وعليكم السلام ورحمة الله وبركاته
هلا وغلا الغالي
الموضوع بسيط ان شاءالله ولاأتحاتي ..
مثلاً في البدايه حدد نقطه معروفه بعد ماتختار المدينه ..
مثلاً ..اخترت لندن ..بعدها تكتب الهايدبارك واتعلم عليها واتخليها نقطة البدايه ..
الحلو في نقطة البدايه انه يتعامل مع الموقف كأنك هناك في لندن ..وبعدها تختار في القارمن البحث عن الفنادق وتختار الفندق الي تبيه ..
طريقه ثانيه ..تاخذ احداثيات المكان عن طريق قوقل أيرث وادخلها في القارمن وبعدها تختار المكان الي تبيه
القارمن الي عندي نواف 660 ولكن تقريباً كلهم نفس الفكره ..
ماأدري هل اوضحت الصوره ولا !!

السلام عليكم ..
نعم اخوي حط الاسم الفندق ويوديك الين باب الفندق .. انا كنت احط اسم الفندق وهو في ميلانو .. وانا كنت في زيلامسي .. ويوديني الين عنده ..
وتقدر تدخل من القائمه وتختار الفنادق واتسوي بحث وبيطلع لك كل الفنادق ..
وطريقه الاخيره استخدمها في محطات البترول .وبعض المطاعم ..
اما ..تاخذ احداثيات المكان عن طريق قوقل أيرث .. مايصير لان احداثيات قوقل غير عن النفيقيشن ..
واعتقد ومن واقع تجربه .. انتهت سالفة الاحداثيات حالياً .. يكفي الاسم .. ومثل ما قالك اخوي القطري ..وانت الحين في
بلادك تقدر تحفظ الاماكن في لندن .. بطريقه اللي قالها لك ..واتسوي بحث على الاسم الفندق وبيطلعها لك وتحفظها ..

البرستيج كله
السلام عليكم
هلا وغلا الغالي
أختلف معك في سالفة الاحداثيات
انفعتني هالحركه واجد وخاصه في البلدان الي مافيها انجليزي نفس ايطاليا وسويسرا ..
مره كنا طالعين من ميلان ورايحين روما ونبي انزور برج البيتزا المائل شهر 10 الي فات لأنه بين روما وميلان وماخليت أسم مادخلته ولكن بدون فايده ومن خلال الأحداثيات انجحت الخطه وطلعت اسمه وكان اسمه امخزن بالأيطالي ..
ونفس الشي قمة تيتلس ..كنت ادور مواقف حوالين القمه وللأسف ماقدرت اعرف إذا كان فيه مواقف ولا لا ولكن من خلال الأحداثيات الي دخلتها وخليت نقطة البدايه من هناك وخليته يبحث لي عن المواقف وبدل واحد عطاني 3
اموفق الغالي

القطري
أخي الفاضل البرستيج كله أنا مع الاخ العزيز القطري الصيف اللى طاف كنت
ماخذ أحداثيات من الاخ العزيز المزيد عن سويسرا وبصراحه أستفدت منها كثير

انصارى
أخي الفاضل أنصارى بالنسبه عن الفنادق فى بعض الفنادق مو مسجله
بالجارمن تدرى شنو تسوى تسوي بحث عن الفندق المعين واذا ماحصلت الفندق مكتوب تحت التهجئه أكتب أسم الفندق فقط بالاجليزى
واذا بقيت اى خدمه انا حاضر

المزعج
هلا وغلا المزعج ..
أخوي انا ماقلت عكس هالكلام ..
انا اتكلم بنقطه معينه هي اذا كان عندك اسم الفندق تقدر اطلعه بدون احداثياته .. قبل عشر سنين كان مش موجود هالاختراع فقط تتعامل بالاحداثيات .. ولكن النفيقيشن تطور ..واصبح فقط بالاسم بدون انك لازم تضع احداثيات المكان..
واذا انت تبي تحفظ الاماكن بتطلع لك اصلا الاحداثيات .. والاحداثيات شي مهم .. ولكن للمستخدم اصبح مو مهم ..
كلامي محد بيفهمه الا اللي عنده خبره باستخدامه ..
اخوي القطري ..
استغرب من كلامك .. وبعدين لازم اتحط الاسم الصحيح .. وبعدين وشلون الاسم بالايطالي !!؟ اكيد بالايطالي وحتى بقطر الاسامي بالقطريه .. ولكن الحروف بالانجليزيه .. لان الحروف الايطاليه هي بالاصل انجليزيه .. فأكيد انتم مغلطين بالاسم .. وفي كذا طريقه تقدرون اطلعونه بدون وضع الاسم .. ولكن تبي لها خبره .. ورجع الموضوع رجل شرقي .. او موضوع بو عزوز ..
وانا اقولك رايح ايطاليا وباسم الفندق وصلني الين باب الفندق .. بمسافة 500 وشي كيلو ..
وانا مصر على احداثيات قوقل ماتنفع للنفيقيشن ..
جرب ورد لي خبر :8888:
تحياتي ..

السلام عليكم
صباح الخير الغالي
المشكله انها قناعات فإذا كانت هذي قناعتك فمقدر اغيرها
وفوق هذا انت مصر على رأيك ..
والحمدالله عندنا الخبره الكافيه في القارمن
اما مسألة ان الحروف الأيطاليه بالأنجليزي ف حتى الحروف الفرنسيه والألمانيه فيها انجليزي ولكن مش كلها انجليزي ..
والقارمن الي عندي اسامي الشوارع في قطر بالأنجليزي مش بالعربي
اما مسألة برج بيتزا ماكنا امغلطين في الأسم لأن احنا كنا كاتبين اسمه بالأنجليزي ولكن في القارمن كان ممحطوط اسمه بالأيطالي ..
اموفق الغالي ..
وكل واحد له قناعته
عن نفسي الأحداثيات من اهم الأشياء في كل شي ..

انا اسجل تقديري للجميع وبارك الله لي لي ولكم في اعمالكم وماتقومون به من عمل تستحقون عليه الشكر والثناء ( الاختلاف لا يفسد للود قضيه ) كل شخص له قناعاته وتجاربه اللي يثق بها .
عموما اسجل بس الاسم واعطيه (قو) وادع له القياده واستمتع بمشاهدته ما حولي .وهل اقدر قبل السفر اخزن عليه ما اريد من اسماء.

السلام عليكم
هلا وغلا الغالي
صح
تقدر اتخزن عليه وهذا افضل بواجد من انك اتروح هناك وتكتب الأسم ..
والسواقه هناك لها متعتها
واي خدمه احنا في الخدمه ..