سويسرا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
اكليل الورد77
05-09-2022 - 11:55 am
السلام عليكم اخواني واخواتي ..........
ابي مساعدتكم انشالله ناويه اروح انا وزوجي ايطاليا وسريسرا
ابي احلا الاماكن الروومانسيه واحلا المناطق ابي جدول حلو ماابي اضيع وقتي انشالله 10 ايام
انا حاطه ببالي اني اروح انترلاكن وفنيسيا ولوغانو وسمعت يقولون ان انسي وشامونيه حلوين
اشلون التنقل بين المدن ومو معقوله اني اسكن بكل مدينه يكون صعب التنقل وايد لا انا ودي اسكن بانترلاكن وفينيسا ولوغانو اشلون اروح ل شامونيه وانسي وماادري وين اروح بايطاليا شنو احلى المدن فييها والله احترت ابي ارتب الجدول من الحين عشان ماابي اتوهق بليز مساعدتكم او ضبطولي احلى جدول وين تتوقعون نسكن وشنو المناطق القريبه منها عشان اروح وارجع نفس اليوم
ابي احلا الفنادق والموقع ويكون يطلع عالبحيره ومايهم السعر


التعليقات (8)
اخو اسامة
اخو اسامة
مرحبا
ممكن تحدد مطارالوصول
بصراحة 10 ايام قليلة
تحيتي

اكليل الورد77
اكليل الورد77
انا بصراحه ودي اروح فينيسيا وجنيف وانترلاكن ومن جنيف اطلع على ميلانو
بس ماادري من وين نقطه الوصول وحبيت اعرف جم الفرق بين فينيسيا وجنيف او فينيسيا وانترلاكن
وممكن تكون اخر محطه فينسيا علما كل التنقلات بالقطار
الله يخليكم وينكم يالمشرفين والاعضاء بعد لا تقصرون معاي

مع القرآن والإيمان
مع القرآن والإيمان
المسافة من فينيسيا لجنييف طويلة جدا
عموما سأعود مرة أخرى مع مقترح بسيط لخط سير الرحلة
لكن متى موعد الرحلة مبدئيا ؟
إن شاء الله الأعضاء في البوابة سيكونون في خدمتكي وتقديم المساعدة من خلال خبراتهم الكبيرة

اكليل الورد77
اكليل الورد77
مع القران والايمان مشكور اخوي وجزاك الله خير زين في احد عبرني
انشالله بالصيف تقريبا شهر 7 ميلادي

اكليل الورد77
اكليل الورد77
انا حبه ان يكون خط سير الرحله
انترلاكن 4ايام
جنيف 4ايام علما بان من جنيف اطلع وارحع نفس اليوم لميلانو
وودي اروح لوزان يوم ولوزين وشامونيه بس ماادري اشلون ارتب الايام
وودي اخر محطه فينيسيا للاسترخاء والراحه وانا سمعت ان في مطار بفينيسيا تطلع منها الخطوط الاماراتيه
اشرايكم ابي منكم تخطيط حلو وانا بانتظاركم

اكليل الورد77
اكليل الورد77
شسالفه وينكم يالمشرفين الموضوع صارله ايام ومحد معبر

مع القرآن والإيمان
مع القرآن والإيمان
شهر 7 ما أنصح أبد بالسكن بجنييف لا تسكنين وماراح تندمين فقط بالصيف
الاماراتية توصل لمطار فينيسيا خبري بهالمعلومة قبل الصيف الماضي وإن شاء الله تكون مستمرة إلى الآن
إيطاليا ما عندي فكرة عنها سبحان الله دايما نتردد على أوربا لكن ما في يوم زرناها
لكن حابة أزروها إن شاء الله الفكرة موجودة لكن علشان استمتع فيها راح أزورها في الشتاء
عموما انا أقترح عليكي التالي من خلال تجربتي بالسفرلسويسرا لمرات عديدة ومنذ الطفولة
الوصول لمطار زيورخ على طيران الامارات الذهاب مباشرة لانترلاكن 4 أيام
بعدها الذهاب إلى لوزان والسكن في فندق موفمبيك الرائع على بحيرة ليمان وهي نفس البحيرة التي تقع عليها جنييف لكن من ضفة اخرى 4 أيام
ميلانو وهذي صعب تزورينها يوم واحد من جنييف المسافة بعيدة والرحلة متعبة لكن ممكن إذا كنتم تتحملون لكنها من وجهة نظري صعبة ليلة واحدة
فينيسيا ليلتين أو أكثر حسب رغبتكم أو من يفيدكم ولديه خبرة في ايطاليا و العودة من مطار فينيسيا على طيران الإمارات
طبعا وضعت لكم ليلة في ميلانو لسببين :
الأول رغبتكم في زيارتها وصعوبة زيارتها من جنييف لطول المسافة
السبب الثاني رغبتكم في زيارة فينيسيا ميلانو أتوقع لازم تمرون عليها
وأي مساعدة لا تترددين تطرحين استفساراتك الجميع يساعدك

swiss love2001
swiss love2001
الخوط الامارتيه تصل زيورخ وفنسيا
يعني المخطط البدايه بزيورخ والنهايه من فنسيا
لاكن فنسيا شهر 7 حاره تصل الحراره الى 37 مئويه ورطوبه عاليه لاكن اذا مصم فهذا رائيك الخاص
وشومني وانسي بعيده جدا على فنيسيا
الجدول كتالي
انترلاكن
لوغانو
فنسيا


خصم يصل إلى 25%