السلام عليكم
هذي تجربة لأستخراج الفيزا من السفارة النمساوية كرد جميل لهذا المنتدى المعطاء
بكل يسر وسهولة وبعيد عن أي تعقيد يذكر لقيتهم متعاونين جداً .. القهر انهم ما يطلعون التأشيرة من القنصلية في جدة ويريحونا ..
تعنيت ورحت السفارة منعنا لأي احراج هناك حتى اللي يخوف بموقع الخطوط الأعلان انه فيه غرامه
والعودة الى المملكة وكلام كثير يتعب بصراحه.. بأختصار
قدمت يوم الثلاثاء 26/4/2011 انتهت التأشيرة ودقوا علي يوم الأربعاء 4/5/2011 يعني 7 ايام عمل .
وقت قياسي صح السفارة تفتح الساعه 9 انا جيت 8 الا ربع وسجلت اسمي عند الحارس وكنت ثاني واحد ورحت افطر سريع ورجعت لقيت فيه عدد مو كثير صراحه المهم لين جات 9 بدا ينادي
اللي قبلي مو فيه دخلني انا وكنت استفتاح لهم بعد اجازة 3 ايام عيد الفصح وقدمت اوراقي على الشباك ووقعت
في اللي خايف منه ورجعوني ..
بس الحمد لله على شي سهل وهي جزئية في الابلكيشن رقم 31 و 32 في الصفحة الثانية وهي انك تعبي عنوان الداعي او الشركة . انا قلت له انها ما تخصني وانا مسافر سياحة قالي لا اكتب عنوان اول
فندق تنزل فيه والرقم والفاكس والايميل ورجعت وكملتها ورديتها له وقبلها الحمد لله .
بالنسبة لشروط هي ما فيه غيرها اللي موجوده بالموقع بأختصار :
ورقة تعريف اذا ما كانت انجليزي ترجمها من مكتب لترجمة معتمد وصدقها من الغرفة التجارية . انا سويت منها نسخه وارفقتها مع اوراق الزوجة .
كشف حساب لمدة 6 شهور ( ما اعرف كم المبلغ اللي لازم يكون فيه ) . مختوم
تأمين صحي . انا سويته من التعاونية لمدة شهر شخصين 255 ريال . فيه على موقع
السفارة الشركات المقبولة لتأمين . يعطيك التعاونية ورقتين ورقه لك والثانية تسلمها لسفارة .
كمان سويت منها نسخه وارفقتها مع اوراق الزوجة
صور مكشوف الرأس وبالنسبة لزوجة طبق النموذج الموجود بموقع السفارة عشان ترتاح .
انا تفلسف علي هندي باستديوا التصوير وطلعلي نص صدري بالصورة ويقول انا اعرف
وحركات خليته يغيرها ويطلع اكثر شي الوجه وجزء من اعلى الصدر المهم حاولت اطابق بالضبط
زي نموذج الصور بالموقع ( الصورة لاتدبسها ولا تغريها بس بمشبك )
الصورة خلفية بيضاء مقاس 3.5×4.5 بدون اطار .
صورة للجواز مع الأصل .. لازم تكون موقع بالصفحة الثالثة والتوقيع يكون مطابق لتوقيع
اللي بآخر الابليكيشن
حجز الفنادق . مؤكد اما بالفاكس او ملف PDF . بالنسبة لي عندي حجزين بالفاكس
والباقي ملف PDF وفيه فندق ارسل رساله عادية على الايميل قمت انا سويتها على ملف PDF
وطبعتها وعادي الموضع مشي .
تذكرة ذهاب وعودة ( صورة )
ان شاء الله ما اكون نسيت شي
من وجهة نظري اهم حاجه لاحظتهم يهتمون فيها مره ويتفحصونها حجز الفنادق يكون مناسب
تماماً مع عدد ايام الاقامة بالتواريخ على حسب التذكرة من وقت الوصول الى المغادرة .
كل هذا اللي صار دخلت السفارة 9 تماماُ و 9.18 دقيقة انا بخارج السفارة والتأخير
هذا كله الخطأ في الابليكيشن