فنسيت التصوير لكن الحمدلله لقيت في ارشيفي هالصوره من زيارة سابقه*

المهم .. اذا رحتو اهناك او طلبتو كل شي بدون اللابوستر .. يطلع معدل السعر للفرد 12 دينار تقريبا.
2دينار يشمل (القباقب اللي اهوا السرطعون على مااعتقد / الربيان / الخثاق ويسمى قنديل البحر / الصقوع اللي اهما المحار / السلطة / الرز / والحلو (كيك الشوكولا والجيز كيك)
لكن مع اللوبستر يصير المعدل 20 او اكثر للشخص .
الاسعار اول ماتدخلون بتشوفونهم فالعرض بالجرام .. فلايغشكم هالشي لانه الغرام قليل جداً .. ويمكن تشوفون الغرام مثلا دينار او تطلبوون وايد اكثر من اللي تاكلونه وتتفاجئون بالفاتوره
واخر شي ييبون لكم عالطاوله هالاختراع

بخور اجانب ..
في ثلج وريحة عطر حلوه .. ويصبون عليه ماي حار او تطلع الادخنه ..
وتروح ريحة الزفره بقدرة قادر

واخر شي يحلون ريجكم بقطع الجوكليت هذي .. مع الفاتوره ..

او هذي تقريري لهالاسبوع اتمنى يعجبكم .. وانشاءلله الاسابيع اليايه بيكون كوالتي التصوير احسن لاني بتنقل بكاميرتي انشاءله .. فانتظروني الاسبوع القادم . .