حياج الله اخت نابليونيه بالكويت
وبالنسبة للجدول حلو بس يبيله زياده بالاماكن,,,,, وترتيب لان المباركية والمركز العلمى والعربيد
بعاد عن بعض وكل مكان بمحافظة,,,,,,,
وهذا جدول بسيط
اليوم الاول : شارع سالم المبارك + مجمع المرينامول + التمشى بمرينا كريست.
اليوم الثانى : ابراج الكويت + سوق شرق + مجمع دسمان + النافورة الموسيقية ليلا.
اليوم الثالث : المركز العلمى + المتحف الوطنى + مجمع الافينيوز.
اليوم الرابع : مجمع العربيد + المدينة الترفيهيه.
اليوم الخامس : سوق المباركية + مجمع الصالحيه.
وحياكم الله مره ثانيه,,,,,,,,, واذا فى اى استفسار اخوكم موجود

حياكم الله أختي في الكويت و إن شاء الله بتزيدون نورها بنوركم...بالنسبة لجدول أخونا عاشق الخيال جميل جداً...!
بس ما انصحج بزيارة النافورة المسيقية لأنها عادية, و حسب ما قيل لي أنها مغلقة حالياً...!
على العموم لا انصحكم بزيارتها!و هذا تعديل و اقتراح مني:-
اليوم الاول:-
1- شارع سالم المبارك "على فكرة المجمعات اللي فيه كبيرة و راقية و يمكن يبيلها وقت أكثر".
2- مجمع المرينا مول.
3- التمشى بمرينا كريست "عبور جسر المارينا وصولاً له, و تناول وجبة العشاء فيه.
اليوم الثانى:-
1- ابراج الكويت, يمكنكم تناول وجبة الإفطار فيه.
2- سوق شرق "وجبة غداء فيه".
3- مجمع دسمان.
4- في الليل سوق السالمية "القريب جداً لسكنكم". (أو) : سوق المباركية.
(وجبة العشاء فيه أو إحد المطاعم العديدة سواء الواقعة في الأماكن هذي أو اللي عالبحر).
اليوم الثالث:-
1- المركز العلمى صباحا "زيارة الأكواريوم و الديسكفري و تقدرون تدخلون آي ماكس إذا اردتم مع تناول وجبة الغداء بإحد المطاعم الموجودة.
2- مجمع الافينيوز يبيله راح يكون لبعد المركز العلمي , لأن كبير بمساحته و يبيله وقت....
اليوم الرابع:-
1- تناول الإفطار بأي مكان "الأماكن متعددة بجانب الفندق".
2- مجمع العربيد في الفروانية.
3- المدينة الترفيهيه في منطقة الدوحة.و ملاحظة : أقترح عليكم أخذ رقم التاكسي اللي يقلكم من مكان للثاني, و الإتصال عليه قبل التنقل...
و أخذ رقم أكثر من واحد , حتى ماتلاقون صعوبات...و حياكم الله في بلدكم الكويت يا رب.....

تسلم اخوي عاشق الخيال واكيد اخوي Dhari انا من زمان خاطري بالكويت بس ماحصلت فرصه بس ان شا الله هالمره ثابته
اثلجتوا قلبي بصراحه بالردود والمساعده وياجعلكم على القوه ان شا الله
اذا فيه اي اقتراحات ثانيه انا بالانتظار

نسيت اقول لكم شي بأي مدينة العاب تنصحوني ( الترفيهيه والا الشعب والا شوبيز والا ....... )
مع العلم ان عندي بنات صغار يعني وحده عن خاطرهم وبس وانا وزوجي طبعا مو مال لعب

أهلين أختي نابليونية...!
و أشكرج على الرد الحلو...بالنسبة ل "شوبيز" فأنتهى أمرها حالياً لأنها قيد تنفيذها بشمروع جديد و مغلقة.
بالنسبة ل "منتزه الشعب الترفيهي" فهو جميل و لكن صغير نوعاً ما و يقع بشارع الخليج العربي, و الألعاب كلها بتذاكر.
بالنسبة ل "المدينة الترفيهية" : تقع بمنطقة الدوحة, و الترفيهية بحد ذاتها مكان شاسع و كبير, و تضم ألعاب مختلفة للكبار و الصغار و نشاطات مختلفة, خاصة في شهر فبراير, كما أن العابها كلها مجانية أي أن كل شي على تذكرة الدخول.
(عدا عدد قليل معدود من الألعاب يمكن 2 او 3).أنا برأيي أن المدينة الترفيهية الأجمل من بينهم...
لأنها كبيرة و جميلة و متنوعة بكل شي...تمنياتي لكم بقضاء وقت رائع ببلدكم الكويت.
تحياتي.

اتفق مع اخى العزير ضارى ان المدينه الترفيهية اجمل واكبر
ويشرفنى مرورج الكريم الى موضوعى عن المدينه الترفيهية
من خلال هذا الرابط اضغط هنا https://artravelers.com/p/re/160154
ومعظم العابها مجانيه,,,,,,,
اما حديقة الشعب الترفيهية فهى صغيره بالنسبه للمدينه الترفيهية
وهى رائعه ايضا,,,,,,, بس انصح بزيارة المدينة الترفيهية

مرة ثانية اشكر بحراره اخواني dhari وعاشق الخيال وموضوعك اخ عاشق افادني بحسم قراري
بصراحه تسلمون على ردودكم الطيبه والله يكثر من امثالكم

نابليونيه
سندري راسنا عدل احنا مالنا شغل الا الاجابه على استفساراتكم الجميله ويسعدنا الرد عليها
والاخوان ما قصروا والحقيقه حبيت ابدي اعجابي لانج تعرفين مجمع دسمان المتخصص بالوسائل الدراسيه الجميله بس ياليت تروحين له اول شي علشان اذا تحبين طلبات خاصه يمدي يسويها المحل بعد يوم او يومين ارجوا لاتطوفج النقطه هذي
وايضا مجمع العربيد اذا تحبين تفصلين على ذوقج يبيله يومين ولا ثلاثه
انصحج اول شي تروحين مجمع العربيد وتفصلين وبعدين مجمع دسمان وتعطينهم الطلبات
وحياكم الله في الكويت

ناصر كويتي
ويه ويه احرجتني والله انا كنت حاطه موضوع من قبل وفيه طلباتي وماقصروا الجماعه علموني عن كل شي ابيه
لا والحين بعد انت ماشا الله عليك فتحت عيني على هالشي وبصراحه احب اشكر كل اللي بالمنتدى العزيز وبالاخص البوابات اللي انا شاركت فيها على ردودهم على اسئلتي حتى لو كانت مرات شوي فيها .... غباء
واشكرك اخوي وكل الكويتين اللي ساعدوني برحلتي وان شا الله ارد عليكم اذا رجعت لأني مسافره بكره ان شا الله مع السللامهه