1. طيب، بالسيارة والا بالطيارة؟ والميزانية كم؟


2. طبعا التشيك ان الساعة 2 والتشيك اوت ساعة 12 ممكن يتأخر عند الطلب


3. ان شاء الله بنزل لك تقريري قريب


4. $$$$$$$$$$$$$$$$$$$$$$$$$$$$$$$$$


5. 3-سوق مطرح


6. $$$$$$$$$$$$$$$$$$$$$$$$$$$$$$$$$$$$$$$$$$$$$$$$$$ $$$$$$$$$$$$$$$

طيب، بالسيارة والا بالطيارة؟ والميزانية كم؟

انا بعطيك جدول من تصميمي وانتي ممكن تختاري منه الي تحبيه وتسوي جدولك الخاص
اليوم الأول، اقترح تسكنون في منتجع شانغريلا بر الجصة، فيه 3 فنادق، وبما انكم عائلة فأنصحكم بفندق الواحة، المنتجع يحسسك بجو غير، راح تتمشين على بحر وطبيعة نظيفة خصوصية وراح تستمتعين بسلسلة المطاعم المتنوعة وراح يستمتع زوجك وبنتك بأحواض السباحة المختلفة لكل الأعمار، وراح تزوروا القرية التراثية الي في المنتجع واذا حبيتي تجربي السبا فالنساء لهم خصوصية فيه، بس أسعاره غالية، وللأطفال غير الاحواض فيه نوادي ، نادي للأطفال الي من 4 الى10 سنوات ونادي للأطفال من 11 الى 16 سنة وفيه حضانة ممتازة اذا بنتك اصغر، والاضاءة بليل روعة والعوايل تتمشى في حدائق الفندق وصوت البحر يا سلالالالالالالالالالالالام،

طبعا التشيك ان الساعة 2 والتشيك اوت ساعة 12 ممكن يتأخر عند الطلب

السعر للغرفة مع 3 وجبات حوالي 220 ريال عماني وعلى فكرة السعر مناسب جدا لفخامة المكان وروعته، انا سكنت في البندر الي هو اغلى من الواحة بما انه انا وزوجي بس، فيمكن يطلع لك ارخص بالواحة لما انا رحت شهر 12، وطبعا تسكنين فيه ليلة وحدة

ان شاء الله بنزل لك تقريري قريب

$$$$$$$$$$$$$$$$$$$$$$$$$$$$$$$$$

اليوم الثاني ممكن تعملي تشيك ان بفندق 4 او 3 نجوم، عندك فندق سفير انترناشونال او فندق سفير بلازا ورامي جست لاين بالنسبة لثلاث نجوم وعندك كراون بلازا بالنسبة لأربع نجوم وعندك الانتركونتينانتال وجراند حياة بالنسبة لخمس نجوم او شقق فندقية مثل دلمون للشقق الفندقية(اقتراح فقط) وتتغدوا بمطعم قريب من الفندق او بمطاعم شاطئ القرم الي هي من ارقى مناطق مسقط بس فيها المطاعم من جميع الاذواق والاسعار والعصر تروحوا متحف بيت الزبير الي في مسقط (القديمة) وتستغلوا الفرصة تاخذوا لفة هناك في مسقط القديمة وتشوفوا قصر العلم وقلعتي الجلالي والميراني (كله وانتو بالسيارة وتنزلوا وتصوروا)،،وبعدين تروحون كورنيش مطرح (على بعد عشر دقائق بالسيارة) وتزورون سوق مطرح
سعر الفنادق الي ذكرتها تتراوح بين 80 الى 180 ريال عماني
راجعي هالثلاث مواضيع
1- مطاعم مسقط من الفاخر الى العاثر
2- متحف الزبير

3-سوق مطرح

$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$ $$$$$$$$$$$$$$$

اليوم الثالث : ممكن تاخذوا معاكم غداكم من اي مطعم او شاي وحلويات وتروحوا وادي بني خالد (على بعد ساعتين من مسقط) وتستمتعوا بالجلسة البرية البسيطة اذا كنتوا جايين عمان بالسيارة واذا بالطيارة فممكن تشوفون لكم برنامج سياحي للمنطقة من اي شركة سياحية وبليل تاخذوا لفة بمسقط تشوفوا بيوتها وناسها ومعالمها
اليوم الرابع ممكن تروحوا نزوى، تشوفوا الحصون والقلاع والسوق الي فيها وتمروا تشوفوا فلج دارس
شوفي موقع وزارة الاعلام فيه معلومات سياحية عن كل مناطق عمان وخصوصا رابط "عمان بلادي الجميلة" ورابط "المحافظات والمناطق" عشان المناطق الي ذكرتك لك اياها
الصفحة الرئيسية لموقع وزارة الإعلام http://www.omanet.om/arabic/home.asp
$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$ $$$$$$$$
طبعا انا عطيتك جدول لمسقط بحكم التوقيت الي بتجين فيه، صلالة افضل بالخريف اذا كان هدفك طبيعة وامطار وشلالات بس ممكن اهل صلالة الكرام يفيدوك اكثر

عليك بزيارة الاماكن السياحية بعمان
قلعة نزوى
الجبل الاخضر
رمال بديه
رأس الجنز محمية السلاحف
رحلات بحرية بالعبارة ( جديدة )
رحلات الغوص ومشاهدة الدلافين
الاودية الجميلة بالسلطنة كثيرة
الاسواق الشعبية سوق مطرح
لا تنسي زيارة المتاحف بالسلطنة تحكي تاريخ البلد
التخييم بالاودية روعة
يحظر وضع الأيميلات الشخصية *****
الأدارة

هلا وغلا أختي وحياكم الله بالنسبة لصلالة أفضل وقت لزيارتها من تاريخ 15/7 ميلادي الى 15/09 يعني بفصل الصيف اللي نسميه عندنا بمحافظة ظفار الخريف وجاهزين لأي أستفسار

مشكور اخوي عمان44 والممسافر على مواضيعكم
يزاج الله الف خير يالغاليه مسقطيه
الصراحه فرحتيني وايد وجدولج روعه وانشالله راح انظم وقتي مثل جدولج بالضبط .....
فور شور اني راح استفيد منه ....
بس ليش يعني ماتنصحوني اروح صلاله ؟؟؟؟ برد ؟؟؟؟؟؟ خاطري
وشنهي المجمعات اللي راح استفيد منها من البخور وحركات المسقطيين الحلوه ....
طبعن راح اروح بالطياره ...ادعوا لي اني استانس وخصوصا اني راح اسويها مفاجاة حق زوجي

حبيبتي مو من كثر المجمعات في عمان ههه بس البخور وحركاته يكون في الاسواق الشعبية وان شاء الله تلاقي طلبك في سوق مطرح، وترى مطرح كلها محلات صغيرة يم بعضها واكشاك يعني ممكن تلفلفون فيها وتلاقين الي تبين مني ومناك
ان شاء الله تستانسين يا رب

السلام عليكم :
ولا تنسي رأس الحد ( بلد الشروق ) ،، راح تستمتعي برؤية السلاحف ،، وبمنظر الشمس والبحر الرمال الذهبية الناعمه اللي فيها ..
أتمنالج إقامه طيبة في عمان وفي رأس الحد بالذات إذا مريتيها طبعا ..